السلام عليكم
اخواني لي نية اطلع مع الاهل هذا الاسبوع
من الصبح للمغرب او المساء حسب الجو
محتار اروح روضة نورة او التنهات
ابي شوركم
وهل ممكن بالثنتين اني أخيم بدون مبيت؟
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
وين اروح روضة نورة او التنهات؟؟ ابي شوركم
السلام عليكم
اخواني لي نية اطلع مع الاهل هذا الاسبوع
من الصبح للمغرب او المساء حسب الجو
محتار اروح روضة نورة او التنهات
ابي شوركم
وهل ممكن بالثنتين اني أخيم بدون مبيت؟
مكشاتي متقدم
كانك من الرياض الخفس اقرب لك وتستاهل العنوه وما يبي لها وصف استمر بعد تفتيش الثمامه لين كبري الطوقي وبعده حوالى 3ك تجيك المنطقه على اليمين .
نورة والخفس ممكن
التنهات بعيد عليك يبيلها يوم كامل لحالها
أما الربيع فكل ماذكر ممتاز
وأرى بأن تحدد لك وحدة منهن وتروح لها افضل ... المثل يقول من اكل بيديه الثنتين غص
مكشاتي متقدم
الخفس الشمالية وماحولها
انسب لك واقرب من التنهات ومن نورة
بالنسية للتخييم بدون مبيت ....
انا اشوف انك تأخذ خيمة من هاللي تفك وتربط بسهولة
احتياط عن الهواء إذا كان شديد خصوصا للاطفال
ولاتنسى الرواق
وبالتوفيق ان شاء الله
مكشاتي متقدم
الله يعطيكم العافية
انا رحت لروضة نورة
كانت ممتازه
وان شاء الله الايام الجايه اروح الخفس والتنهات
مكشاتي
اذا تبي نصيحه اخ عندك روضه المسعودي و روضه ام اقطا واكثر اللي يروحن لها عوائل
الموقع طريق الشرقيه مخرج سعد وافرق يسار بتجاه الشمال
مكشاتي متواصل
طيب ياجماعة الخير وش رايكم بروضة ام الشقوق
تستاهل العنوة خصوصا الاجازه قصيره 3 ايام والمبيت فيها مناسب ام لا
وش توجيهاتكم مانستغني عنكم يالربع لان النيه هاليومين نجتمع ,,
مكشاتي متقدم
انا اشوف نوره مناسبه لو معك عوايل خصوصا ان الازفلت واصلها لين الفيضه وفيها تموينات ماشاءالله فيها كل شي متوفر ومافيه بعد عن الرياض
مكشاتي متواصل
لا والله شباب مثلكم وشرواكم ..
مكشاتي متقدم
اذا الدعوه مبيت ارشح لك الخفس الشماليه لأن برا الفيضه ربيع يسر النظر لكن نورة الربيع في الفيضه ممتاز و اكيد ماراح تنام جوا الفيضه لأنه ازعاج و ممكن اي وقت يجونك المجاهدين يقولون اطلع لا تستغرب وبرا الفيضه مهب هاك الربيع , التنهات جوا الفيضه شيء خيال ماشاء الله و برا الفيضه فيه اماكن رائعه جداً بس انها ورى يبي لك تمشي مسافه و الطريق سهل موتر صغير يدخله لا دخلت من بين العقوم تجيك الروضه في وجهك تياسر و خل المواصير على يمناك و ابتل لين تقطع الشعيب وانت تباري الروضه بعدين لا صارت المواصير على شكل زاويه تسعين شق دربك سيده و خل الروضه تبعد عنك بتطيح لك باماكن قليل من يجيها و ربيعها على مد النظر
مكشاتي متواصل
مشكور أخوي وماقصرت والنية خلاص
الخفس الشمالية باذن الله
موفق ياااارب ...
مكشاتي برونزي
روضه نوره / الخفس / ام الشقوق
زينه بالحيل للعوايل و قريبه
ولكن الإحراج في قضاء الحاجه عزكم الله خاصه للنساء و الأطفال
في روضة نوره فيه مرتبلين واحد منهم لونه أصفر هو بقاله ولا وشو / وهل فيها دورات مياه
كني شفت مبنى صغير ولا أدري وشو ما جيته شفته من بعيد
مكشاتي ذهبي
..
روضه نـور خالي رايحلها
ربيعها طيب ب الحيل
و شمال الرياض كله طيب
عضو موقوف
77777777777777777777777777777
عضو موقوف
تبي نصيحتي روضة الخفس زبايل لا انصحك بها
روضة نورة ممتازة وهذي صور لها كنت فيها يوم السبت والشعيب الي جنبها مخضر
تم التصوير بجوالي 5s ايفون
صورة من خارج الروضة
صورة لاحد الساحات الخضراء بجوار الروضة
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
