نحط لبن بدل الماء......وشرايكم....؟

[كحيـــــــلان]

هذي الله يسلمكم كبسة بس على كيفكم، بالدجاج أو باللحم ولكن باللحم تطلع خيالية.

أول شي مانيب قايل مقاديرها لأن أكثرنا أن ما كان كلنا يعرف مقادير الكبسة.

ولكن الفرق هنا انه بدل ما تخلي اللحم أو الدجاج يطبخ بالماء ، حط بدال الماء لبن وخله يطبخ لين يستوي اللحم. وبعدين ذق المرقة علشان تضبط ملوحتها وبعدين كب الرز عليه ومثل ماتسوي بكبسك العادية

الحين أفرش وقلط ودق بالخمس وعقبها قرب الوسادة وخل الغسيل إذا قمت.

هاه أنشاء الله أعجبتكم.

[قتال]

السلام عليكم ورحمة الله وبركاته ،،،

يامال العافية أخوي كحيـــــــلان .. والله الحكم بعد المداوله أقصد التجربة ..

بس هذي الكبسة تفرق عن السليق ( طبق حجازي على كيف كيفك ) ..

[راعي النحل]

الاخ الكريم كحيلان
اسمح لي بالزياده شوى حتى تعم الفائده
طريقة طبخ اللحم بالذات مع اللبن معروفه في الاردن بالذات باسم المناسيف
وهي طبخه معروفه ومشهوره ... ولذيذه .
=========================
أما طريقة أعداده فكما ذكر أخي كحيلان ... لكن يطلب من الاردن ماده تسمى
جميد ( لبن مجمد) او ما يعرف بمنطقتنا الاقط ويطبخ مع لحم هرفي بالذات
وتطبق نفس خطوات الطبخ المعروف ... كما ذكر الزميل كحيلان...
===========================
الذي في معدته شي لايجربها تراها طبخه دسمه مرررررررررررره

[أيمن]

أخوي كحيلان ..
ما قصرت طريقة غريبة شوي لكن شكلها لذيذة في البر ..
لكن مهيب هذي طريقة الرز البرياني، لأني أذكر إن فيه لبن ومن هالقبيل ..

تحيتي

[كحيـــــــلان]

هلا وغلا أخوي أيمن،

أشكرك على تجاوبك
البرياني يحطون له روب أو زبادي.

بس أنت جرب هالطلريقة وأدع لي،،،

تحياتي،،،،،

[فرد حمزة]

نجرب ليش لا ...


مشكور كحيلان


تحياتي

فرد حمزة

[تالي الاولين*]

.


اخوي كحيـــــــلان

احط اللبن بنفس مقدار الماء في الكبسة العادية


جعنا يالربع


.

[كحيـــــــلان]

أخوي تالي الأولين،

اللبن بيكون بنفس الكمية.

وبالهناء والعافية،

تحياتي،،،،،

[تالي الاولين*]

.


اخوي كحيلان

الحين انت تقصد اللبن او قصدك الحليب

بعدين انا بسويها ان زبط الموضوع تراكم معزومين



تحياتي اخوي كحيلان


.

[كحيـــــــلان]

أخوي: انا أقصد اللبن وليس الحليب.

ترانا معزومين واللي يخلص آخر واحد يغسل المواعين.

تحياتي،،،،،

[...الطوقي...]

مشكور اخوي كحيلان على الطريقه
وانشاء الله نجربها










تحياتي لك
...الطوقي...

[بني حسن]

يا اخوي هذا منسف اردني مو شي جديد....وشكرا لك

[ابونايف الروقي]

احس انه ههههههههههههه غير مقبول نفسيا ممكن احط لبن مع الرز يدام اوكي بس لبن من بداية الطبخ .

[حزم الجلاميد]

بالنسبه للجميد الذي ذكره الاخ راعي النحل او النخل ( الشوف شجر ) يباع في بنده

[عشانا]

حشا يبي يطلع الطبخ نفيعة بقرة
الحين لشفنا بعض خلق الله؟؟؟؟؟؟؟؟ يحط لبن فوق الاكل حامت كبودنا تبينا نطبخ بلبن
حتى المنسف لايطبخ بالبن ولكن يضاف البن مع العقود