اسعار الجيوب الجديدة نار يا ستار .....!!

[سقم المعادي 1]

السلام عليكم


لا اجيد المقدمات لذلك بطب في الموضوع دغري



الجيوب الآن و اخص بالذات اللاندكروزر من تويوتا و الباترول من نيسان


كلنا الآن نعرف كيف صارت اقيام الجيوب




اللاندكروزر يبدأ من حوالي 165 الف للـG سياحي مافيه مواصفات تذكر و يصل إلى 308 الآف للفكسار
الباترول الستاندر ماعرف كم قيمته بالضبط بس حوالي 170 و مواصفاته مالي خبره فيها بس اتوقع انها افضل من اللاند

و جميعنا نتفق ان الجيوب اقيامها صارت غاليه .. بل غاليه جداً !!
الباترول السوبر سفاري فتك كانت قيمته 180
نعم معك انا انه الموديل الجديد نقله نوعيه لكن زياده السعر تأثر في انتشار و سمعه الشركه كل ماكان السعر مناسب كل مامسك الجيب السوق سنوات طويله !!

نيسان نجحت في الفتك 2005 - 2009 و بكل امانه نجاح باهر لا يضاهيه نجاح !!
و لو استمر الفتك على ماهو عليه و بوجود الشيخ ( سوبر سفاري ) مع تعديلات طفيفه كان اعلوم !!





لكن اللي صار ان نيسان غيرت الشكل جذرياً و الحجم و المواصفات و المحرك و الكثير منها .. نعم ممكن التغيير في صالح المستهلكين لكن السعر ارتفع بشكل مهوول و صارت اعلى فئه ممكن توصل 300 الف تقريباً (ماعندي علم بالضبط)

ممكن هالشيء يأثر في مبيعات الباترول و في انتشاره ..

اللاندكروزر كذلك مسك السمعه من التسعينات إلى 97 الجيل الذهبي
بعدها طلع جيل الـ98 و في بدايته كان الجميع متخوف منه و بعد ماوصلنا عام 2000 بدأت تزداد مبيعاته كاسر رقم الجيل اللي قبله و اصبح انتشاره في ازدياد
كان سعره مقارب لسعر الجيل اللي قبله و ان كان فيه زيادات فهي 10 الاف إلى 15 الف و خلها توصل 30 الف تبقى بحدود المعقول

لكن الآن توجهت صناعات السيارة و بالاخص الدفع الرباعي الى منافسات واصبحت الدعوه ( فرد عضلات ومهايط )
نعم السيارة تتميز على ورق و في مجلات و غيرها .. لكن الانتشار يقل بسبب السعر !
ولنا في الباترول خير مثال بعد انتشار الفتك واستعاده الباترول سمعته بعد نكسه 98 - 2001
نشوف انه يهوي إلى الاسفل بعد انتاج الشكل الجديد اللذي لا يختلف عليه اثنين من مواصفات وغيره لكن قيمته قللت من انتشاره وهو في بدايته لاستعاده عافيته من ناحيه السمعه


الموضوع نقاشي بحت .. سواليف ضحى على ماقيل

1. هل تؤيد التنافس اللي يصير بين الشركات المنتجه لسيارات الدفع الرباعي ؟
2. هل تراه في مصلحه الشركه اكثر ؟
3. او هو في مصلحه العميل ؟
4. هل اسعار الجيوب المذكورة اعلاه او غيرها بالوقت الحالي مناسبه ؟
5. هل زيادة الاسعار كانت معقوله بوجهه نظرك مقارنه بالاجيال السابقه من الجيوب المذكورة اعلاه ؟
6. هل توافقني الرأي لو تم نقل المصانع في اليابان الى تايلند و اندونيسيا ربما تكون الاسعار اقل بكثير من ماهي عليه خصوصاً ان تايلند و اندونيسيا لهما باع طويل في صناعه السيارات بمصانع تويوتا على اراضيها و لنا في الفورتشنر و الهايلكس خير مثال ؟

[الدوسري2010]

اللي صاير ان تويوتا كل ماله يرفع السعر والناس تشتري لانه اصبر شي تقريباً لطبيعه اجوائنا اما النيسان فرفع السعر ليتساوى بالتويوتا في البيع فا الان تساوت في البيع نيسان وتويوتا وكلها على حساب المواطن

[محمد 2002]

كل شيء لحساب الشركات وعلى حساب المستهلكين المساكين
أما الاسعار فما دام فيه ناس تدفع مهما بلغ السعر فأكيد فيه ارتفاع أكثر وأكثر
وأما الجودة فمن وجهة نظري الجديدة ما تسمى جيوب مع احترامي لملاكها هي سيارات عائلية قوية وسريعة على الاسفلت وربما المناطق الرملية ولكن مقياس القوة والتحمل الحقيقي بالنسبة لي هي المناطق الجبلية الي اسكنها او أزورها
قبل فترة رحنا لوادي لجب بعد سيول جارفة ومعروف الوادي بعد السيول كيف مليان أحجار وصخور وكان معنا جيب لاندكروزر 87 وفي بداية الوادي ما أمدانا ندخل حصلنا واحد صاحب فكسار 2009 متعلق ومسكر الخط سحبه خوينا راعي الموتر وطلعه وجينا نشوف الأضرار فادحة الصدام الأمامي + الدعاسة البلاستيك متكسرة وحنا واصلنا طريقنا وانواع تصقيع الأحجار في بطن الموتر الين وصلنا آخر الوادي وهناك حصلنا الجيوب الي تستحق تسمية جيب فقط وهي الموديلات القديمة
وعذرا عالاطالة

[سقم المعادي 1]

اللي صاير ان تويوتا كل ماله يرفع السعر والناس تشتري لانه اصبر شي تقريباً لطبيعه اجوائنا اما النيسان فرفع السعر ليتساوى بالتويوتا في البيع فا الان تساوت في البيع نيسان وتويوتا وكلها على حساب المواطن

اتفق معك بهالكلام لكن رفعه السعر ماجت على الفاضي يعني الـGXR موديل 2014 زي مواصفات GXR موديل 98 مثلاً اللي كان بـ125 الف جديد ؟
زادت مواصفات ميكانيكيه و ترفيهيه وغيرها وهالشيء ساعد على ارتفاع السعر الضعف
و نفس الكلام للباترول
يعني ماتشوف لو سوينا نفس اللاند بنفس المواصفات بس في مصنع تويوتا في تايلند بيطلع ارخص بكثير من كذا ؟

[سقم المعادي 1]

كل شيء لحساب الشركات وعلى حساب المستهلكين المساكين
أما الاسعار فما دام فيه ناس تدفع مهما بلغ السعر فأكيد فيه ارتفاع أكثر وأكثر
وأما الجودة فمن وجهة نظري الجديدة ما تسمى جيوب مع احترامي لملاكها هي سيارات عائلية قوية وسريعة على الاسفلت وربما المناطق الرملية ولكن مقياس القوة والتحمل الحقيقي بالنسبة لي هي المناطق الجبلية الي اسكنها او أزورها
قبل فترة رحنا لوادي لجب بعد سيول جارفة ومعروف الوادي بعد السيول كيف مليان أحجار وصخور وكان معنا جيب لاندكروزر 87 وفي بداية الوادي ما أمدانا ندخل حصلنا واحد صاحب فكسار 2009 متعلق ومسكر الخط سحبه خوينا راعي الموتر وطلعه وجينا نشوف الأضرار فادحة الصدام الأمامي + الدعاسة البلاستيك متكسرة وحنا واصلنا طريقنا وانواع تصقيع الأحجار في بطن الموتر الين وصلنا آخر الوادي وهناك حصلنا الجيوب الي تستحق تسمية جيب فقط وهي الموديلات القديمة
وعذرا عالاطالة

صحيح دام فيه ناس تدفع بيزود السعر بس لا تنسى ان زيادة السعر مقابلها مواصفات كثيرة تطورت و ميكانيكياً افضل بكثير من اول
لذلك انا اقول لك الشركات تنافس بعضها الآن بالصناعات و السعر يجي صلخه .. فيه ناس بتدفع كاش مايهمها و فيه ناس بيشتري لو اقساط او يتسلف لذلك مافرقت مع الشركه دام الناس تبي تشتري بالاخير هي كسبانه مادياً و كسبت التنافس مع الشركات الاخرى
بس لو كان السعر اقل يعني نقول مقدور عليه مثلاً في بحر الـ 150 الف للـGXR الفل نفس 2007 بيكون في صالح الشركه اكثر لأن الجيب بينتشر اكثر و اكثر من الانتشار الحالي
و عندك خير مثال في السوق البريطاني الشركات تتنافس على مسمى ( سيارة الشعب ) .. تخيل الشركات تتنافس من سيارتها بتكون ارخص و اجود و فيها كل مايتمناه مالكها !؟

اما من ناحيه كلامك عن الوادي و الجيوب القديمه .. اتفق معك في شيء واختلف معك في اشياء
راعي الجيب القديم بيدخل اي مكان مهب حاسب حساب للموتر لأنه قديم
و الجديد عيبه الخلوص الارضي + الفيابر و الزوائد اللي مالها لزمه في الفكسار
ولا هو يجي بهدروليك بعض الفكسار كان شقصه على فوق و الانظمه اللي فيه و العزم كلها بتساعده لكن راعي الجديد يحاسب على الحصاه حتى لأنه راكب موتر جديد و غالي

و هذا اسألني عنها انا معي قديم و ماعندي مشكله مع العقوم و القصوص و في النفود اقصقص السيوف
لكن لو تعطيني فكسار 2014 طبيعي منب سايقه نفس سواقه موتر موديله 99

[التعـ King ـديل]

الجي استاندر عند اليحيى 2014 مافيه مواصفات قير عادي واسبير علاق ب 145

الباترول بطل الدروب استاندر مره قير عادي طبعا مكيفين وثلاجه وداخليه بيج وتخشيب و مرتبه كهربا للسواق ومثبت سرعه ودفلك ل 170 الف

فرق المواصفات والسعر لصالح نيسان ،، انا مااقول انه مبرر ولكن اذا استمر الوضع على ماهو عليه وحظر الاستيراد للمستعمل واقتصاره على اخر 5 موديلات وبعض الشروط اللي تصدر في بعض الدول مثل السعودي مايشتري الا عن طريق معرض او سياره مستعمله ولا يقدر يشتري من الوكيل مباشره ابشر باارتفاع الاسعار لين تصير الاكسنت السياحيه بمليون والنص فل بمليونين

[الازرق الجنوبي]

وش الي حادك تشترية..عشان تناضر العالم جنبك وتنفخ رقبتك...

الله يبارك لبو جميل بالمتكبرين المتغطرسين..

[عاشق الددسن92]

طيب الاخبار اللي سمعناها من كم شهر عن انخفاض اسعار السيارات ذهبت في مهب الريح ولا ايش

[abarre3an]

فتك 2004 صتر له معي 10 سنين شريته مستعمل عام 2005. حول ال74 الف ..ممتاااااز بر وزفلت ورمل وصحراء ومطانيح... اشوفه الافضل...

[حبل الوريد]

المستعمل طاح بعد
معي شاص ٢٠٠٧ يسام مني قبل ٨ شهور ب٩٠ الف
والحين يسام مني ٨٠
الله لا يخسر