"شوركم" في اختيار قصبه صيد من الشاطئ مع الماكينه

[hani 66]

السلام عليكم ورحمه الله وبركاته

مثل ماهو واضح بالعنوان .. انا جديد على هذي الهوايه وحاب اشتري لي عده خاصه فيني

وماخاب من استشار ابي شوركم ايش افضل قصبه صيد من الشاطئ ايش صناعتها وشركتها واسمها

وايش افضل الفيبر او الكربون وايش الطول المناسب .. وايش افضل ماكينه تكون عمليه وعمرها طويل

معليش كثرت عليكم انا ساكن الشرقيه بالتحديد الاحساء ياليت تزودوني باماكن بيعها حتى لو خارج

الاحساء بس تكون بالشرقيه ..

واعذرونى كثرت بالكلام والاسئله

[aalsugha]

عندك في الراكه محل الخريِف للمعدات البحريه وكيل شركة DAM عنده سنانير دام حمره تجي 11 قدم و 12 قدم ممتازه و سعرها من 200 الى 250 ريال, و مكاين دايوا BG 90 موجوده في السوق المحلي تلاقيها ب370 ريال. بالإضافه, عندي سنارة TICA 9 قدم للبيع مع مكينة دايوا جايبها معاي من امريكا اذا تبي شي مو موجود في السوق ابيع لك الإثنين ب600 ريال مع العلم انهم مكلفيني اكثر من 750 ريال بدون الشحن و الخيط. ارسل لي مسج على الواتس 0505872004

[فايز76]

لو الميزانية مو عالية بتقدر تاخد اي عصاي بس تكون كربون طول 3.6 م لغاية 4.2 م ويكون وزنها خفيف ومرونتها وسط ووزن الرمي فيها يفضل من 100 - 200 غم مع ماكينة بانكس اختار الموديل اللي يريحك بس العملي فيهم ال 7000 الذهبي بس تكون كوري والخيط تي فورس ياباني
هذول عمليين وانشاء الله ما بقصرو معك وبخدموك فترة ممتازة

[hani 66]

يعطيكم اللللللللللللللللللللللللللف عافيه اقصرتو .. في انتظار شور باقي الاخوان

[أَبوابراهيم]

اذا ميزانيتك حول 400 ريال
اي قصبة كورية مقاسها بين 3 و 5.5 تحصلها ب150 الى 200

مكينة بانكس 4000 ب130
او مكينة بانكس 7000 ب160 تقريبا

اذا ميزانيتك حول 1000 ريال راجع الموضوع
http://www.mekshat.com/vb/showthread.php?t=625895

[hani 66]

تسلم لي يابو براهيم عز الله ماقصرت

انا ناوي ع قصبه 5 متر ايش الافضل نوعيه .. وايش الافضل الكاربون او الفيب .. وكان ايش افضل القصبه الصب او المجوفه ؟؟

[أبوحافظ]

اخوي الغالي

يعتمد على ميزانيتك وعموما ما بزيد على كلام الاخوان وبشور عليك نفس اجاباتهم

مكينة بنكس 4000 او 7000 الكورية

القصبات الاكثر طلبا في المنطقة الغربية هي رويال و بايلوت التايوانية

ولكن بحكم انك من سكان المنطقة الشرقيه فاكثر القصبات استخداما

هي البركودا وال جي ام سي ايضا البايلوت والرويال لها مستخدميها بالشرقيه

طبعا كلها بتصميم التلسكوب* تلسكوبيه * مصنوعه من الكربون اللي يتميز بالمرونه العاليه والخفه للرمي مسافات طويلة

اما الفيبر فهو اقوى واقل مرونه وله استخدمات اخرى

وننتظر افادات الاخوان للمزيد من الفائده