وين أحصل مثل هالزوالي :: وين يصلحون

[بر الوالدين]

السلام عليكم ورحمة الله وبركاته

و أسعد الله أوقاتكم بكل خير

أخواني أنا شفت هالزوليه على 3 م * 1م تقريباً / أربع قطع ( في أحدى المواضيع )

هن جاهزات ولا يصلحن ، أشوف إنهن مبطنات

أو وين ألقاهن جاهزات

وين المحل اللي يضبطه بهالشكل و تكون عمليه و خفيفه

و شكراً

[ABO JRAA7]

وأنا أخوك من خلال الصوره أشوف إن الزوليه كامله

وصاحبها قاصها من عند المنتصف ، وهذي تقدر تسويها انت

تشوف لك زوليه من أي مكان وتبطنها وتقصها من المنتصف مع وضع

سحاب للقطعه المقصوصه بحيث تقدر ترجعها لوضعها الطبيعي

وانصحك تمر على سوق الزوالي وتشوف اللي يناسبك هناك

[بر الوالدين]

لا هنت يا خوي

لكن وين هالسوق فيه

ولا فيه شي جاهز مفصل مقاس و متن

[ابو غسان2009]

شفتها وانا اخوك عند محل كشتات في جدة من انتاج السنيدي ويطلق عليها فرشة المروج اذا انت في جدة تحصله عنده شايفها قبل يومين واذا في الرياض ولا القصيم لا يردك الا السنيدي

[abo anaas]

أن كنت في الرياض تجدها بأفضل الأسعار تفصيل عند الغرابي محلات الخيام والعزب
ولكن شف أكثر من محل لمعرفة السعر الأفضل
والله يوفقك

[wex]

فيه مدات بطول مترين في متر عند اهل الزل وميزتها عريضه

خذ اربع قطع وريح نفسك من القص والتبطين

[ابوعقيل81]

فيه مدات بطول مترين في متر عند اهل الزل وميزتها عريضه

خذ اربع قطع وريح نفسك من القص والتبطين

كلام جميل
انا مسوي كذا
وميزتها تقدر تسحبها وتبعد عن النار اذا حبيت
عكس المشبوكه تتوهق

[بر الوالدين]

فيه مدات بطول مترين في متر عند اهل الزل وميزتها عريضه

خذ اربع قطع وريح نفسك من القص والتبطين

ايه و أنا أخوك ممتاز كذا

بس وين المحل اللي يبيع أي محل أي مكان اي حي ( بالرياض )

لا يكون تقصد ( التركي اللي يجي تفصيل مستورد )

[wex]

يوجد انواع مختلفة من المدات
تركيه ووطنية وغيرها
موجوده عند اي محل لبيع الزل مثل القفاري وغيره الكثير
خذ حاجتك وامش

وانكان تبي شي زين ويبيله شوي تعب
رح لسوق الخيام والشرع في الغرابي عند اللي يفصلون فرشات بمقاس 2*3


رح لنفس هذا الشخص الظاهر في الصوره لانه يدبل الخيط والباقين يحطون خيط واحد

تحتاج لشراء فرشتين
اطلب منه يقص كل فرشه الى نصفين من عند الطرف الي طوله مترين بحيث تكون بعد القص بحجم 1*3 متر وكذا بيصير عندك 4 مدات خفيفة الوزن وسهلة الطوي
وكل ماعليك هو تكليف الخياط بخياطة الطرف المقصوص
وقل له يشيل سبت ربط الفرشه لأنه بعد القص لن يكون لها حاجه

سعر الفرشة كامله مقاس 2*3 ــــ120 تقريباً

[ابوعقيل81]

انا شريت المدة ب١٥ ايام الصيف
الحين يبيعونها ب٣٠ تقريبا

تفصيلها حلو وفيها رباطات تخلي حجمها صغير في التخزين
شريتها في الغرابي
لكن حصلتها في السنيدي والكشاته وبقيه المحلات لكن بسعر اعلى

[مفضخ الشري]

المدات موجوده في اي محل رحلات

بس ان كانك تبي طولها وعرضها على مزاجك مالك الا تفصل في الغرابي

[بر الوالدين]

رايك زين أخوي wex بس يبيلي اصور موضوعك و امر على محلات الغرابي و ابحلق بكل هندي و بنقالي


حصلت المدات عند برق الحيا على 45ريال 2*1

وما يمنع نشوف الغرابي

بس يبو عقيل اللي انا شريت بصراحه مريحات و قماش يعتبر زين و مبطنه زين

الله يعافيكم