<< حملة مكــشـات >>: لمساعدة أهل البــاديـة

[مسافر1]

بارك الله فيك كلام جميل ومقدر وعلى الجميع عدم الاستهانه بالشي ولو كان قليلاً فربما يعني الكثير عند غيره ...

[خشكاري]

بسم الله الرحمن الرحيم

السلام عليكم ورحمة الله وبركاته


تذكرت سالفة على طاري الرعاة . .

أخبرنا أحد زملاء العمل عن سالفة قديمة حصلت في رماح . . يقول أن أثنين من الرعاة من الجنسية البنقالية أقدموا على قتل معزبهم (كفيلهم) من أجل الاستيلاء على النقود التي معه . . وكان لهم ما أرادوا . . وباختصار وبعيدا التفاصيل تم القبض عليهما واعترفا بجرمهما . . وفي اليوم المحدد لتنفيذ حكم القصاص بهما قام جميع ملاك الحلال باحضار رعيانهم لأخذ العظة والعبرة . . منهم العرب كالسودانيين وغيرهم . . وأكثرهم من العمالة البنقالية . . يقول صاحبنا : بمجرد أن هوى السيف على رقبة البنقالي الأول اذ بالبنقاليين صرعى من هول المنظر . . ومع هويت السيف على رقبة الآخر لم يتبق منهم أحد بكامل وعيه . . والمصيبة أن معظمهم لم يعرف السبب من القصاص ولم يفهموا بيان الداخلية المعلن . .

هنا . . قام صاحبنا بعمل اجتماع عاجل meeting لرعيانه البنقاليين . . وسألهم : معلوم ليش فيه (كت) اثنين نفر اليوم . .؟ طبعا كل واحد قام يجيب السالفة اللي سمعها من ربعه . . اللي يقول قتل واللي يقول سرقة وماعندهم علم وكاد . .

هنا تدخل صاحبنا بذكاء وقال لهم : هذا اثنين نفر فيه موت اليوم علشان هو فيه ضيع غنم . .؟!
يقول خوينا من عقبها وهم حتى وهم نايمين يتحلمون بالغنم . . وعسى مايبعد خروف يبي يطلق رجليه الا وهم وراه . .

الى هنا انتهت السالفة . . ويقول خوينا أن صاحب الحلال كان يعامل رعيانه بقسوة شديدة واهمال . . وهذا فقط مادعاني لكتابة القصة أعلاه . .

أعجبني موضوعك الهادف كثيرا ياأخي العزيز المموه . . من حروفك يبدو أن لحب الخير مساحة واسعة من سلوكياتك . . فاالله أسأل أن لايحرمك الأجر . .

تحياتي . .

[نهر العطاء]

نعم هذا الكلام المضبوط .... المسلم اخو المسلم ..... ما تتمناه لنفسك تمنه لاخيك المسلم
جزاك الله خير اخوي

[هاجس]

عين العقل ,,,

جزيت خيرا اخي الكريم ,,

[المموه]

للجميع اشكر لكم تفاعلكم وحبكم للخير وتشجيعكم له . وشكر خاص لأخي خشكاري لتعليقه واطرائة .
والله يحفظكم

[najazy]

مغرز
أشكرك على المرور وجزاك الله ألف خير ويامال الجنة

أما أنت يا المموه لي معك شغل ثاني ...خوفتك
أولا الله يصبحك بالنور
ثانيا إذا تبي الحقيقة أنا الغلطان لأن عنوان موضوعي ماهوب
واضح ولا كان إنتبهتله أنت ولكن على ماقال القايل زيادت الخير خيرين
وأقدر لك إعتذارك
ويامال الجنة
...

[مهراس]

السلام عليكم ورحمة الله وبركاته:

عين الصواب يا نجازي، من الأن وانا سوف اضع مايزيد عن حاجتي في السياره لهؤلاء المساكين، كنت حايس وين اقط هالملابس القديمه بارك الله فيك ياصاحب الفكره.

أبو فهد

[الربذي]

لسلام عليكم
انا من المؤيدين لها وجزاك الله خير والدال على الخير كفاعله
وذكر فان الذكرى تنفع المؤمنين
فعلا اخي احيانا ودك بعمل الخير وتحب ان تعمله ولكن كيف السبيل
لكن فكرتك هذة طيبه مره وتصدق رايحه عن بالي بارك الله في جهودك والبسك الصحه والعافيه والاحظك دائم سباق لعمل الخير لانك انسان خير
وتقبل محبتي لك في الله اخي الحبيب
اخوك الربذي

[بركان]

موضوع رائع
نعم احوال الكثير من الرعاة في الصحاري تثير الشفقة.
اعتقد ان هم في امس الحاجة لــ:
1 -البجامات والبطانيات
2- الجزم ( اعزكم الله.)
3- الخبز حتى ولو كان يابسا فهم يرشونه بالماء ويسخوننه ويعود جديدا كما انه لا يتعفن ابدا طالما انه خارج كيس البلاستيك.
4 ولا تنسون ( الفلفل) الاحمر ترا ابو هنود يموت فيه.
انا اذا مريت عليهم و بغيتهم يعطوني حليب قبل ما اسلم عليهم اوريهم الفلفل الاحمر على طول يقولون ( صديق يبغى حليب).!!!
ثم اقول مد وامد!!!!

كما اننا عندما ننهي الرحلة ونهم بالعودة نقوم بجمع ما تبقى من الاغراض التي لا نحتاجها ونبحث عن الرعاة في الطريق ونهديها لهم.

شكرا للاخ المموه وجزاه الله كل الخير لتذكير اخوانه.

[المموه]

اخواني بركان والربذي صبحكم الله بالخير
اشكر لكما مروركما وتعليقكما وتأييدكما للموضوع والشكر موصول للجميع . وأود ان اضيف للموضوع ان بعض الرعاة اذا وقفت عنده وسلمت عليه مصافحه تحس كأنه مادلك حطبه يديه من البرد نشفت . فيه بشارع الريل محلات لبيع ( المداسيس ) الدرزن بـ (4 ) ريال . وبالحراج تحصل عرض للاكوات المستخدمه والبالطوات من (20) ريال وانت جاي وبطانيات على (10) لو يدخلهن الواحد للمغسله صارن جدد ومغلفات. مايمنع الواحد كل طلعه يشتري منهن ويوزع يعني لو بالشهر يخصص (200) ريال لهن ماضره ترانا بنعمه الله يديمه ويعيننا على شكرها . ويقولون الصدقه تطفيء غضب الرب وتفرح النفس واتمنى الكل يجرب بعد ما يمد مامعه للراعي ويحرك من عنده الشعور الغريب اللي يحصل له . يجي للواحد سرور وفرح وسعة صدر غريبه سبحان الله .
الله يحفظكم ويتقبل منكم انه سميع مجيب

[عاشق النفد]

جزاك الله خير

اخوي المموه


فكرة ممتازة

وان شاء الله بنطبقها

[HAMAD554]

جزاك الله خير

والدال على الخير كفاعلة

والحمدلله رب العلمين كل الاخوان رجال مؤمنين وماينسون هالوصاه انشاء الله

والله يوفقنا وياكم لعمل الخير.

[najazy]

ياإخواني هذي بعض الأغراض اللي أكتبها عشان أذكر نفسي بكل شي
وهي كالتالي
خيمة تمر قشطة إشاعه(يمكن يتهيء زحلقة بالنفود) قصايد شراع
الرجال وبناته !!! كنادر زنجبيل ني ثلاجه بزبوز للتانكي ضومنه
أغراض للرعيان أكياس زبالة إسعافات أولية كبس أرانب شوي
حماصه جبن تونه قرص جمر حليب ركابة...

[جلمود1]

الله يجزاك الف خير اخوي المموه فكره رائعه وصائبه والدال على الخير كفاعله
نسئل الله ان يثيبك ويوفقك
و غير الملابس ترا الرعاة يحبون الفواكه وبالذات البرتقال والموز كثرو منها

[قناص حريملاوي]

أشكرك يــــــــــــا أبــــــــــــــو صــــــــــــــا لح
ــــــــــــــــــــــــــــــــــــــــــــــــــ ــــــــــــــــــــ


أخوك :قناص حريملاوي