شريت يوكون و لا أعرف أطلع به للبر .. علموني كيف أسوقه بالبر

[alroban]

السلام عليكم و رحمة الله
أبشركم .. شريت يوكون 2006 و الحمد لله - ماشاء الله - و طلعت فيه مرة للبر و أبشركم غرزت فيه غراز ما صار ..
طلعوني أهل الفزعات و عقبها ما كررتها .. و اشتقت اطلع ..
و لا أعرف ..
علموني .. كيف أسوق سيارة أمريكية - يوكون - بالذات في البر ؟؟

تكفووون يا أهل الخبرة ..

[أبو حـــمد]

و الله يا أخوي ما عندي خبره كبيره باليوكون .... لكن بشكل عام لكل السيارات التوماتيك أهتم بثلاث أشياء و ان شاء الله ما يعوق معك شيء:
أول و أهم شيء:
لو معك أقوى سياره بالعالم أنك تنسم للكفر حتى 20 أو 15 على حسب الرمل اللي بتدخل فيه ...
ثانيا:
أيضا مهم أنك تشبك الدبل قبل ما تدخل الرمل و يفضل انك تشبك الدبل الخفيف ...و لا تفرمل في الرمل بقوة لأنك راح تغرز على طول ...
ثالثا:
أيضا من الافضل انك تحط الجير على مستوى " 2 " أو "1" علشان تعطي لسيارة قوة و لا تخليها تغير الى تروس خفيفة و تضعف قوة السيارة .
و الشباب ان شاء الله يفيدونك باللي عندهم.

[imksa]

ما على كلام ابو حمد زود ،، كفى ووفى .


لكن اعيد واكرر على قضية التنسيم مهمه جدا.


وايضا انتبه تلف لفه قوية سايس الطعس مسايس خاصة في المواقف الحرجه.

فمان الله

[ابوطاقية]

اول شي تشترى عيار كفرات وماطور ابو جمل
ثاني شي تنسم قبل دخولك للرمل على 15
ثالث شي تنتبه ماتقابل الطعس مقابل لازم تسايسه مسايس من الجنب
رابع شي لاتشب على الموتر بقوه وانت منسم بالعكس بالهداوه تمشي تمام
رابع شي انتبه تسحب احد بالقير الاتماتيك ترى كلتشاتك تروح فيها
خامس شي مبروك على السياره والله يعطيك من خيره ويكفيك شره

[عاشق النحم]

والله يا بعدي انا معي يوكون 2001

أول شي الله يطعمك من خيره ويكفيك شره

اتبع التالي
1/قل بسم الله طبعا اعد عاء الركوب
2/لا زم تنسم الهوا على 25 واذا منتب فاضي ولا كانت الطلعة خفافية على الاقل لازم يكون الهوا الي بالكفرات يريح الموتربالبر(35)
3/لازم تدري ان اليوكون ما تقدر تشبك الدبل ولا تفصله الا اذا كنت واقف يعني وقف وسو الي انت تبي
4/ بالنسبة للدبل باليوكون كالتالي (أول زر دائري هذا دفع رباعي مستمر 30%أمامي70%خلفي)(ثاني زر للدفع الخلفي)(ثالث زر للدبل الخفيف)(هذا الدبل الثقيل)
5/ترا اليوكون اسهل ما يكون بالبر ةتبي تتعود عليه انشاء الله

تحياتي

[ذيب صعفيق]

بالنسبه لدبل أرجومرجعة (الكتلوج)ففيه كل مفيد وخاصه مايتعلق بالدبل

[عريدان]

ارجو أن تتأكد هل فيه دبل وإلا "لا"

[aziz2727]

انا ما عندي زود على ما قال الاخوان
لاكن والله تعجبني في سؤالك
ومهب عيب ان الواحد يسأل بالعكس الاستفاده من خبرات الاخرين امر مهم جدا" .
وانا والله احييك على سؤالك لتستفيد وتفيد ويستفيد كل واحد يشوف موضوعك
اهم شي وانا اخوك الدعاء والتوكل على الله سبحانه وتعالى
الله يحفظ الجميع

[alroban]

و الله يا أخوي ما عندي خبره كبيره باليوكون .... لكن بشكل عام لكل السيارات التوماتيك أهتم بثلاث أشياء و ان شاء الله ما يعوق معك شيء:
أول و أهم شيء:
لو معك أقوى سياره بالعالم أنك تنسم للكفر حتى 20 أو 15 على حسب الرمل اللي بتدخل فيه ...
ثانيا:
أيضا مهم أنك تشبك الدبل قبل ما تدخل الرمل و يفضل انك تشبك الدبل الخفيف ...و لا تفرمل في الرمل بقوة لأنك راح تغرز على طول ...
ثالثا:
أيضا من الافضل انك تحط الجير على مستوى " 2 " أو "1" علشان تعطي لسيارة قوة و لا تخليها تغير الى تروس خفيفة و تضعف قوة السيارة .
و الشباب ان شاء الله يفيدونك باللي عندهم.

أخي أبو أحمد أشكرك جداً على جميل ردك .. و زادك الله من علمه

ما على كلام ابو حمد زود ،، كفى ووفى .
لكن اعيد واكرر على قضية التنسيم مهمه جدا.
وايضا انتبه تلف لفه قوية سايس الطعس مسايس خاصة في المواقف الحرجه.
فمان الله

imksa شكراً جزيلاً لك ..
يعطيك العافية

اول شي تشترى عيار كفرات وماطور ابو جمل
ثاني شي تنسم قبل دخولك للرمل على 15
ثالث شي تنتبه ماتقابل الطعس مقابل لازم تسايسه مسايس من الجنب
رابع شي لاتشب على الموتر بقوه وانت منسم بالعكس بالهداوه تمشي تمام
رابع شي انتبه تسحب احد بالقير الاتماتيك ترى كلتشاتك تروح فيها
خامس شي مبروك على السياره والله يعطيك من خيره ويكفيك شره

أبو طاقية .. شكراً جزيلاً لك ..
الله يبارك و جزاك الله خير

والله يا بعدي انا معي يوكون 2001
أول شي الله يطعمك من خيره ويكفيك شره

اتبع التالي
1/قل بسم الله طبعا اعد عاء الركوب
2/لا زم تنسم الهوا على 25 واذا منتب فاضي ولا كانت الطلعة خفافية على الاقل لازم يكون الهوا الي بالكفرات يريح الموتربالبر(35)
3/لازم تدري ان اليوكون ما تقدر تشبك الدبل ولا تفصله الا اذا كنت واقف يعني وقف وسو الي انت تبي
4/ بالنسبة للدبل باليوكون كالتالي (أول زر دائري هذا دفع رباعي مستمر 30%أمامي70%خلفي)(ثاني زر للدفع الخلفي)(ثالث زر للدبل الخفيف)(هذا الدبل الثقيل)
5/ترا اليوكون اسهل ما يكون بالبر ةتبي تتعود عليه انشاء الله
تحياتي

عاشق النجم .. شكراً جزيلاً ..
و بارك الله فيك .. و أشكرك على إضافتك الخاصة بالدبل ..

بالنسبه لدبل أرجومرجعة (الكتلوج)ففيه كل مفيد وخاصه مايتعلق بالدبل

حسن نوكيا .. شكراً جزيلاً لك ..
قرأت الدليل اللي معاه .. و صح استفدت كثير .. لكن خبرة أهل الخبرة ما نستغني عنها

ارجو أن تتأكد هل فيه دبل وإلا "لا"

عريدان .. شكراً جزيلاً لك
متأكد فيه دبل ..

انا ما عندي زود على ما قال الاخوان
لاكن والله تعجبني في سؤالك
ومهب عيب ان الواحد يسأل بالعكس الاستفاده من خبرات الاخرين امر مهم جدا" .
وانا والله احييك على سؤالك لتستفيد وتفيد ويستفيد كل واحد يشوف موضوعك
اهم شي وانا اخوك الدعاء والتوكل على الله سبحانه وتعالى
الله يحفظ الجميع

aziz2727 .. شكراً جزيلاً لك ..
الله يرفع معنوياتك .. مثل ما رفعت معنوياتي
و أكيد و الله ما سألت إلا لأني ما أعرف .. و اللي أعرفه .. أن الشباب هنا ما راح تقصر مع أخوهم أبد ...

جزاكم الله خير و ما قصرتوا..


يعني الخلاصة ...

- بسم الله
- بالإضافة لمعدات البر .. ( معيار هواء - منفاخ )
- دعاء الركوب
- تنسيم الكفرات قبل دخول الرمل ( 25) كحد أقصى
- تعشيق السيارة على القير ( 1) أو (2)
-تعشيق الدبل الخفيف قبل الانطلاق
- السير على الرمل بخفة ..
- عدم مقابلة الطعس مقابل .. بل ( مسايسة ) الطعس .. و السير على حوافه.
- عدم ( الدعس ) على السيارة بقوة ... لأنها راح تغرز ..

جزاكم الله خير

[عاشق النحم]

اصبررررررررررررررررر

وش تعشق القير على واحد أو ثنين

خله على الدي وبس

حتى اذا كنت تبي ترقا طعس اقشر عطه على2 (ولا ترا الغراز والم)

[بواسامه]

هلا بالغالي
لازم تغرز عشان تتعلم
ولازم تشتري واير عشان ان غرزت تلقى كم يسحبك
وصدقني الغراز يلحق اطلق شنب ومايعرف قديم ولا جديد
بس الدعوه مهارات مكتسبه مع الزمن
وكل اللي يطعسون وحقين مراقي ونفود ياما وياما غرزوا ونامو جنب مواترهم

عموما ممتعه سواقة اليوكون بالرمل وخفيف مادامه يمشي واذا غرز مهنا اثقل منه وهذه عادة الامريكي
بس عز الله انك شريت موتر

[alroban]

اصبررررررررررررررررر

وش تعشق القير على واحد أو ثنين

خله على الدي وبس

حتى اذا كنت تبي ترقا طعس اقشر عطه على2 (ولا ترا الغراز والم)

ارفق يا خوووك .. ما طلعت توي .. جالس اجمع معلومات

و شكراً على المعلومة ...

بارك الله فيك أخوي عاشق النجم

[alroban]

هلا بالغالي
لازم تغرز عشان تتعلم
ولازم تشتري واير عشان ان غرزت تلقى كم يسحبك
وصدقني الغراز يلحق اطلق شنب ومايعرف قديم ولا جديد
بس الدعوه مهارات مكتسبه مع الزمن
وكل اللي يطعسون وحقين مراقي ونفود ياما وياما غرزوا ونامو جنب مواترهم

عموما ممتعه سواقة اليوكون بالرمل وخفيف مادامه يمشي واذا غرز مهنا اثقل منه وهذه عادة الامريكي
بس عز الله انك شريت موتر

بو أسامة
بارك الله فيك ..
و صح .. ( كل دقة بتعليمه ) ..
بس فيه غرازعن غراز .... بيني و بينك فيه غراز يفشل ( زي اللي صار معي ) ... :d
و كلامك صح 100% أن المسألة تجربة و خبرة و ممارسة .. و لكن قلت أخذ المعلومات النظرية اللي جربها غيرها و أجرب بنفسي ..

الله يجزاك خير .. و شكراً لمرورك الكريم

[تــــوني]

ما ازود على كلام الرجال .. ما عليهم زود فيما قالوا



ويظهر انك بتصير حريييييف من كلامهم ... وبالتوفيق .. وكل سيارة لها وزنياتها تعرفها مع الممارسة



والله يطعمك خيره ويكفيك شره ... ولا تنسى ذكر الله وشكره والثناء عليه إذ سخر لنا وما كنا بمقرنين..

[العملاق النائم]

انا من رايي انك تشتري هايلوكس غماره
لازم نسملها طبعا.
وخلك حول الطعوس الصغيره.

بعدين اشر سيارة دفع رباعي علشان تكون خبزة وعجنة الرمل صح

وجهة نظر ومداعبة في نفس الوقت ........صدقني اعجبت في سؤالك الصريح.

تحياتي لك.