حل مشكلة عطل الدبل في الاف جي 2008 اتمنى التثبيت للأهمية

[bandar812]

السلام عليكم ورحمة الله وبركاته
هذا اول موضوع لي في المنتدى حبيت الكل يستفيد منه

اول شي احكي لكم القصة بأختصار

بدأت لمبة الدبل الخضراء في الطبلون ما عاد تولع وباقي اللمبات العادية منها لمبة الدفلوك وو تولع
سألت ناس وشباب طيبين شرواكم عن اللمبه وليش ما تولع كثير اجتهدوا وقالوا يمكن حساس الدبل
وعادي لا تهتم طالما الدبل يشتغل معاك طبعا ما كنت ادري ان الدبل يشتغل اول لا خصوصا اني اذا
عشقت الدبل على الثقيل احس ان الموتر يفز او ينهض قلت عادي ما تهم اللمبه بعدين اشوف له حل..
مالكم بالطويلة رحت للبر مشخص بموتري اول ما دخلت الرمل غرز عشقت الدبل عيا يطلع الموتر
الكفرات الخلفيه تدور لكن الامامية ما تدور عرفت ان الدبل ما يشتغل نسمت له واااااااجد ويالله طلع بعد ما رجعت
رحت للصناعية عند واحد متخصص دفرنسات ودبل فحص الموتر قال الدبل ما يشتغل قلت طيب والحل ..؟

قال عندك دينمو الدبل خربان وهذا عيب مصنعي
اذا بتصلحه عندي شغل يد250 ريال والدينمو قيمته حدود 800ريال
وانا راح افك الدينمو اللي عندك وممكن اني اصلحه اذا الخراب في الدينمو الداخلي
اما اذا كانت التروس البلاستيكية متكسره و خربانه يبيلك واحد جديد
قلت فكه
المهم بعد ما فكه من السيارة مدري وش طلع فيه هل هي التروس او الدينمو الداخلي

قالي عندي دينمو دبل كامل انا مصلحه بعطيك اياه مع شغل اليد كامل 500 ريال
او اعطيك واحد جديد وكاله مع شغل اليد واخذ حقك ب750 قلت خذه

المهم ركب دينمو الدبل الوكاله واخذ حقي القديم وشيكت عليه تمام
اللهم لك الحمد والشكر حاسبته 750ريال وتوكلت على الله

طبعا الورشة اسمها ورشة العتيبي في الصناعية القديمة (صناعية طريق الخرج)
للمعلومية الشغله بسيييييييييطة جدا والله لو عارفها كان سويتها بيدي
اول شي تفك الصاجة اللي تحت الدبل بتبين عندك القطعه مباشرة
طبعا القطعه حجم كف اليد لها اربع مسامير متعلقه في جانب الدبل
لها فيش كهرب وبس والله حرام ياخذون عليها 250 ريال
شغل يد لكن اللي يجهل الشي ما يعرف يثمنها وعشان كذا
طرح لكم الموضوع تستفيدون منه وتدعون لي بظهر الغيب


وهذي الصور

هذا الموتر مرفوع على الرافعه



وهذي القطعه غير واضحه قبل الفك


بعد فك الدينمو نزل زيت الدبل



وهذي هي القطعه على الارض





وهذي هي القطعه باينه نظيفه بعد التركيب



اذا خلصنا نشبك فيش الكهرب ونعبي زيت الدبل ونقفل الصره ونركب الصاجه ونتوكل على الله

طبعا الحمد لله رجعت اللمبه الخضراء ولعت وبدأ يعشق الدبل تمام باقي نجربه بالنفود
ودعواتكم

[ابوسند9]

وعليكم السلام الله يعطيك العافيه
خابر ها المشكله باللاند فقط
والله مصيبه دينمو وتروسه بلاستيك

[The End]

الله يجزاك خير و يكتب أجرك و يبيض وجهك
فيه استفسار ,, هل الدبل الثقيل بعد مايشتغل في حال خربت القطعة ؟؟

[black_list]

^ ايه نعم يبدا يشتغل الخلفي فقط وكثيره هالمشكله بالافجي دايم هالدينمو يخرب

[bandar812]

الله يجزاك خير و يكتب أجرك و يبيض وجهك
فيه استفسار ,, هل الدبل الثقيل بعد مايشتغل في حال خربت القطعة ؟؟

مشكورين على مروركم ودعمكم لي

اي نعم يا اخوي حتى الدبل الثقيل ما يشتغل
انا اللي خلاني اتساهل بالموضوع في بدايته لاني كنت اتوقع ان الدبل الثقيل يشتغل لاني اذا عشقته احس بالموتر ينهض او يفز لكن تفاجأت انه متعطل الدفع الامامي كامل والكفرات ما تدور

وسألت المهندس قالي يحسسك انه اشتغل لكن بالحقيقه ما يشتغل ورفع الموتر وشفت الكفرات ما يدورن

[bandar812]

اي صح
للمعلومية

يقولي القطعه تخرب من المويه والطين يعني بشكل عام الرطوبة تأثر فيها

انتبهوا يا اخواني

[أصيل حجآ زي]

الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .

أخي :
جزآك اللهُ خيرآ .
.
يُقيم الموضوع بثلاثة نجوم ذهبية .
ويُضآف للموآضيع المُميزة المُثبت بالمُقدمة :
.


المواضيع المميزة في الخيمة

،
،
،



أشرطة لأصلاح الدبل وعلومه في سلسلة أعملها / صلحها / وضبها / زيتها بنفسك { DIY } !!!


،
،
،

كيف تصلح ‘ توضب ‘ تشخص ‘ تنزل ‘ تركب الدبل ومشآكلهُ بنفسك { DIY} بالأشرطة والشروح !!!


،
،
،




،
،
،

موفـق
وتلقى خير بأذن الله .

" واللهُ أعـّـلـم وأكــمّـل "

تـحـيـــآتي
بــلا حـدود ولا سدود .
.
.
.
<<< أبـو عـبـد الـرحـمـن >>>
""" الأصـيـل الـحـجـآزي """

[محمد 2002]

تروس بلاستيك !!!

[bandar812]

الشكر لله اولا واخيرا بارك الله فيكم ونفع بكم

[styfox]

والله جنني
هالدبل نفس مشكلتك
يعني اشري دينمو جديد
ولا اشري الي تقولها تروس بلاستيكيه
ً

[asd20009]

هلا بالغالي انا حصلت لي لي نفس المشكله لكن ... قالي واحد راعي ورشة بالرس مشهوره اسمه الرشيد فعلا لقة فتحه بعلبة الدبل لي بلاستيكي وهنا كان مسكور يقول يدخل عليه الما والطين ويصدي الفيوز او مايوصل كهرب فما يشتغل الدبل معك ...نظفه ظبط ورجع الان خرب .. الان بدا يفصل لاشبكته ورقيت نفود عالي او زدت السرعه بتغيرز ودعست له فصل الدبل ورجع يفصل لادعست ويرجع لا قللت الدعسه ....