احسن عزبة طبخ

[AL3OOOD95]

السلام عليكم


ابي افضل عزبة طبخ متكاملة وحجمها مناسب وين تنصحوني اشتريها؟


وشكرا

[اخر العشاق]

السلام عليكم
اشتر لك شنطه معقولة حقت بر ب 25 ريال
رح لابو ريالين واشتر منه علب بلاستيك .. 6 حبات او اكثر حسب حاجتك .. حط فيها الشاي والقهوة والهيل والسكر والبهارات والملح .
واشتر من عنده صحون بلاستيك وملعقتين حديد وسكين كبيره و2 سكين خضار وملاس و3 برقان وبيز وكباريت وبيالات وفناجيل وعلبة بلاستيكية كبيره تحط فيها البيالات والفناجيل .وقطاعة للحم والخضار ومفك صلصه وملقاط
اشتر لك دافور وسط مع ذرا وقدر كاتم .
بكذا تكون عندك عزبة معقولة حقت 6 اشخاص وبسعر حلو .
اما الجاهزات فهي غاليه وفي بعضهن اشياء ما تحتاج لها

هذي من تجربتي مع عزبتي الخاصة صغيره وخفيفه وفيها كل شيء .

موفق واذا تبي محل شف محل البريه شرق كلية المعلمين بالرياض عندهم ويقدر يزبط لك وحده

[1500]

بداية اما بعد...

مثل ماقال اخوي اخر العشاق



لقط تلقيط من محلات الرحلات




مثلي
وشكرا

[أبو ستري]

لقط من محلات بو عشرة الصحون وملاحقاتها ..

[سندهم]

اخوي Al3oood95

لقط من كل محل شي لين تكتمل العزبة =الثاية

ارخص +وافرلك

[عاشق البران99]

جمع من كل بستان زهره وكل شغلة خذها من المحل الختص فيها أفضل لك ،،،

[الخادم]

و الله مثل ماقالو

لكن فية عزبة عند القاضي للخيام ثوبها الخارجي ملون ( تقول عزبة جيزاني ) لا تزعلون يالجيازنة لانكم محظوظين بانة لكم صفة لحالكم 0

[تركي0500]

ولا رح شارع السبالة في الشميسي ان كانك قريب منه تلقى الزين والرخيص

[الفردوس]

أنا شغلي تجميع من البيت ون بعض المحلات ولا يمكن أشري شيء جاهز

[ولد عبدالله]

اشترها مفصله
خذ الشنطه من الغرابي
والعده خذها من محلات الاواني المنزليه
تختصرها وتصير احسن لك

[رش السحاب]

مثل ماقالوا اخواني


اهم شي : لا تكثر الدباعين ( يعني الحاجيات ) بعضهم ينقل له ادوات كل عشر رحلات يستخدمهم مره
والله الله بالأصلي من كل شي يعني اشتر شي فاخر يجملك ويعيش معك

ولو انت عندنا بالرس كان تزهلت لك بوحده على كيفك

الله يوفقك ويرعاك

[mr guzai]

شفت شنط في البطحاء جهة عماير الراجحي من الخيام وبعض الأغراض عندهم رايح تعجبك والأواني من الأواني المنزليه وسلامتك

[الظافر]

خذلك شنطة عزبه فاضيه . ورح ياطويل العمرو السلامه للمطبخ حق بيتك تلقي فيه قدور و صحون وملاعق زايده مايحتاجون عليها بالبيت ((صدقني ماتحتاج تروح محلات اواني منزليه )). وخذ مايناسب حاجتك و لا تكثر الاواني بعضها بس زياده و زحمه بالعزبه من غير سنع
وسلامتك

[j4st.com]

خذلك شنطة عزبه فاضيه . ورح ياطويل العمرو السلامه للمطبخ حق بيتك تلقي فيه قدور و صحون وملاعق زايده مايحتاجون عليها بالبيت ((صدقني ماتحتاج تروح محلات اواني منزليه )). وخذ مايناسب حاجتك و لا تكثر الاواني بعضها بس زياده و زحمه بالعزبه من غير سنع
وسلامتك

100%

[أسامة]

حقيقة كل شخص له عزبته وأغراضه الخاصة
يعني رجال يحب يزين خبز صاج ، وآخر مقلقل وثالث فول ورابع ... إلخ فكل شخص يعرف عدته ومثل ما قالوا الشباب مطبخ البيت مليان عدة خذ ما تريد ودع مالا تريد