تعطل طرنبة فورد اكسبيدشن2006

[وجعين]

السلام عليكم ورحمة الله وبركاته

للمره الثانية تتعطل طرنبه البنزين المره الاولى طقيت التانكي وشتغلت وهذه المره تكسر التانكي من الطق مافيه فايده قلت خل أعبي جركل بنزين لآني خابر الموتر مايتعطل الأ اذا كان البنزين على الربع وعبيت بدون فائده من بكرى الصبح شغلت اشتغل الموتر مع العلم ان الموتر صافي لافيه تقطيع ودي أغير الطرنبه بس احس ان مابه خلاف وان العيب مصنعي يعني حاجه تعلق بطرنبه وتمنع وصول الكهرباء ولا وش معنى اذا ضربت التانكي يشتغل الموتر . نبي السبب والحل لمن لديه الخبره في موضوع الطرنبات سواء فورد ولا جمس الظاهر المشكلة وحده





..(( لا إله إلاّ الله ))..

[القرناس 97]

السلام عليكم
اخوي موتري 2006 حصل مع نفس المشكلة غيرت طرمبة قبل 3 سنوات والموتر يشتغل 5 دقائق ثم يطفي بعد فصح الكهربائي اتضح وجود منظم بحجم كف اليد اعلى الكفر الايسر الخلفي غيرته واختفت المشكلة
نصيحتي افحص هذا المنظم يمكن تكون منه المشكلة
(الان دور مشكلتي 1- المكيف الامامي لا يعمل 2- الدبل علق معي وغيرت الدينمو حسب مركز متخصص في الفورد بجده ، وللأسف ما جربته في المركز ، يوم من الايام شغلته وعلق معي ثم فصلته لاني بعيد عن المركز )
المعذره انت طرحت مشكله وانا طرحت ثنتين
ارجو من الجميع التعاون معنا لاني عزمت على بيع الموتر

[وجعين]

جزاك الله وبشوف المنظم الي انت تقول، بنسبه لدبل انتبه تعشق الدبل الثقيل حصلت معي هذه المشكله وحله بسيط ارجع ورى وينفك الدبل الدبل الثقيل فيه خلل مصنعي انا اروح على الموتر لدهناء وكم مره أغرز وعشق الخفيف مع التنسيم وطلع مثل ماقلت لك عشق ريوس ورجع اشوي ويروح التعليق ان شاء الله المكيف وما ادراك ما المكيف أردى تكييف بسيارت مر علي هو مكيف الاكبديشن تبريد تعبان ، المكيف الأمامي أكيد عندك المروحه الي تدفع الهواء يا خربانه يا منقطع فيوزه هذا الي عندي ولا نستغنى عن آراء إخواننا