وشلون تجلس بالمجلس عطنا رأيك

[الوافي.]

السلام عليكم ورحمة الله وبركاته
اشاهد في بعض الرحلات ان البعض يتركى والمركى على يمينه وبرأيي المتواضع هذا خطأ وانتم وش رأيكم
ولماذا لابد ان يتركى على يساره

[ابوعقيل81]

ياخوك انا وجهة نظري .

الجلوس بمجلس رسمي (موب كشته) المركى على اليسار.

بس بالرحلات أهم شي الواحد يرتاح بالجلوس

كل مرة يغير مكان المركى

ياأخي حنا طالعين نستانس

انا بالنسبة لي شاري لي اكثر من كرسي (جلسة أرضية) كل وحدة تختلف عن الثانية وأخذها حسب المكان, مثلاً الي جلد اخذها البر عشان سهل تنظيفها , والقماش اخذها منتزهات , وحدة صغيرة اخذها اذا صارت طلعه خفيفه حديقة مثلاً وتاركها بسيارتي الصغيرة .
واخلي بجمبي مركى اروق عليه .

[سقم المعادي 1]

اشاهد في بعض الرحلات ان البعض يتركى والمركى على يمينه وبرأيي المتواضع هذا خطأ

هذا و رايك متواضع اللحين اجل لو تكلفت وش بتقول

مهب خطأ الله يسلمك الخطأ منك انت

تنقدون على كلش حتى الجلسه لازم اتركى على مزاجك

الله يعين اللي يطلع معك

[هبوب سدير]

اجلس منسدح؟؟


بالله هذا سؤال للنقاش؟؟؟؟

خلصت المواضيع

[محمد ابن عيد]

..
مضوعك غريب ي الغالي
تركى مثل ماتبي لآهو عيب ولآهو حرام
فيه ناس تركى ع يمناه و فيه نـاس عكسه
و فيـه ناس ع ظهره يعني اللي يريحك ي بعدي
*و حاول انـك م تتعمق ب الموضوع لآنه م هو موضوع ديني

[900]

اجلس منسدح؟؟


بالله هذا سؤال للنقاش؟؟؟؟

خلصت المواضيع

ههههههههه

[حطاب الشمال]

كيف تبيه يجلس

يجلس وهو واقف يعني والا وشلون

[الوافي.]

اعتذر من البعض اللي ما يعرف الفرق بالجلوس
يا اخوان اذا تركيت على اليمين وشلون تتاخذ الفنجال من الرجال
طبيعي سوف تأخذه باليسار لان اليمنى مشغولة
وهذا عيب
فلابد ان تتركى على اليسار حتى تأخذ الفنجال باليمين
شفتوا الفرق بين الجلستين

[شيخ من نجد]

من أغرب المواضيع التي قرأتها في الانترنت
تتركى يمين ولا يسار
كل واحد يتركى على الجنب اللي يريحه
ومن ناحية الفنجال يتعدل وياخذه وانتهت السالفة !!

[الوافي.]

اخوي شيخ نجد
لكل مجلس اهله وسلومه وتقاليده

[القناص-sniper]

بصراحه موضوعك خطييييييير

وعندي لك بعض المواضيع المستقبلية

هل تلبس ثوب في البر

هل تلبس شماغك في البر

هل تنام منسدح في البر

هل تاكل غداك وانت متربع ولا على ركبه ولا منسدح

قمممممممممممممممممممممممممممممممممة السماجه

[الوافي.]

يا اخوان ترا مهب لازم تردون
اللي مهب جايز له الموضوع فالخير واجد ومواضيع مكشات كثيرة تحتاج مواهبكم ما شاء الله عليكم
اقول لكم سلوم وعادات وتردون ردود سمجة
الله يهدينا واياكم

[زيــآدِ]

اجلس واقف هذا احسن شيء

[aglanco]

شكرا لك على الطرح

ونصيحة للأخوان: قولوا خيرا او اصمتوا.

[الوافي.]

شكرا لك على الطرح

ونصيحة للأخوان: قولوا خيرا او اصمتوا.

ونعم الرد
فعلا قل خيرا او اصمت