مشتاقين للسوودان

[عضوان]

السلام عليكم ورحمة الله بركاته
تحية من صياهد رماح لكافة اعضاء هذا المنتدى العضيم الحقيقة لي سنين أتابع ساحة الصيد في افريقيا و الرحلات في المنتدى من صور قنص ورحلات ممتعه
قررت ان انتهز الفرصه للذهاب الى براري السودان الجميله المليئه بالصيد والمناظر الطبيعيه
واللي وده نروح سوى ترى ابرك الساعات يرفع يده ولا يغمز بعينه

[جذآآآب]

والله معاد فيها صيد حسب كلام الاعضاء الي زاروها

والاسعار تقل اسعار محميات من الغلا الفاحش

[المزاول]

مساء الخير
اخوي عضوان
انتبه
انتبه
انتبه
وانا اخوك لا تاخذ على كلام السودانيين وخاصه اللي شرق السودان ترى يخلون لك البحر طحين ويوعدونك بكلام وتجي تلقى كلام ثاني والهدف استغلالك
انا ما اقول لا تروح
رح والله يستر عليك لكن لا تمشي الا وانت رايح لرجال شرواك
وانا والله ناصح لك ولاخواني اللي هنا
والله من وراء القصد

[صارم حرب]

ﻻتروح الحين أنا بالسودان مافيه شي يستاهل

[مخاوي الليل1]

[center][SIZE="5"][COLOR="Indigo"]

السلام عليكم ورحمة الله وبركاته

زي مقال خوي ( المزاول ) وخوي ( صارم حرب )

وقت السودان راح المفروض قبل 20 يوم

والله يوفقك ويسهل امرك يالغالي

اخوك
مخاوي الليل

[جذآآآب]

صارم حرب

بشر عسى الاخبار زينه فيه شي يستاهل والا لا

[صارم حرب]

جذاااب يسعد مساك والله ياخوك نصيحتي ﻻتروح الحين قليل جدا الطير وأكثر الصيد وهو طاير كان تجيد الصيد طاير تجيب غداك وعشاك واكثره بالغابات وصعب الوصول له بالسيارة

[عضوان]

ماقصرتوا يا اخوان ولكن كلامكم هذا لي 15 سنه وان اسمعه والناس رايحين جايين ولكن اقول الله يعطيكم على قد نياتكم والامور طيبه والمعارف كثير ولله الحمد والصيد يكفينا اقل القليل والساكني عندي اطيب ولكن الدعوه ونسه وانا معجب ببراري السودان حتى لو ماحصل صيد والدعوه لازالت قائمه للنشاما

[بدوي502]

والله ياعضوان انصحك بمصر

جنوب مصر راح تلقى الخير

[ابو مؤيد_944]

والله ما انصحك بالسودان اذا ما تعرف احد هناك معرفة ثقة ثقة
غالين بالحيل و يستغلونك لابعد حد
توني جاي قبل اسبوعين
قابلنا شباب واحنا ماشين للخرطوم تعرضوا لانواع النصب و الابتزاز انضحك عليهم بالغصب ما يعرفون
احد ولا يدرون وين الله حاطهم
سلمناهم لخويانا السوادنه وضبطنا لهم الامور وان شاء انهم انبسطوا

عشان كذا جنوب مصر افضل بكثير و اوفر حسب ما سمعت والامن افضل بكثير

[ابو مؤيد_944]

اذا كنت تسأل عن افضل وقت لصيد القمري فهو الآن من بداية ابريل الى ٢٠
الرهو خلاص بح
باقي الصيد ضبي و ارنب طوال العام

[نجم4]

والله يا اخوان للأمانة
انا لي اكثر من 9 سنين اقنص السودان وفي خلال 3 السنوات الماضية يادوب نقدر انجيب حق غدانا ولا عشانا وفي ايام ما انشوف الصيد ل3 و 4 ايام ونعود نشتري حق عيشتنا , عدا عن الإستغلال من السودانيين مادياً .
يا اخوان نصيحة السودان ما عاد يصلح للصيد والوناسة .
انا اتحدث عن صيد الغزلان .