شريت يوكون و لا أعرف أطلع به للبر .. علموني كيف أسوقه بالبر

[عريدان]

أعتقد إن كفرات اللي معك " يونيرويال " أو ميشلان وكلها عويصه على الرمل مهما تنسم تحفر بادنى غراز.
أحسن شي يناسبه من الكفرات اللي تريحه بكل الضروف 1-الميشلن الجديد الفرنسي أو 2- اليوكوهاما جيولاندر حق اللاندكوزر العماني. وهم ما يبي لهم تنسم كامل يعني 20 كفايه لهم وبيتحسن أداء اليوكون في الرمل 70 % معك.

[مناديِ]

طبعا الكبير و الصغير و الخبير و الغشيم .. كلهم غرزو بالبر

بس تبان اذا معاك ددسن غماره 84 تطامر فوق النوازي او شاص 2006 تحفر تحت كفره

مو شرط بكل بر تنسم للكفرات .. حتى لو طعوس لا يقل الهواء عن 25 لان راح يواجهك جلد .. وموزين التنسيم بالجلد .. انواع البناشر

غير كذا .. اذا الارض ممطوره خل رجلك خفيفه على الدعاسه والكفرات 30

اذا ماهي ممطوره .. عشق الدبل الخفيف وخله على D مو محتاج لا 1 ولا 2 ولا 3 والهواء 25

واذا تخاف من التغريز .. اول ماتنزل من الطريق راح تغرز

والشغله كلها ترجع على حسب الطريق الي انت تمشية .. هل محتاج تدعس ولا تهدي ولا تعشق الدبل

وحتى لو واجهت طعس .. اسهل من طلوعه مافي .. اللهم معاك السياره المناسبه .. طبعا اليوكن ثقيل غير كذا نصف واجهيته راح تصدم الطعص


تمنياتي لك بالتوفيق و الكشتات الحلوه