بعد هذه الأسعار - هل حان الوقت للتحويل من الأمريكي إلى الياباني ؟

[كومبو]

دامك راعي امريكي منب قايل لك شي


بخصوص انكم دخلتو البر بمواتر اميريكي وياباني

مثل ماقلنا يابعدي كل موتر وله ايجابيات وسلبيات

دامكم طلعتو بمواتر امريكيه ويابانيه للبر وجازلك التويوتا

حتى حنا تمر معنا قصص يالغالي

رحنا من الرياض الى صلاله وعليك حساب المسافه السيارات لاندكروزر GXR 2009

تاهو LTZ يوم وصلنا لصلاله اهل الاند نامو يومين متواصله

واهل التاهو طلعو يتمشون وانا من الي راحو على الاند ورجعت بالتاهو الفرق واضح والراحه لعبت دور كبير الصراحه

الامريكي خط مدينه فرق شاسع عن التويوتا ومحد ينكر الشي ذا

التويوتا في البر يتفوق على الامريكي

ويشهد الله ان عندنا جيبين تويوتا وموترين امريكي

هل تعتقد أن وجود بديل أرخص وأريح مثل السيكويا والإكسيبديشن سيغير من خارطة السيارة العائلية ؟

أذكر رحت لصلالة على السيكويا 8 أشخاص وأسحب قلص وسرعتي 160 كلم من الرياض طبعًا والحمد لله بدون وقفات إلا للصلاة وتعبئة البنزين
وصلنا ووصلوا معنا راعين ربع والله رحمتهم

[كومبو]

يالبى دستني ٩٧ وكاره كر من الشرقيه للرياض وبعض الأحيان القصيم
يقولون خلك على مقرودك لا يجيك اقرد منه

الله يهنيك به ,,

[كومبو]

هذا الكلام الصحيح يمال العافية كنت ابكتب نفس ماقلت...شكلي الفتك 2004 ماشاء الله ولا اله الا الله ابحافظ عله لمدة طويله بسبب الاغلاء...الغير مبرر.
وازيد حتى اللي معه مال كثير...يفترض انه مايساعد التجار على رفع الاسعار

الله لا يحد لشراء الجديد
لكن المشكلة الإرتفاع وصل للمستعمل

[أبوهادي]

ماتقدر تحكم على اسعار الامريكي
الا اذا نزلت لدى الوكلاء المحليين

[أبوهادي]

السلام عليكم ورحمة الله وبركاته
ماتقدر تحكم على اسعار الامريكي
الا اذا نزلت السيارات لدى الوكلاء المحليين.
ولا تنسى اخي كومبو ان السكويا امريكي
لهذا مايقارن من ناحية الراحة بالاند
وتقبل تحياتي

[Bader-M]

وعليكم السلام

بنسبة لاسعار 2015 م

اعتقد فترة بسيطة و تنزل الاسعار على الاقل 10-15 %
يعني السعر السيارة 200 الف ريال راح يكون 180 الف -175 الف ريال
سبب الارتفاع هو التقنيات و التصميم الجديد

بنسبة للمستهلك مستوى دخله يحدد خيارته
اذا كان دخلك الشهري 15 الف ريال مو معقوله تشتري كامري
والعكس صحيح اذا كان دخل 5 الالف ريال مو معقولة تشتري لكزس
بالنهاية هي اذواق

[كومبو]

ودنا بالتيوتا لاكن ابو جميل مايخلينا

الله يخلي لنا الوكلاء الثانين البريمي واليحيى أو أرخص وكيل لتويوتا

[كومبو]

شف كم بيوصل الله اعلم لاكن سعره بيطيح

وبخصوص وش اشتري لاتساوت اسعاره اكون معك صريح الاندكروزر الجديد

والله لو يوصل سعره اقل من الجمس ماشريته اتكلم عن نفسي طبعآ

لاكن بتركها كلها واخذ الباترول

يعني في النهاية حولت للياباني

[كومبو]

مشكلتكم انكم عادين التاهو جيب وهو مو جيب هو سياره فيها دبل لكن تصميمها ابدا ما يساعد انها تكون مصنوعه للطرق الوعره والبر
قارنوه بالسيكويا هو نفس الفئه وكذلك الجمس الحوض الاتش دي مصنوع هو للسحب والتحميل الثقيل جدا خويي شرا اتش دي ٢٠٠٩ وعقبه جرب سلفرادوا ١٢ قصير حوض يقول فرررق بالبر السلفرادو افضل لانه اخف من الاتش دي ولكن جربناه بشعبان ما يصلح ابدا الهلي الدبل رريح منه ما يهابد بالشعبان
عموما كل واحد يشتري الي يحتاج و الي يبي يايش مستانس لا يقارن ابداً يقول الحمدلله وبس

وسبب رساوة الامريكي هو الثقل يعني مره دخلنا موقع تويوتا وخذنا وزن اللندكروزر وقارناه بوزن الوانيت الجمس العجيب ان الجمس اثقل ! والبر يبي موتر خفيف
واذا قارنا الجمس بالشاص مع انه كو صح ليس من نفس الفئه بيطلع الشاص ريشه قدامه وبيكون محركه افضل من محرك الجمس لانه على بدي خفيف

للأسف فيه ناس تقارن بالسعر وهذا كتبته بالموضوع لكن هالكلام ليس موضوعنا
السالفة باختصار لو تساوت أسعار اليوكن / التاهو بالباترول / اللاند ؟ هل الناس بتأخذ الياباني أو الناس ما زالت ستستمر على الأمريكي ؟

[كومبو]

باختصار ما امتلأت الشوارع من التاهو واليوكن الإ يوم اللاند تعدا 200 الف خلونا صريحين اشوي مع ان الامريكي له عشاقه الا انهم زادو عقب غلا الياباني

منذ 2005 إلى الآن واللاند كروزر هو الأكثر مبيعًا في السعودية من السيارات العائلية
لكن لو جمعت مبيعات اليوكن والتاهو بيكونون أكثر من اللاند

[كومبو]

كلامك على عيني وراسي والله يالغالي

لاكن بنظرك تشوف ان الجيوب اكثر من الجموس اتكلم عن موديل 2001 الى 2007 قبل وصول الاند للاسعار الفلكيه صدقني مالك لوا يالغالي مابيعات الجمس اكثر بمراحل

عمومآ الاند 2007 وتحت مايحتاج اني اتكلم عنه انا علمه مخبور وفعله اطيب من الجدد

منذ 2005 إلى الآن واللاند كروزر هو الأكثر مبيعًا في السعودية من السيارات العائلية
لكن لو جمعت مبيعات اليوكن والتاهو بيكونون أكثر من اللاند

[mustafasky]

خل اليابني للي يهمه البيع بعدين ويفكر في الدراهم

عندي فل جي اكس ار للشايب شاريه

الدرجة الثالثه مافيه تكايه للركاب !!! حقيقه انخدعت فيه ولا انتبهت الا لمن شريته والطاره كأنه طارت ونيت و في القومه جنك شايل فيل وياك وسلم لي على البدي لدقيته بيدك كأنك ضارب طبل

والي يقول لي للبر وما البر يبااا انا ساكن في البلد البر ما نطلع فيه ١٠ مرات في السنة
... لاكن يهبا ناخذ ياباني ثانيه

وعندي يكون تاهو عز الله انه موتر ومركب يسفط اليباني كله بالراحه و العزم والقوة والصلابه

وتراه الامريكي الجمس والشفر مقبول بالنسبة لمواصفاته الممتازه والبيع تراه مب بعيد عن تويوتا يمسك سعره

[فرفور بريده]

اللي يقارن اسعار الياباني الحالي بالجيل الجديد بالجمس غلطان

اذا نزل الاندكروزر الجيل الجاي ان شاء الله

اقل فئه بكم تصير ؟ ب 200 ؟ والفي اكس ار ماستغرب ياصل 400

[alhkami]

الاندكروزر يبدا من 160 الف تقريبا لاقل فئة

الى قرابة 300 الف للفئه الاعلى

[rangejaguar]

ما شاء الله