15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم ..جميعا
لايخفي عليكم احتياجنا اثناء طلعت البر للاضاءة او منفاخ الهواء اوغيرها ...الخ
لذا سالت هل هناك امكانية اضافة بطارية اخرى للسيارة بحيث ماتكون مرتبطة بكهربة السيارة ولا تؤثر عليها ..شاكر ومقدر لكم جميعا
مكشاتي نشيط
الكبوت مليااااان للاخير ما اتوقع تحصل مكان داخله وفي نفس الوقت انتبه انتبه انتبه لا يجيبون العيد في كهربا سيارتك ويحرقون عليك الكمبيوترالمشاركة الأصلية كتبت بواسطة عبدالله محمد الخضير
مكشاتي
كلام اخوي m3ax سليم
مكشاتي متقدم
الف شكر لكم
هلا بخوي والله راحت لكهربائي هندي مخضرم بالترهيم وقلتله ابي بطاريه اضافيه ولو حجمها صغير قال مستحيل مالها محل لذلك لاتحوس الموتر اخاف يجيك واحد يقولك اعرف وهو امس هالحزه وانتبه كهربا الفرد حساس جدا جدا
مكشاتي متواصل
فيه موضوع لاحد الشباب بالمنتدى عن جهاز متعدد الاستخدامات (( منفاخ - كهرب - اشتراك ) تشحنه بالبيت وتتوكل على الله .والا مر رفيق الدرب وخذلك بطاريه الحجم الصغير للاضاء ومخارج لشحن الجوال وشحنها بالسياره ماياخذ وقت
مثل ما ذكر فيه محل اسمه رفيق الدرب موجود فيه فرع الرياض و فرع الدمام وتقدر تشوف موقعهم بالنت
عندهم قطع تركيب بطارية اضافية وما تاثر على كهرباء السيارة بس المشكلة في الاكسبلورر ان ما فيه مكان في جهة الكبوت وتقدر تسوي توصيلات بحيث تكون البطارية في الجهة الخلفية للسيارة و تكون التوصيلات سهلة الفك و التركيب بحيث اذا احتجتها توصلها و اذا ما احتجتها تفصلها×
مكشاتي
عنديلك حل ازين من البطاريه الاظافيه الف مرة ..
سمعت بالبطاريه الجافه الي ماتطفا ابد ؟؟ ..
سولفلي واحدن من العيال وجربها ويمدحهاا بالحيل يقول ظمان عليهاا انها ما تطفا ابد الي عليك تفك بطاريه الوكاله وتركب ذي ولا تفك ولا تربط ولا تخرب موترك ووكيلها بعنيزه عند حق الرحلات يضمنها 10 سنوات اعتقد ويقولك لو طفت او صارلها اي خراب رجعهاا استبدال فوري ..
وخويي من تجربه شبك عليها نور مخيم و ثلاجه وخربطه عليهاا خلاها لين تفضاا مرره . يوم فضت دق سلف واشتغل الموتر علطول بقوة بدون اي بطء بالتشغيل اسال عنه وشاور واستخير احسهاا افضل من الترهيم وحول القيمه ..
مكشاتي متقدم
لاتحوس موتر لا بطاريه اضافيه ولا غيره خذلك لمبه من المحلات تشتغل على البطاريه وريح راسك
لأن كهرب الفورد حسااااااااااااااااااااااااااس مررررررررررررررره والله يوفقك
مكشاتي متقدم
الله يجزاكم خيرا جميعا ...
مكشاتي
شكرا خوي العزيز
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس