مشكلة في الدبل .. افيدوني تكفون

[abo shagran]

السلام عليكم ورحمة الله ،

صارت لي مشكله غريبه الحقيقه
امس الصباح شغلت الموتر ورحت عليه مشوار بسيط وقفته وبعدها بربع ساعه شغلت وعيا يشتغل تقل البطاريه فاضيه مايدق سلف ،، فتحت الكبوت وحرركت الاصباع واشتغل الموتر تمام ، لكن يكتب لي في الشاشه الدبل يحتاج صيانه ،، الدبل فرار ولاعاد تشتغل الاضائه حقت الدبل الا لما ادق سلف تشتغل كم ثانيه وتطفى ،، وحاولت اشبك الدبل , للاسف ما يشبك ابد
السياره سلفرادو اتش دي 2008


تكفون نبي حل . رحت لورشتين من هالورش النصابين يقولون توضيب دبل

[الضامي111]

اخوي هذا حساس الدبل ديم يخرب وسعره من350 الى 500
جرب خلي المفتاح في الشوشت وخلى باب السيارة فاتح لمذة خمس دقايق وجرب يمكن يضبط معاك

[abo shagran]

شكرا لك ،، بجرب كوده يضبط

[Abo_Faisal_506]

شكرا لك ،، بجرب كوده يضبط

سو فحص كمبويتر

[abo shagran]

فحصت كمبيوتر ،قبل قليل وعلى كلام المهندس ان المشكله في الكهرب الموصل للدبل ،، اقووله فيوز يقوول يمكن لكن الكهرب مو واصل للدبل ولا لحساس الدبل ،، وارسلني لورشه بيشيك ع ضفيره الدبل كامله ب 800شغل يد ،، مهبووووول موب صاحي ذا ،، فياليت فزعتكم بورشه زينه او وين القا فيوز الدبل تكفوون

[abosaad777]

يالذيب مر الوكاله وشيك عندهم تراهم افضل من غيرهم او. تروح للجابري مخرج ?? شرق شلنجر


تم الإرسال بواسطة iPhone بإستخدام Tapatalk

[فارس نت]

ياخوي اول شيئ تفحصة البطارية . اذا بطارية ضعيفه ما توصل للدبل الكهرباء المطلوبة للتشغيلة انا صارت معي الدبل يعلق ومره مايشتغل .

[الصيادالمليح]

عند تعليق الدبل بسبب ضعف البطارية او انفصال الكهرباء
الافضل تغيير البطارية ببطارية جديدة إذا كان عمر البطارية أكثر من سنتين

أو وقف السيارة و اشبك الدبل وبعدها افصل اصبع البطارية و انتظر ثواني و بعدها اشبك اصبع البطارية و حتسمع صوت الدبل ينشبك و بعدها ضع مؤشر الدبل على إتش2

وبهذه الطريقة تمت العملية بسلام

[alimilano]

انا الدبل عندي زر يوكن 2004 وارد امريكا
الاوتو الخلفي والدبل الخفيف يتغير بكل سهوله
اما الثقيل لازم احرك الغيارات واحط رجلي على الفرامل ويشتغل

[عمرالعزيزي]

نفس المشكلة تكفون نبي حل

[الصخري]

اخوي
افتح السويتش حت لولع لمبات الطبلون وبعدين افصل البطاريه الموجب وخلها نص ساعه وبعدين ارجع اشبك البطاريه والسويتش علی وضعه ترجع البرمجه من جديد
بس لا تنسی افتح الدرايش

[الفنطاس]

المشكلة في الكهرباء
يوجد قطعة خارج الدبل تنظم الكهرباء تحتاج تغير

[فارس بن عقاب]

من تجربة انا عندي يوكن موديل الفين الدبل زرار
اولا يجب التشييك على فيوز الدبل اللي في الطبلون تفتح باب السواق وتحصلها
مكتوب عليها 4W
ثانيا اذا ما ضبط معك تفك الطبلون وتحرك الفيش اللي راكب بالزرار
لانه دئما يخرب
طبعا هذا الكلام لليوكن موديل 2000-2006 واللي بعده ما ادري عنه لكن يمكن نفس النظام
حاول انت بنفسك فك الطبلون سهل جدا ما ياخذ دقيقتين

أنا اتوقع المشكله فيوز عندما حركت الاصابع صار اللتماس وفصل الفيوز
اول شي شيك على الفيوز بعدين افصل البطاريه لمدة ساعة وأرجع ركبها مره ثانيه
وان شاء الله يضبط

[Abuahmad01]

اخوي ابو شقران العطل عندك في كمبيوتر الدبل وفي ناس تسميه كتاوت وهو transfer case control modul هذا الجهاز اذا تعطل يطلع معك بالفحص رمز U0102 وهذا الرمز معناه انه لا يتوفر اتصال no comunication ! وغير صحيح انه حساس الدبل لكن نسبة99.9ظھ من الورش مايعرف لهالمشكله حل ولا يقولون مانعرف يستنزفونك وسعر القطعه بالوكاله يتراوح مابين ظ،ظ¦ظ×ظ× الى ظ،ظ¨ظ×ظ× اذا انت قريب من القصيم تواصل معي وبيسمح امرك ان شاء الله 0558224222
ايضا اخوي عبدالعزيز اللي يقول عندي نفس المشكله تواصل معي ع الجوال

[remz]

شيك الاسلاك الي جمب عامود الدبل مرات ترتخي االمشكبية ار تطيح من محله وتنزل الاسلاك عند العامود ويقصه صارت معي بتاهو 2006 ويوم احتجته بغراس قال ماني خويك وصدفت نزلت تحته الا اشوف سلك بجنب العامود منقطع ماتوقعت انه هو الحاصل وصلته وجربت الدبل واشتغل على طول وبعده تيبته مضبوط وربطته بسيم يحبه قلبك بلا مشكبية بلا هم والحمدالله