15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
عندي يا أخوان تاهو 2009 ls امريكي
فيه مشكله في مراوح التبريد شغاله على طول وما تفصل
وديتها لأكثر من ورشه وفحصتها كمبيوتر ولا حلت المشكلة طلع في الكمبوتر حساس الحرارة وغيرته ولا فيه فايدة غيرت بلف الحرارة ولا فيه فايده
واكتشفت بعدين لمن افك قاعد الفيوز وارجعها ترجع تمام لمدة يوم فقط واليوم الثاني ترجع نفس الشيء
الي عنده حل يفزعلنا ولا يعرف ورشه تمام يعلمنا
وجزاكم الله خير
مكشاتي متواصل
يبي لك فني كهرب شاطر
وجرب رح للوكالة اكيد راح تفيدك
مكشاتي
المشكلة امبير الحرارة يطيح وتشتغل على المراوح على طول وتشغل المكيف يجي هواء حار اما إذا فكيت قاعدة الفيوز ورجعتها تجي تمام لمدة يوم
أشكرك يزمجر على المشاركة بس الوكالة عله ولا راح يستقبلونه لأنه امريكي
مكشاتي برونزي
اخوي مشكلتك والله العالم حساس المراوح وطبعا ماله دخل في حساس الحراره حساس الحراره يقيس الحراره
بس حساس المراوح يتحكم في تشغيل المرروح تشتغل وتطفي
وشيك ع الكمبيوتر
مكشاتي
شاكر مرورك ومشاركتك اخوي مسير عليكم
هل حساس المراوح يطيح امبير الحرارة ويجعل هواء المكيف حار
مكشاتي متقدم
اخوي افصل اصابع البطاريه الاثنين معاً
لمده دقايق وكل ماطول الوقت افضل
ثم اعد شبكهما ودق اسوتش لحد ماتولع اللمبات
وانتظر ٣ دقايق لحين يتبرمج وشغل
هذا اسعاف اولي لاي مشكله
وفق الله الجميع لكل خير
مكشاتي متواصل
شيك على كتاوت المراوح
تجي في جنب الكبوت
وافحص الاديتر لايكون يهرب
مكشاتي متقدم
احتمال ان الحساس اللي ركبته مظروبالمشاركة الأصلية كتبت بواسطة هاوي الديرة 1
احتمال من اكتاوت للتبريد الامر الثالث اطلب البيانات الحيه للسياره وهي شغاله بتشوف في نفس اليانات حرارة المحرك لها رمز في جهاز الفحص ect
المراوح تبدا تشتغل على المنخفض اذاوصلت درجة الحراره 97 الى 98 وتتشتغتل الين تنخفض لااقل من 92 وبعدين تطفا طبعا في هذا الاثناء امبير الحراره ماتحرك بالرغم ان الحراره تنقص في الجهاز السبب ان التبريد في الرديتر وحساس الحراره في الماكينه مع البلف يتحكمون في درجة الحراره
انت شيك على القاعده ونظفها ببخاخ اليكترونيات زين يمكن فيها التماس معا الكتاوت لما تحمى احيان تعلق
وتجلس المراوح شغاله على طول احيانا لما يكون حساس الحراه مظروب تحصل المراوح تعلق
مكشاتي متقدم
تاكد من القاعده زين مهي توصل صح ماسنان الفيوز والكتاوت
مكشاتي برونزي
المشكلة من حساس او القراءة كمبيوتر السيارة لمن يشوف حرارة السيارة باردة زيادة عن الحاجة يقوم يطفي المكيف ويشغل المراوح ويخليها شغالة يدخل وضعية الاحترازية ان الحرارة مرتفعة والحساس معطل عرفت بس عشان كذا لازم تتأكد عن طريق متخصص لو انك حولي في الجبيل تبشر بعزك ولاكن مثل ماقال اخوي فوق لازم واحد يقراء بيانات حية من الكمبيوتر حق السيارة ويشوف وش يقراء الكمبيوتر ويعرف الخطاء او المشكلة وين وبس
مكشاتي متقدم
هذا سلمك الله والله اعلم مبرد القير علامه اعطاله
اولا لما تجئ من خط او ماشي عليه مسافه المراوح تكون سرعتها عاليه وقفه ولاتطفي ساعه اذا ما نزلت سرعه المراوح شيك على مبرد القير يمكن خربان او البلف حقه مجيم
مكشاتي برونزي
اما حساس الحرارة او البلف فيه مشكلة لا يخرج من هذين الحلين فقط تأكد وراجع عملياتك وسوف تجد الخطاء
مكشاتي
بيض الله وجيهكم جميعاً ولا قصرتوا
سؤال / هل برمجة السيارة لها علاقة بالموضوع؟
مكشاتي متواصل
عندي تاهو 2012 المراوح لما توصل الحرارة الى النص والسيارة واقفة تشتغل المراوح على السراعة الاوالى
وديتها للوكالة شرحت المشكلة وخلينها شغاله لمدة ساعة وماطفت المهم قالو تعال بكرة جيت قالو هذا طبيعي !
المشكلة معي كابرس 2006 طريقة عمل المراوح تختلف تشتغل ثم اذ نزلت الحرارة طفت والسيارة واقفة
مكشاتي
السلام عليكم ورحمة الله وبركاته
يالربع انا عندي نفس المشكلة بالضبط
وصارت شغلتي فصل البطارية وتركيبها بعد مده
المهم صارلي فوق 6 شهور وانا على هالحاله
تكفون احد يفيدنا. بحل. او اللي يعرف انقلش يبحث بالانقليزي ترا الامريكان كل شي يعرفونه
وسلامتكم
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس