سؤال بسيط وخطير بنفس الوقت ؟ ومعلومه مهمه.

[اميرالليل]

السلام عليكم ورحمة الله وبركاته
قياس مستوى زيت المكينه متى يكون قبل التشغيل والا بعد؟
لانه القراءه مختلفه قبل وبعد.

[الحربي 591]

لا قبل ولا بعد
وهي شغاله

[حسن الشمالي]

قبل وبعد التشغيل بفترة كافيه ساعتين فاكثر

[اميرالليل]

الحربي 591 شكرا لمرورك وسرعه ردك .
اول مره اسمع انه وهي شغاله .. شغاله والا سواق ههههه امزح صدق ادور خبير تعرف توي مغيرصوف مكينه وجير وخايف يتفقعن الله يستر من كثر الزيت ونرجع ياطير ياللي.

[اميرالليل]

حسن الشمالي شاكر اهتمامك لكن تو شفت المعيار الا زايد فوق النقطه الاخيره ومكتوب بعد هذه النقطه يكون ممتلىء جدا والسياره طافيه له 6 ساعات ويوم اني عند البنشر الظهر شغلت السياره شوي وطفيته وقسنا الا بين النقطتين وهذا المناسب جدا حسب الكتالوج

[الحربي 591]

هههههههههههههههههههههههههه

[بشير حسن]

عليكم السلام ورحمة الله وبركاته

اذا كانت السيارة في الصباح أو بالأصح باردة جدا الأفضل أنك تشغل السيارة حتى تصل الى درجة السخونه الاعتيادية وبعدها تطفئ المحرك لمده ثلاث دقائق واذا زاد خمس دقائق وتشيك على عيار الزيت مره ومرتين علشان تتأكد من مستوى الزيت بالشكل الصحيح

اذا كانت جاي من مشوار الأفضل بعد ماتطفئ المحرك تنتظر مدة 8 - 10 دقائق وبعدا تبدأ بعملية معايرة الزيت

[اميرالليل]

بشير حسن شاكر ومقدر لك .. تقصد يعني زي اذا كنت عند البنشر .. وبعدين اذا جاي من سفر اظن وقفتنا عند الإشارات بمدخل الوجهه اللي رايحين له بمثابه ترييح السياره والتهديه من مشوار الخط الطويل والا لا

[بشير حسن]

[QUOTE=اميرالليل;9902916]بشير حسن شاكر وقدر لك .. تقصد يعني زي اذا كنت عند البنشر .. وبعدين اذا جاي من سفر اظن وقفتنا عند الإشارات بمدخل الوجهه اللي رايحين له بمثابه ترييح السياره والتهديه من مشوار الخط الطويل والا لا[/QUOTE

[1824]

بالظبط التشيك الصحيح بعد ما تسخن السيارة على مكان مستوي يعني السيارة لاهي نازلة ولا طالعة تطفيها 3 دقايق وتشيك مرتين وخلاص بالتوفيق اخي الكريم

[كاشت بالبر]

وعليكم السلام ورحمة الله وبركاته

فيه طريقتين لفحص مستوى الزيت .. أنت جربهن كلهن وشف اذا فيه فرق أو لا
طبعا لازم السياره تكون طافيه قبل تعاير الزيت

الطريقه الأولى :
وقف السياره على أرض مستويه ومستقيمه تماما .. لمدة ساعه أو أكثر
يعني لو مثلا توقفها بالليل .. وتعاير الزيت الصبح قبل تشغل السياره

الطريقه الثانيه :
وقف السياره على أرض مستويه ومستقيمه تماما .. وخلها توصل لحرارتها الطبيعيه
ثم طف السياره وأنتظر 3 دقائق أو أكثر .. وشيّك على الزيت


اللي يخرب صوف المكينه والقير .. زيادة الزيت فوق الحد الأقصى بالعيار ( فوق الـ MAX )

وللأسف البناشر غالبا يزيدون الزيت فوق الحد الأقصى .. انتبه وأنشب لهم

[MSAN]

عليكم السلام ورحمة الله وبركاته

اذا كانت السيارة في الصباح أو بالأصح باردة جدا الأفضل أنك تشغل السيارة حتى تصل الى درجة السخونه الاعتيادية وبعدها تطفئ المحرك لمده ثلاث دقائق واذا زاد خمس دقائق وتشيك على عيار الزيت مره ومرتين علشان تتأكد من مستوى الزيت بالشكل الصحيح

اذا كانت جاي من مشوار الأفضل بعد ماتطفئ المحرك تنتظر مدة 8 - 10 دقائق وبعدا تبدأ بعملية معايرة الزيت

هذا الكلام

[ابوراكان تبوك]

انا رأيي مخالف تماما ما اقتنع بقياس الزيت الا بعد وقوف السياره على ارض مستويه وبعد 6 ساعات ع الاقل
لانه الزيت يكون نازل في الكرتير
اكثر من مره اقيس الزيت بعد مشوار القاه ناقص قليل جداً لكن في اليوم الثاني بعد القياس يكون مضبوط
ومثلا بعض السيارات قرأت سابقا انها زيتها 7 علب ونصف مع السيفون ويطلع عند البنشري صحيح على العيار
في اليوم الثاني قبل تشغيل السياره القاها زايده نص علبه

[أصيل حجآ زي]

أخي :

كُل الزيوت تقيسها

والمُحرك أو الجهآز وآقف { بآرد } .

وحتى لو دآفىء شوي ما فيه أشكآل .

يعني بعد ما توقف المُحرك بدقآئق معدودة ممكن .

.

.

.

الا القيور التمآتك :

الغآلبية منها خآصة الغربية تقيس الزيت والقير التمآتك شغآل

وجآي من مشوآر أو مشيوير وتمرر القير على جميع النمر .

.

.

والقيور الشرقية التمآتك تقيس والمحرك والقير مطفىء .

ألا القير أبو صُرتين من تحت / من القعر { الكرتير } مثل الأمآني .

وبعض قيور التآيوتا أبو صُرتين اللي ما لهُ عصاء قيآس .

تشغل المحرك / القير وتقيس من صُرة القيآس والمحرك على الخمول .

.

.

ما فيه مُحرك بالعآلم تقيس زيتهُ وهو شغآل .

حتى مُحركآت الطآئرآت ننتظرها بعد التوقف بعشر دقآئق

نقيس الزيت بين عشر 10 دقآئق و 30 دقيــــــــــقـــــــــــــــــة .

..

.

.

[Rapture]

اخوي ارجع لكتيب السيارة راح يفيدك اكثر مننا