بعد هذه الأسعار - هل حان الوقت للتحويل من الأمريكي إلى الياباني ؟

[rangejaguar]

ما شاء الله

[abdulazizksa]

تقارنون بالأمريكي الجديد وباقي ما احد جربه ،، جديد كليا وما رفعوا سعره إلا عارفين وضعه ،، اذا جربتوها أحكموا يا صنّاع السيارات

[ابوقاسم]

موضوع جيد ويمكننا من قياس ثقافاتنا في الشراء والانتقاء للجيد والابتعاد عن السيء
لوقلنا ان السيارات في تطور مستمر فالتطور يحتاج لدعم ولايعقل ان التطور في السلعة يبقي سعرها كما السابق
وهذا مبرر الامريكي في رفع الاسعار ولكن ما هو مبرر تويوتا في رفع اسعار سياراته للحدود العليا وتقنيتها بسيطة ولا ترقى للشركات الاخرى حتى منها الجديدة في السوق كما الصينية
أي لاارى مبرر لشركة تيوتا في رفع اسعارها الى هذا الحد الا تهافت الشيطية على الشيك وماسك سعره
وجهة نظر لكم ان تقبلوها ولكنها واقعية
تحياتي

[ابوقاسم]

وثانيا مو كل الشعب مثل يبات في البر وبين الشعبان يخوك
انا اطلع بر ولو حدني الوقت وصاروا الياباني والامريكي بنفس السعر والله ماني ماخذ الا امريكي لاني ابي المركب المريح والفخم وقوة السيارة
وكل حسب استخدامه واللي يقول يمسك سعرة اقوله اضمن عمرك ثم اضمن انك تبيع سيارتك ترى الواحد يطلع مايضمن انه يرجع والحافظ الله

[فارس الجزيرة]

انت تقارن سعر التاهو 2015 بسعر اللاند 2014 ..
وتقارن اعلى فئه في التاهو بنص الفئه في اللاند ..

اذا وصل سعر التاهو الفل مثل سعر الـ VXR ذيك الحزه قل هل حان الوقت للتغيير ..

[الوافي.]

انا راعي بر
واذا تقاربت الاسعار فلن اشتري الا تايوتا لانه يعيش ولا يطلب قطع غيار

[ناوي شر 505]

لو سمحتو لاحد يتكلم في الامريكي

شوفو الامريكي وش مسوي في الماني



ومع الياباني



وبعدين انا ما تفرق معي جموس امريكيه ولا يابانيه في الاسعار

ولو تبون تتكلمون في الاسعار شوفو السياره الكوريه الي مسوين لها مقارنه مع الماني

معقوله اقارن الجينيسيس مع مرسدس بنز ولا بي ام دابليو

وهي قيمة الجينيسيس 2015 واصله 193 الف وكسور احط هالمبلغ في كوري ؟

تقبلو مروري ربي يسعدكم

[تميم2222]

انجح سياره في تويوتا لاند كروزر والشاص ... والوكيل المتخلف ماطور في هالفئتين مكاين بطه مع احترامي

[أبو خالد 2422]

أولا أخواني كلامي مو اني متعصب أو كذا طبعا الأسعار مرتفع لليوكن والتاهو تدرون ليش لأنة بداية شكل جديد ويبي يرجع لسعرة بس إصبر مثل 2007 كان غالي يعني اليوكن أقل نوع ب 150000 بعدين صار ب 139000

[Slrzr1]

تصدقون ازين شي بما ان السيارات ارتفعت اسعارها كراون فكتوريا عندي 99 والحمدلله الي الحين ما شفنا شي الله يعين على الدنيا

[Slrzr1]

صح انا من ناحيتي اشوف الجيوب الجديده اممممم ما تصبر زي القديمة وغالي
اما الجمس العكس القديمة ما تصبر
وفيه شي لك والزمن انك تصنع سياره بنفسك والسعر بيصير رخيييييص و اختر القطع اللي تبي هاه وش رايكم فيني

[وافي55]

فعلا" أسعار الأمريكي أرتفعت لكن لاننسى جانب الأمان والفخامة والراحة مقارنة بالياباني الآن الجيوب اليابانية الفل أغلى من الأمريكي مع إن فخامة الأمريكي أعلى ولاتنسوا الصانع الكوري باقي مركز على فئة الجيوب 4×4 وأتوقع لو بدأ في إنتاج نوعية خاصة بالبر راح ينافس بشدة الآن صار الكوري ينافس الياباني والأمريكي وربما ينافس الأوروبي من حيث الفخامة والشكل.

[حان الرحيل]

السلام عليكم.........
فيه فرق يا اخوان من يناقش الموضوع والفكره اللي طارحها الرجال ...ومن يناقش الرجال نفسه على فكره....
فلا راح نخلص لاننا لن نلتقي...وسوف يكون الصدام للافكار ..ولكل سيارة يرغبها الكاتب من اجل يمشي كلامه حتى لو السياره ما تستاهل وسوف يدرج البراهين والدلائل التي تؤيد وجهة نظره...فما فيه حل...
لكن لك عندي فكره اخرى...واذا ما اعجبتكم تجاربي ...تجاوزوها ...وسامحوني
هنا في هذا المنتدى كان الناس يتناقشون على لاندكروزر 2007 والجمس الجديد 2007 ..والاسعار المرتفعه....اللاند 175 والجمس 130...وهكذا وكانت اسعار الاراضي والبيوت في متناول راعي الجمس واللندكروزر....من اشترى ارض في اي مكان بالمملكه عام 2007 ب100الف فقط...يستطيع ان يبيعها الان ب7اضعاف ..او اكثراو يعمرها ...او مزرعه ..او استراحه او غيرها....فاذا
كان من عشاق السيارات واراد بيعها فبقيمتها يستطيع شراء لكزس وباترول ودينالي وونيت ...ويبقى معه نصف الدراهم....
بيقول واحد من جانا هالرجال بهالسوالف...اقول يا شباب التاريخ يعيد نفسه..وسوف يحصل ما حصل سابقا..وبنفس الطريقه.طالما الله مغنيك بسياره توديك وتجيبك وتسافر بك فقد حصل المقصود من اقتناء السياره...وانصح من يريد اقتناء سياره ب150الف وفوق كاش...ان ياخذ ارض او يجعلها مقدم لبيت او شقة او مزرعه او استراحه ......وبعد فتره سوف يحصل ما ذكرنا سابقا,,,,,فياليت قومي يعلمون.....واعرف ما يدور في خلد البعض...لكن نقول له اعمل لدنياك كانك تعيش ابدا.....فابنائك وانت واهلك احق بالاستفاده من تلك المبالغ احسن من ياخذها بوجميل ولا الجميح...الم يكن الناس ينظرون الى لانكروزر 93 انه موتر العصر...الان لا احد يعرف شكله اصلا..ولا يسوى قيمة صيانته...لكن البيت اللي تعمر عام93 ب200الف يسوى الان مليون......شكرا لكم واتمنى ان المقصود وصل....وسامحوني على الاطاله..فانتم اخواني

[الحربي 591]

تبون العلم الوكاد؟
خل شكل الاند يتغير
وتعالو حطوني تحت كفر السياره ان ما صار سعر ال جي اكس ار 280...
هذا اول شي
ثاني شي الامريكي وين ما رحت ما اقدر استغني عنه
عندي لاند 07 كل ما سافرت فيه جاني شد عضلي

[سد مارب]

الامريكي راحة وجودة اقل وسعر اقل
الياباني يكسر ظهرك وجودة اعلى وسعر اعلى
وعليك الاختيار