15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
بسم الله الرحمن الرحيم
السلام عليكم ورحمة الله وبركاته
ناوين اكشت الاسبوع الجاي انا وربعن لي شرواكم للشمال لينه وفياض الحجره وفياض رفحاء
ابي رايكم وشوركم وش احسن المناطق والفياض اللي ربيعه بيهج للي مارن عليه بالايام ذي يعني عهده بهن قريب
ياليت تفيدونن بالاماكن اللي تستاهل وان حصل صور واحداثيات اكون لكم من الشاكرين
اللي عنده علم لا يبخل به علينا الله لا يهينكم ويكتب اجركم ولا يعنيكم لمكرووه
انتظر رايكم وتوجيهاتكم ..
مكشاتي متواصل
السلام عليكم ورحمة الله وبركاته
والله ابقدم لك اقـترآح يعنـي ـآسمحلي بالمداخله انا اقول شد الــرحـآل لـلديره اللي تبي وانت شف بعينك والربيع اللي يعجبـكم نزلـو العزبة فيه .....! تبي تسئل لية ببسـآطة اقولك غـالبية الشمـآل جـآهـ خير مع بدـآية الـوسـم . ـــــآسف ع الإطــالة والله يسـتر عليك ..!
مكشاتي متواصل
عليكم السلام ورحمة الله وبركاته مداخلتك على العين والرااس وما قصرت رايك هو الراي بس ودك الواحد يصير له هدف تخبر الفياض واجد وحرام يضيع وقتك ونت تدوج بهن وبعضهم ازين وفرررق عن بعض وانت ابخص
مكشاتي
انا يالغالي مابي اكثر كلام شوري لك رح للينة وهاك الديار
والسلام عليكم ورحمة الله وبركاتة
مكشاتي متواصل
بيض الله وجهك يا عاشق الكركي
مكشاتي متواصل
حايل يا أهل حايل هل به ربيع يستاهل العنوة والنفود الكبير ذكر لنا ربيع وراحو بعض الشباب ولا لقو شي ياليت اللي مر عليهن يفيدنا
ربيع النفود باقي عليه تقريباً في شهر خمسة .. مثل ما قالو الربع الحجرة كلها زينه بس الله الله بالنظافة ,,
مكشاتي متواصل
هذا الكلام عز الله اكياس القمامة ونت بالكرامة تركب قبل الربع
مكشاتي فضي
النفود كبير مافيها ربيع ابد رحت لها ولينه والحجره ربيعها طيب
مكشاتي متواصل
صدقت ابو حسن هذا ما اجمعوا عليه الشباب الله يعطيهم العافيه
مكشاتي متقدم
السلام عليكم
الله ييسر امركم ويسهل عليكم وترجعون بالسلامه
انا زرت الحجره قبل ثلاث اسابيع ربيعاه زين وفيه شي الباذر بدايته
افضل شي شفته وانت متجه من الحدقه الى ام رضمه تجيك لوحه باقي على ام رضمه ٣١ كيلو بعده بكيلو ونصف او كيلويين اطلع يسار تجيك بوجهك وبعده الى شعيب غنيم فيه فضيتين زينه ٠
وعندك غرب لوقه ربيعها زين شايفه قبل اسبوع زينه. بعد لوقه يجيك فيضتين يمين ويسار وانت على السفلت ارف يمين ويجنك ورى بعض وتخير منها وافضلهن تقريبا تبعد عن السفلت ٧ كيلو ٠
مكشاتي
السلام عليكم ورحمة الله وبركاته ..
الفارس النجدي حياك الله
تكفى اذا عندك إحداثية الحجرة أكون شاكر لك وممنون
لأني سمعت عن أكثر من موقع يقال له الحجرة !
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس