طقة القير في الريوس -- البداية -- الاعراض - تطور الوضع -- الحلول ...

[EMADS]

السلام عليكم ورحمة الله وبركاته

حاب اشاركم بتجربتي المتعلقة بالقير

نوع السيارة :ماونتنير 2007 (ينطبق ايضا على اكسبلورر من 2006 -2011)

المشكلة: طقة + تاخير في الريويس + نتعة في الغيار الثاني الى الثالث + نتعة عند التهدئة-- بدا خفيف حتى اخذ بالزيادة بشكل مزعج حتى وصل الامر الى فضاوة القير على الغيار الاخير!!!(معناة سنيتن)

الوصف وبداية المشكلة:

بدات في ملاحظة المشكلة مباشرة بعد تغيير زيت القير وتم حلها في وقتها عن طريق فصل اصبع البطارية واعادة شبكها مرة اخرى علما بان جميع القطع من الوكالة وعلى رقم الشاص.

تطورت المشكلة تدريجيا وكنت اعود لفصل البطارية من وقت الى اخر ولكن هذا ما حل المشكلة نهائيا.


بحثت في النت عن سبب المشكلة وحلها وكان الجميع يتحدث عن حساس القير او السيولنيد ولكن انا ما كان يطلع عندي اي كود في الفحص ولا حتى لمبة تحذير في السيارة!!

بعد 40 الف كيلو غيرت الزيت مع الفلتر مرة اخرى وكان عندي امل انها تختفي المشكلة ولكن للاسف اخذت بالزيادة واصبحت مزعجة.

فحص الكمبيوتر لم يظهر اي كود مما ادى الى تأخر الاصلاح كثيرا!!

الاسبوع اللي فات قررت اني اغير السيلونيد بعد التوكل على الله مع اني ما صار لي شهرين مغير الزيت والفلتر

جبت الحساس والزيت والفلتر وذهبت لاحدى الورش المتخصصة

تكلفة الحساس من الوكالة بعد الخصم 1199 ريال
الزيت 6 علب + الفلتر + الغازكيت = 300 ريال
اجرة اليد: 200 ريال
ساعات العمل من لحظة دخول السيارة الى خروجها 2 ساعة فقط

بعد ما انتهى الفني طلعت جربت السيارة وكانت الصدمة!!!!

ما تغير شي على السيارة!! وهنا انجنيت وكان في عقل وطار ودقيت بالزول اللي ركبها

قاللي يا زوووول ازبببر شوي لازم نسويلها برمجة

وفعلا برمجها عن طريق فصل البطارية عدة مرات وتشغيل السويتش عدة مرات

قال لي يا زووول روح وسوق السيارة يوم وخلها تتبرمج معك من جديد وادعيلي

والله انه دعيتله الله يوفقه

مثل الحلم

الحمد لله السيارة رجعت تمااام التمام حتى الغيار ما تحس فيه

والريوس احطه مباشرة يشبك بدون طقة ولا تاخير ولا حتى تحس انك عملت ريويس.


المشكلة انحلت والنتايج:

تغييرات القير مثالية
صرفية البنزين قلت
صوت المروحة اختلف عن اول
ارتحت نفسيا

بالتوفيق واهم شي انه اللي يركب القطعة يكون عنده خبرة وركب مثلها قبل ويعرف كيف يبرمجها بعد التركيب!!!

[سحايب صيف]

الف مبروك حل المشكله

والله يجعلها اخر الاعطال

وانا احس ان مشكله الاكسبديشن في وجود طقه في القير عند التهدئه اللي قبل الوقوف نفس مشاكلكم

لكن سؤالي وين الورشه هذي لو سمحت

الشي الثاني تكفى دق على الزول وقوله في اكسبديشن 2012

لما يجي يهدي والموتر بيرجع في النمره الاولى يطلع صوت طقه

هل عنده خلفيه عن المشكله هذي ويعرف يصلحها


انتظر ردك

[EMADS]

اخوي جرب افصل البطاريه وارجع اشبكها، لانه سيارتك جديدة وما اتوقع انه عندك مشكلة بالحساس، ممكن تحتاج اعادة برمجة ، انا قبل فترة قرات الكتالوج ولقيت حاجة مهمة جدا وخصوصا بعد تغيير البطارية وهو الامر الذي تجاهلته وقتها

الكتالوج يقول صراحة اذا فكيت البطارية او غيرتها فان السيارة يجب ان تبرمجها من جديد والبرمجة سهلة جدا وهي كالتالي:
طبعا قمت بفصل اصبعي البطارية لمدة نصف ساعة عشان ارجع للحظة تغيير البطارية
قمت بعدها بتركيب البطارية من جديد ومن ثم تحريك المفتاح لوضع ما قبل التشغيل وانتظرت حتى طفت الاضواء كلها واخذ شعار الماكينة بالظهور والاختفاء عدة مرات ثم ثبت
قمت بعدها بتشغيل السيارة وانتظرت حتى وصل مؤشر الحرارة للنصف

قمت بعدها بوضع القير على وضع الدي مع رجلي على البريك وكاني جاهز للانطلاق وبقيت هكذا دقيقة او زيادة شوي
بعدها شغلت المكيف ووضعت القير على وضع الدي مع دعسة بريك لمدة دقيقة ايضا
بعدها خليت المكيف شغال مع ان الدنيا برررررد ولكن هذا كله حسب الكتالوج ومشيت بالسيارة لمدة 16 كيلو وذلك ايضا حسب التعليمات وبشوارع مختلفة من السريعة الى الحارات

جرب ودلنا خبر

[سحايب صيف]

ان شاء الله

[KHALID009500]

السلام عليكم .. حصلت لي نفس مشكلتك وصرت اوسوس منها و طقه ال R صارت قوية لدرجة اني اضغط الفرامل للآخر و اذا رحت لورش ولا شي قالوا توضيب و ضاق صدري -_- ... المهم بحثت و رحت وجيت لقيت واحد غير عند ورشه هاذي القطعة و ضبط موتره قلت نروح لم نفس الورشة و نجرب يوم رحت له اول ما ركب الموتر و ساقه بدون قال هذا حساس القير و قيمته 950 + غيار زيت و فلتر 300 .. قلت له توكل على الله و غيرها يوم طلع موتري تغير 180 ما شاء الله .. رجع القير طبيعي .. و في توكيلات الجزيرة لموديلات 2010 يغيرونها ترا عند صيانة 40000


و يعطيك العافية طولنا عليك `_*

[أبوسامي2014]

بيض الله وجهك يالحبيب ..

سيارتي نفس سيارتك ونفس المشكلة تماما ..

هذا موضوعي
http://www.mekshat.com/vb/showthread.php?t=624254

رحت عند معلم تركي قال بالفعل لازم تغير السيلونيد + توضيب

المهم بعد البحث والسؤال وهنا وهنا .. قررت التوضيب واليوم استلام السيارة وخايف ..

تكرما ارسل لي جوالك على الخاص !!

[أبوسامي2014]

الأخ عماد هل أنت في جدة ! ودي أعرف الورشة هذه ..

[EMADS]

لا والله يا عزيزي في الرياض وهي في الصناعية القديمة

[تركي1]

الله يبارك فيك على سرد تجربتك
جزاك الله خير

[فارس تميم]

السلام عليكم .. اخووي عماد الله يوفقك دلن ع هالورشه هبلتبي هبال هالحركه وغيرت الحساس عند البيان بمجموع 2000 ريال ولا زانت والحين طايبن الخاطر ودي احرقبه من القهر .. افزعلي تكفا يا ارسلي مكانه ولا جوالك ولا جواله ولا اروح اقرب محطه واشببه ..

[EMADS]

السلام عليكم .. اخووي عماد الله يوفقك دلن ع هالورشه هبلتبي هبال هالحركه وغيرت الحساس عند البيان بمجموع 2000 ريال ولا زانت والحين طايبن الخاطر ودي احرقبه من القهر .. افزعلي تكفا يا ارسلي مكانه ولا جوالك ولا جواله ولا اروح اقرب محطه واشببه ..

اخوي مو شرط تكون سبب الطقة من الحساس!!

ممكن فيه عندك مشكلة غير

انا لو مكانك بحاول اعمل برمجة للسيارة

فك الالسالب من البطارية وافتح السويتش على الطقة قبل التشغيل
واشبك السالب بيدك واصبر لين تسمع صوت مثل التك تك وافصله

كرر العملية ثلاث او اربع مرات

هذا اللي شفته عمله الزول بعد ما ركب القطعة وبالتوفيق

[فارس تميم]

تم الحين بطبقهاا واعلمك ..

[فارس تميم]

جربت الحركه الي قلتلي ولا صار شي خفت بس صارتلي مره وحده والمشكله وانا اخزك موهب طقه بالقير فضاوة فجاه يفضي الموتر همن يعشق

[EMADS]

اخوي لما غيرت زيت القير... كان فيه برادة حديد؟؟ اقصد الرايش؟؟
لاني اذكر لما وديتها الورشة قاللي الزول توضيب وعشان نتاكد لازم ننزل زيت القير ونشوف فيه رايش ولا لأ

طبعا وقفت فوق راسهم واخذت الزيت وفحصته بنفسي بيدي وما ليقت فيه رايش

[EMADS]

اخوي فيه حل ثااني مؤقت

فيه زر مكتوب على O/D

اذا حسيت القير فضي معك اضغطه يشبك على طول وتضوي لمبة التحذير انك فصلت النظام وبعد ما يشبك القير ارجع اضغط الزر كمان مرة لاعادة النظام

طبعا حل مؤقت لين الله يفرجها