بعد هذه الأسعار - هل حان الوقت للتحويل من الأمريكي إلى الياباني ؟

[كومبو]

والاكسبدشن شاصي طويل ودبل ب129 وكسور
ما جبنا طاري الفورد ياخوك
أتكلم عن 2015 وليس 2013

معك حق ياخوي بالاسعار اللي تتكلم عنها
لكن هذي اسعار المعارض
وانت عارف ربعنا قبل ماينزل الموتر عند الوكيل يجيب له حبتين ويطيرهن فوووووق
السعر في أمريكا وليس المعارض . وأسعار السييرا والسلفرادو بإختلاف كبير ووصل للشاص اللي كان ما يطوله أي أحد
وهالسعر مايعكس سعر السوق
وبشكل عام الوكيل اول شكل يرفع سعره ثم ينزل بالتدريج في كل السيارات
ولنا في التشارجر والفيوجن والتورس عبره

سؤالي باختصار عندك 255 ألف بتشتري تاهو / يوكن أو باترول / لاند ؟

[كومبو]

كلها طالها الغلا لا امريكي ولا ياباني و توني كاتب موضوع بهالخصوص اتمنى تزوره

اسعار الجيوب الجديدة نار يا ستار .....!!


شكله حان الوقت للتحويل إلى السياكل

ودنا بالبعارين اريح لنا بدال درج لا تدرج ولا لاصرت راقي الدزديه ابلش عاد انت والسيكل بس البعارين فيها حقها من الغلا

الله يقطع شرك
أسعار الجيوب معروفة أنها نار
لكن إذا وصلتها الجموس وش تشتري جيب وإلا جمس ؟

السياكل مهيب شينة خاصة الشكل الجديد

[abarre3an]

ردى على العنوان فقط
لن أشترى سياره بهذه الاسعار الغير منطقيه

سأحتفظ بسيارتى واقوم بصيانتها بشكل دورى
والسيارات الجديدة المبالغ في سعرها اتركوها تصدى

هذا الكلام الصحيح يمال العافية كنت ابكتب نفس ماقلت...شكلي الفتك 2004 ماشاء الله ولا اله الا الله ابحافظ عله لمدة طويله بسبب الاغلاء...الغير مبرر.
وازيد حتى اللي معه مال كثير...يفترض انه مايساعد التجار على رفع الاسعار

[كومبو]

هذه الأسعار - هل حان الوقت للتحويل من الأمريكي إلى الياباني ؟

الجواب من وجهة نظري لا

ياحبيبي اسعار الامريكي سوا الجمس او الشفر او الفورد مقبوله جدا جدا مقارنه بالتويوتا

سعر التاهو وكاله حاليآ 134 الف 4×4

لاكن كم سعر الاندكروزر ؟؟؟؟؟

الموضوع ما جبت طاري 2013 . وما جبنا طاري الفورد ياخوك
أتكلم عن 2015 للتاهو واليوكن واللاند والباترول
2014 شاص تويوتا / سييرا سلفرادو

السييرا 2014 سعره مرتفع انا معك لاكن انتظر عليه 3 او 4 شهور وشف كم سعره الموتر جديد وشكله اكثر من راائع من الطبيعي يكون سعره مرتفع والارتفاع هذا لن يدوم طويلآ
بكم بيصير ؟

نجي لعروض السييرا 2013 وكاله 4×4 2500 HD
انا شاريه قبل اسبوع تقريبآ من التوكيلات العالميه للسيارات بسعر 93 الف !!

لاكن عندي سؤال الشاص 2013 وكاله كم سعره الحين

انا اجاوبك يفرق اكثر من 30 الف عن السييرا

ومن المستحيل ان اسعار الجمس تتجاوز التويوتا دام المطبلين له واجد

انا ماراح اقول الجمس افضل من الجيب والعكس لاكن كل واحد يثبت وجوده شئنا ام ابينا

يبقا التويوتا صبور قليل خرابات وماسك سعره عند البيع

ويبقا الجمس مريح وفخم ويتميز بقوة المكينه

والاسعار من وجهة نظري الين الحين مافيه مقارنه ابد

أتكلم عن 2015 للتاهو واليوكن واللاند والباترول
2014 شاص تويوتا / سييرا سلفرادو

والف شكر لك اخوي على طرحك

مشكور أخوي / ياليت تقولنا بكم يصير السييرا بعد 4 شهور ؟
سؤالي باختصار لو صار سعر التاهو واليوكن / نفس الباترول واللاند وش بتشتري ؟

[كومبو]

وعليكم السلام

نعم حان الوقت

الي يتكلم عن موديلات 2013 فلازم يعرف ان موديلات 2014 راح تنزل بسعر مختلف ولاراح تقل مع الوقت. هذي هي الاسعار الرسميه وبامكانكم الرجوع الى موقع جي ام سي و اوتو تريدر وغيرها

سابقا السييرا كمثال غمارتين في بحر ال 125 الف حاليا نفس النوع والفئة بحوالي 173 الف ريال ، فئة اس ال تي ب 193 على ما اعتقد ، ازودها شوي واخذ جي اكس ار افظل من كل النواحي

حاليا معي سياره امريكيه وكنت مستخدم وما ازال لمده سبع سنواتللسيارات الامريكيه ، وبأذن الواحد الأحد راح تكون السياره المستقبليه يابانيه

اول نرغب بالامريكي لانخفاض سعره + انخفاض سعر قطع الغيار وتوفر عده بدائل ، اما الان ومن موديلات 2014 وطالع تساوى اليابني مع الامريكي تقريبا ، وحتى لو كان يوجد فرق راح يكون بسيط جدا

شكرًا لفهمك مرادي يعني نظريتي أن فيه ناس تأخذ الأمريكي حاليًا لأجل السعر مقارنة بالياباني فيها شيء من الصحة . ولو كان السعر مقارب لانتقلوا إلى الياباني

[كومبو]

ردى على العنوان فقط
لن أشترى سياره بهذه الاسعار الغير منطقيه

سأحتفظ بسيارتى واقوم بصيانتها بشكل دورى
والسيارات الجديدة المبالغ في سعرها اتركوها تصدى

الله يقويك . لكن سيأتي وقت وتغير سيارتي وقد لا يكون قريب
لكنه سيأتي الوقت والله يحيينا وإياك حياة طيبة على طاعته سواء جديد أو مستعمل

[كومبو]

ياعزيزي , التاهو الأن واليوكن تغير شكله فكم تبغاه ينباع به ؟؟ 250 الف مثلا؟ كلها كم شهر وجايك الشكل الجديد والوكلاء جالسن يصرفون الشكل القديم

بتقولي ان اليوكن الجديد بينزل بـ 170 الف مثلا وارخص من اللاند انا معك صحيح

لكن ادخل للشعبان والجروف باللاند وادخل بالتاهو وترا عينك ماتغشك

هذاه واقف عند باب البيت يوكن 2011 دبل لأخوي ونطلع وقت الطيور لشعبان الرمحيه بأكثر من اربع سيارات مابين امريكي وياباني ( اكسبلورر + يوكن + برادو + لاند كروزر )

الأمريكي بالبطانيج خطر طبلونه يطلع من مكانه , وسلمني على وارد اليابان , برادو + لاند كرورزر والله لابطانيج ولاغيره , الموتر قطعه وحده

الأمريكي يتميز بقوه المكينه والقير والدفرنس لكن الباقي انطله بالزباله اكرمك الله والسامعين ( ديكورات اكسسورات وغيرها )

على فكره : معي فورد علشان ماتقول متعصب واذا تبي اصور لك الأستماره ماعندي مانع

صدقت أنا أتكلم عن 2015 فإذا كانت الأسعار من البداية بهذا الشكل فأعتقد أن الوقت حان ليعيد الشاري حساباته في الشراء فلن يكون السعر كما كان في 2013

[كومبو]

من الأن راح اقولك

التاهو واليوكن ماراح يقل عن 170-175 الف ريال بالنسبه للـ lt+sle , واذا وصل الي هذه الأسعار فما اعتقد راعي البر بيفوت الفتك و البرادو ( الفتك بـ 165 الف فل , البرادو 155 الف نص فل تقريباً او اعلى منه )

والدينالي راح اذكرك اذا ماصفق الـ 240 الف

وتراها من عشوه

الدينالي بـ 75.215 دولار يعادل 282.000 ريال

[حفراويون]

ودنا بالتيوتا لاكن ابو جميل مايخلينا

[GMC 111]

مشكور أخوي / ياليت تقولنا بكم يصير السييرا بعد 4 شهور ؟
سؤالي باختصار لو صار سعر التاهو واليوكن / نفس الباترول واللاند وش بتشتري ؟

شف كم بيوصل الله اعلم لاكن سعره بيطيح

وبخصوص وش اشتري لاتساوت اسعاره اكون معك صريح الاندكروزر الجديد

والله لو يوصل سعره اقل من الجمس ماشريته اتكلم عن نفسي طبعآ

لاكن بتركها كلها واخذ الباترول

[كومبو]

شف كم بيوصل الله اعلم لاكن سعره بيطيح

وبخصوص وش اشتري لاتساوت اسعاره اكون معك صريح الاندكروزر الجديد

والله لو يوصل سعره اقل من الجمس ماشريته اتكلم عن نفسي طبعآ

لاكن بتركها كلها واخذ الباترول

يعني في النهاية حولت للياباني

وكلامك يؤكد نظريتي أن الناس تشتري التاهو بدل الباترول عشان سعره

[ابونبيل]

مشكلتكم انكم عادين التاهو جيب وهو مو جيب هو سياره فيها دبل لكن تصميمها ابدا ما يساعد انها تكون مصنوعه للطرق الوعره والبر
قارنوه بالسيكويا هو نفس الفئه وكذلك الجمس الحوض الاتش دي مصنوع هو للسحب والتحميل الثقيل جدا خويي شرا اتش دي ٢٠٠٩ وعقبه جرب سلفرادوا ١٢ قصير حوض يقول فرررق بالبر السلفرادو افضل لانه اخف من الاتش دي ولكن جربناه بشعبان ما يصلح ابدا الهلي الدبل رريح منه ما يهابد بالشعبان
عموما كل واحد يشتري الي يحتاج و الي يبي يايش مستانس لا يقارن ابداً يقول الحمدلله وبس

وسبب رساوة الامريكي هو الثقل يعني مره دخلنا موقع تويوتا وخذنا وزن اللندكروزر وقارناه بوزن الوانيت الجمس العجيب ان الجمس اثقل ! والبر يبي موتر خفيف
واذا قارنا الجمس بالشاص مع انه كو صح ليس من نفس الفئه بيطلع الشاص ريشه قدامه وبيكون محركه افضل من محرك الجمس لانه على بدي خفيف

[GMC 111]

مشكلتكم انكم عادين التاهو جيب وهو مو جيب هو سياره فيها دبل لكن تصميمها ابدا ما يساعد انها تكون مصنوعه للطرق الوعره والبر
قارنوه بالسيكويا هو نفس الفئه وكذلك الجمس الحوض الاتش دي مصنوع هو للسحب والتحميل الثقيل جدا خويي شرا اتش دي ٢٠٠٩ وعقبه جرب سلفرادوا ١٢ قصير حوض يقول فرررق بالبر السلفرادو افضل لانه اخف من الاتش دي ولكن جربناه بشعبان ما يصلح ابدا الهلي الدبل رريح منه ما يهابد بالشعبان
عموما كل واحد يشتري الي يحتاج و الي يبي يايش مستانس لا يقارن ابداً يقول الحمدلله وبس

وسبب رساوة الامريكي هو الثقل يعني مره دخلنا موقع تويوتا وخذنا وزن اللندكروزر وقارناه بوزن الوانيت الجمس العجيب ان الجمس اثقل ! والبر يبي موتر خفيف
واذا قارنا الجمس بالشاص مع انه كو صح ليس من نفس الفئه بيطلع الشاص ريشه قدامه وبيكون محركه افضل من محرك الجمس لانه على بدي خفيف

شف السييرا 2500 HD سياره جباره بمعنى الكلمه واللي ماجربه ياليت مايحكم عليه

انا ويشهد الله علي اني ماراح امدح الموتر عشانه معي لا والله

انا استعملة الشاص 2007 7 شهور وبعته ماقول به عيب لاوالله موتر مامثله بس جابلي سعر زين وبعته قبله كان معي سييرا 2500 طبعآ غماره موديل 2004 قير عادي والله الذي لا الله الا هو لولا طلباته الواجد غير ان شاص مايجي جنبه لامن تحميل ولا سحب ولا بر يمكن في النفود الشاص في النفود اطيب شوي لاكن تبقى الراحه في الجمس لها طعم خاص

وحاليا توني راجع لسييرا 2500 موديل 13 غماره موتر ممتاز الصراحه شكل وراحه وقوه في المكينه ركب بوالين وان شاء الله مايردك شي انا مارح امدح الموديل اللي معي عشانه ماكمل للحين اسبوعين لاكن مواريه طيبه ان شاء الله ولو حطو منه قير عادي نفس الشكل اللي قبل طلع كلام ثاني

وبخصوص السلفرادو قطع 10 هو هو اخو الجمس الفرق ديكور بس انا والله ماجربت الصغير ابد ولا راح احكم عليه لاكن نسمع انه افضل من الـ2500 في البر بشكل متواصل !!!

عمومآ اللقطعه 10 افضل من الـ 2500 من ناحيت الشكل مملوح شوي لاكن ال2500 صبور اكثر من الصغير على كلام من جرب

[كرى]

باختصار ما امتلأت الشوارع من التاهو واليوكن الإ يوم اللاند تعدا 200 الف خلونا صريحين اشوي مع ان الامريكي له عشاقه الا انهم زادو عقب غلا الياباني

[GMC 111]

باختصار ما امتلأت الشوارع من التاهو واليوكن الإ يوم اللاند تعدا 200 الف خلونا صريحين اشوي مع ان الامريكي له عشاقه الا انهم زادو عقب غلا الياباني

كلامك على عيني وراسي والله يالغالي

لاكن بنظرك تشوف ان الجيوب اكثر من الجموس اتكلم عن موديل 2001 الى 2007 قبل وصول الاند للاسعار الفلكيه صدقني مالك لوا يالغالي مابيعات الجمس اكثر بمراحل

عمومآ الاند 2007 وتحت مايحتاج اني اتكلم عنه انا علمه مخبور وفعله اطيب من الجدد