بريق الغظار والشاهي

[هبوب نجد]

ياجماعه هل بريق الغظار افظل انواع الاباريق لظبط الشاهي كما سمعت

[aziz2727]

والله وانا اخوك كلا" على مزاجه
الغظار زين وما عليه كلام
بس فيه ناس تفضل الاباريق المعدن
الي يظبط الشاهي هو الي يصلحه ويحكره وكلا" له طريقة في تصليح الشاهي
لان تصليح الشاهي كيف وشربه كيف بعد

[sal7]

أخوي و الله أنا جربت كثير من الاباريق
بس الغرش (الغظار) لحاله خصوص
إذا كثر فيه طبخ الشاهي و صار قديم

بس يعيبه أخوي أنه يتكسر أو يتقشع الصبغ اللي عليه

و أنا عندي بالبيت و الاستراحه غظار و بالثايه (العزبه) عدن صيني
و العدن الصيني الثقيل أعده أفضل من الهندي بـ100 مره

تحياتي

[فايز العامر]

أخوي و الله أنا جربت كثير من الاباريق
بس الغرش (الغظار) لحاله خصوص
إذا كثر فيه طبخ الشاهي و صار قديم

بس يعيبه أخوي أنه يتكسر أو يتقشع الصبغ اللي عليه

السلام عليكم

برأيي أن الإبريق الغظار إذا تقشرت صبغته ضبط شكله..

[sal7]

هههههههههههههههههههههههه


أذا ضبط شكله زان الطعم أو لا
اهم شيء الطعم ولا الابريق بالهاوي

[كحيلان 11]

الصراحه في البر يكون كل شيء زين
لو انه مافيه سكرررررر

[طلو]

لا والله انا ما اايد الغضار

[الدبل الثقيل]

الغضار هل هو وار سعد حباب الجبر؟

[سواق الوايت]

غير الغضار لا تدور

اللي يدور الكيف

يصلح شاهيه في بريق غضار وعلى سميرات

ويشوف الكيف وش لون

[ابومرتاح]

وشنهو الغضار يالربع...........؟؟؟؟؟؟؟

[برري]

في الحقيقة انا كنت افضل ابريق الغضار ، ولكن كرهني فيه كثرة الكسور اللي تجي بحوافه وزواياه وازيدكم من الشعر بيت بعد انه يصدي اذا بقى فيه ماء والا شاهي والصدا يا اخوان سم هاري للكلى وما لقيت مثل ابريق الستيل حق السيف استعمله من 13 سنة وهو في عزبتي ولا غير على شاهي طعم ولا لون وقوي يتحمل لو طاح لا تقول ينكسر ولا يصدي ، والله يسلمكم .

[حزم الجلاميد]

جربت الغضار والمعدن والستيل وافضلها عندي الستيل لكن اهم شي ان مايكون فيه ربل

لا في عروته ولا في طباقته

[هبوب نجد]

الف الف شكر على هالمعلومات القيمه وبتشكركم كتير

[هاوي كشته]

اللي سمعته ان الغضار اذا تقشر واذا تقشر جاه الصدا واذا صدا صار خطر على الانسان من التسمم
الله يكفينا الشر