رحلتي الى معشوقتي روضة نوره

[أبوي أنت]

السلام عليكم ورحمة الله وبركاته

تمتعنا بزياره لروضة نوره لمدة اربعة ايام

وكانت جميله كعادتها رغم قلت العشب فيها ،، تشرح الصدر

وتطيب الخاطر ،، ولكن الزين مايكمل

فقد ضايقتنا بعض التصرفات من بعض الشباب هداهم الله لكل خير

مثل التفحيط باالسيارات ،، المرور بسرعه عاليه عند الفيضه ممايثير الغبار على المتنزهين

ويسبب الازعاج لهم ويعكر صفوهم

وهناك ملاحظه اخرى الشرطه اخرجونا من الفيضه
واخبرونا انه الخيمه ممنوعه داخل الفيضه وكان هذا يوم الخميس صباحا
وموترنا واضح رقمه انه من الكويت يعني متعنين قاطعين تقريبا 600 كيلو

لهذي الروضه الجميله ،،، ولكن للاسف ماضايقنا وحز في انفسنا
انه في نفس اليوم الخميس العصر الفيضه كلها خيام والشرطه ماكلموهم ولا قالوهم اي شي وهذا قدامنا لانا احنا حطينا الخيمه عن الفيضه تقريبا 100 متر
ولكن لاحول لنا ولاقوه ،، نمتثل للامر

ونشكر البلدية على المجهود الذي يبذلونه في خدمة المتنزهين والاعتناء باالفيضه

وتمتعنا برؤية بعض الشباب بطياراتهم الشراعيه يجوبون اجواء نوره بطائراتهم الجميله

وتقبلوا تحياتي

[الحبييب]

حياك الله
انا اليوم بروضة نوره الريغا حدث ولا حرج

[الفريح1]

يارجال لاتشيلها تخويف بس .واذا جاك قله شف الناس مخيمه مثلنا

[عشق نجد]

رحله سعيده روضه نوره جميله جددددااا باشجارهااااا الخلبة بس من زمان عنهااااا ما جيتهااااااا

[أبوسعد111]

نفس التصرف
ولكن من المجاهدين في روضة ملهم
حتى الرواق عن الهواء يمنعك منه


ياليتهم يشدون على من يرمي النفايات
ويتركون من يضع الخيام

[بن بليهد]

فرق المجاهدين اتوقع بحاجه الى توجيه وتوعيه وصلاحيات يعني يهتمون بارشاد الناس الى ظروره المحافظه على نظافة المواقع ،، ويكون بينهم وبين البلديه تنسيق .
اما بخصوص التخييم داخل الروضات فلا اؤيده لان اغلبها قيعان وارضها ريغا ولاتاخذ راحتك كانك في حديقه
غير الغبار كلن يتفرج عليك ،، ومدام ربي موسعها يختار الرجال موقع قريب من الروضه او الشعبان وتترك الروضه للتمشي
مجرد وجهة نظر

[شيخ العبدان]

الله يعينكم ويوسع صدوركم بالعافيه

[كهربان]

شفلنا صورتين ثلاثه على الطاير .. الموضوع دايم يكمله الصور ..
وبالتوفيق والفرجه الممتعه ..

[ابوعقيل81]

العذر والسموحة
انتم ضيوف وكان لكم حق البقاء
لكن وش نسوي هذي علوم بعض ربعنا الله يصلحهم

شفلنا صورتين ثلاثه على الطاير .. الموضوع دايم يكمله الصور ..
وبالتوفيق والفرجه الممتعه ..

ايه والله انك جبتها
خلونا نكحل بالصور ��