المشاركة الأصلية كتبت بواسطة ابونبيل
مشكلتكم انكم عادين التاهو جيب وهو مو جيب هو سياره فيها دبل لكن تصميمها ابدا ما يساعد انها تكون مصنوعه للطرق الوعره والبر
قارنوه بالسيكويا هو نفس الفئه وكذلك الجمس الحوض الاتش دي مصنوع هو للسحب والتحميل الثقيل جدا خويي شرا اتش دي ٢٠٠٩ وعقبه جرب سلفرادوا ١٢ قصير حوض يقول فرررق بالبر السلفرادو افضل لانه اخف من الاتش دي ولكن جربناه بشعبان ما يصلح ابدا الهلي الدبل رريح منه ما يهابد بالشعبان
عموما كل واحد يشتري الي يحتاج و الي يبي يايش مستانس لا يقارن ابداً يقول الحمدلله وبس
وسبب رساوة الامريكي هو الثقل يعني مره دخلنا موقع تويوتا وخذنا وزن اللندكروزر وقارناه بوزن الوانيت الجمس العجيب ان الجمس اثقل ! والبر يبي موتر خفيف
واذا قارنا الجمس بالشاص مع انه كو صح ليس من نفس الفئه بيطلع الشاص ريشه قدامه وبيكون محركه افضل من محرك الجمس لانه على بدي خفيف
شف السييرا 2500 HD سياره جباره بمعنى الكلمه واللي ماجربه ياليت مايحكم عليه
انا ويشهد الله علي اني ماراح امدح الموتر عشانه معي لا والله
انا استعملة الشاص 2007 7 شهور وبعته ماقول به عيب لاوالله موتر مامثله بس جابلي سعر زين وبعته قبله كان معي سييرا 2500 طبعآ غماره موديل 2004 قير عادي والله الذي لا الله الا هو لولا طلباته الواجد غير ان شاص مايجي جنبه لامن تحميل ولا سحب ولا بر يمكن في النفود الشاص في النفود اطيب شوي لاكن تبقى الراحه في الجمس لها طعم خاص
وحاليا توني راجع لسييرا 2500 موديل 13 غماره موتر ممتاز الصراحه شكل وراحه وقوه في المكينه ركب بوالين وان شاء الله مايردك شي انا مارح امدح الموديل اللي معي عشانه ماكمل للحين اسبوعين لاكن مواريه طيبه ان شاء الله ولو حطو منه قير عادي نفس الشكل اللي قبل طلع كلام ثاني
وبخصوص السلفرادو قطع 10 هو هو اخو الجمس الفرق ديكور بس انا والله ماجربت الصغير ابد ولا راح احكم عليه لاكن نسمع انه افضل من الـ2500 في البر بشكل متواصل !!!
عمومآ اللقطعه 10 افضل من الـ 2500 من ناحيت الشكل مملوح شوي لاكن ال2500 صبور اكثر من الصغير على كلام من جرب