وش يضيق صدرك بالبر؟

[مدالنظر]

أنا ياواااااااحد (واعوذبالله من كلمة انا)
مايضيّـق صدري الاّ مـخاوى اللي ما

((يعجبه العجب ولا الصيام برجب))

يعني بالعربي

(( راعين الـتـحـلـطـم))


أنحش عنه

[السندباد]

با لنسبة لي يزهقني الخوي العلهههههههههههههههههه بكل معنى الكلمة

[الطير المهاجر]

مسا الخير

انا بصراحة راعي تعميرة

واكره شي اذا صرت بطلع مع شباب

وقالوا لي لاتجيب تعميرتك

لان كل واحد يقول ابوي راح يجي والي يقول عمي راح يجي

تكره الطلعة من اساسها

[أبوالوليد]

ما يضيق صدري - سلمك الله - إلا إذا صرت طالع للمكان اللي ما عندك أحسن منه ..
ربيع وخير يالله من فضلك ..

ثم تتلفلت منا ومنا وكأنك بمحرقة من الزبايل والحفايظ والقراطيس ..
لأن فيه خلق ما تقدر المشاعر ..
وفوق ذلك ما تقدر نعمة الله عليه من هالربيع اللي يفل الخاطر ..
أو يجيك يفحط بالفيضة و الربيع ..


واللي يوسع صدري أني أطلع وانبسط مع رجال شرواكم ..



وشكرا يا بعدي ..

[سكّين]

مرة طالعين للتنهاة وحنا بالطريق كنت واضع كيس للقمامة اكرمكم الله بجانب القير داخل السيارة

يوم وضلنا المكان الزين وبنينا خيمتنا ونمنا ذيك الليلة الا واركب السيارة معي قرطاسة بحطه بالكيس وانزله للشباب واثر الكيس مفقود

ناديت للشباب وقلتلهم من اللي شاف الكيس ووين القمامه قال واحد من الربع ناظر هالشجيره واثر ناثر الزبالة عليه

بهالوقت صراحة وصلت معي وامسك اهوشه وافهمه وهو كبير واخر شيء حلفت انه تنشال القمامه لكن ربك ستر مرت من حولنا سيارة بلديه وضفته ضف الله راس العدو .

[ابوسعود99]

ما يضيق الصد ر في البر الا الخوي المليلي والمتعصب لرايه

[ولـد الدوادمي]

والله مايضيك صدرك الا إن جاك في البر هواء وعجاج وماضر زبايل العالم الله يكرمكم

[عاشق الشفر]

اشكرك اخوووووي على الموضوع المفيد

وانا بالنسبه لي اللي يضيق صدري اشياء كثيره وذكروها اغلب الشباب
اللي هي

1/الحوسه
2/الوصخ والقمامه (اكرمكم الله)
3/انك تشتغل والبقيه جالسين ويتشرطون بعد.

وغيرها كثير لكن هذا الأهم

وشكرا

اخوك:عاشق الشفر

[الدبوس]

اللي يضيق الصدر : [blink]أذية المسلمين بأي شيء[/blink]

[عاشق السيول]

انا مايضيق صدري الا القمايم والزبايل ( الله يكرمكم ) . وبصراحه لازم يكون فيه توعيه للي يرمون الزبايل .
والمفروض ان الواحد يعود عياله وهم صغار .
وتحياتي للجميع ......

[كبريت]

الموضوع جاه في وقته خلنا نفضفض شوي

بسم الله
1- لاجيت مكان ولقيته وسخ
2- الخوي الاتكالي
3- لاجبت عزبتي ولقيتها في نهاية الطلعة منثرة في كل مكان
4- من يطلعون البر للشيشة والاغاني
5- لاجاك واحد من جنب مخيمكم ويطالع كنه يدور على شيء ضايع عندكم
6- تطعيس البزران حولك وازعاجهم بها الدبات والفلاتر اللي مالها سنع
7- انقهر لاجبت انا كل اغراض الكشته والباقين ولا حتى ملاس
8- الخوي اللي طوووول ماهو جالس وهو يتكلم في الناس هذا سوا وهذا فعل

بالمختصر المفيد احب الطلعة المرتبة اللي ماتزيد عن 5 اشخااااااااص بس

[كبريت]

اضافة :

لاجيت في جانب شعيب ولقيت الشجر مقصقص

[عشق المطر]

الصراحه اللي مايعجبن او بالاصح يضيق يصدري بالبر

اني اذا طلعت وصار معي ناس غير متعاونين او انهم يحطون حيلهم بالسوالف والضحك والتمشي وغيرهم قاعد يكرف

والشي الثاني انك إذا جمعت الزبايل( الله يعز الجميع) وتجيك البعارين وتحوسه او هواء يطيره انوااااااااااااااااع القهر

[مشاري1427]

صدري انا وانت القراطيس والقمايم ليه ليهليهليهليهليهليهليهليهليهليه كذا ياناس

[sasasasas]

والله الحمد لله بنسبه لي انا ما طلعت للبر والا للوناسه
ولا طلعت اشيل هم احد
وعلى قولت القايل
فلها ربك يحلها
واذا على كل الي قلتوه كل شي ينحل بابتسامه
وعدم انك تعاتب احد او ترده عن شي
وسلامتكم
:d :d :d :d :d :d