تجربة تركيب شاشة معلومات للهايلوكس

[أبو مسفر]

السلام عليكم
انا شريت هايلوكس 2013 وفكرت جدياً بدرجة الحرارة مع اني اقدر اركب مراية جمس ام بوصلة وحرارة وتعتيم لكن قلت هاذي اسهل
ورحت لتشليح العجلان في بريدة وشريت الساعة ام لوحة معلومات والتشاليح مليانة
واخذت معها الحساس حق الحرارة
وانا ادوج في الهايلوكسات حصلت اللي ساعتها عايدية فيشها صغير وملفوف بالخلف فيش اكبر بشطرطون
واللي ساعتها فيها شاشة معلومات العكس

واشتريت الساعة وفكيت الديكور مع المسجل وما خذ معي نصف ساعة فقط كبس بدون مسامير
المسجل فقط هو اللي له مسامير ويجب ان تستعمل سكروب براس مغناطيس علشان يمسك المسامير وما يضيعن
يمكن اكثر شي يضايقك هو ضيق مكان ادخال واخراج الساعة القديمة وتركيب الجديدة فقط
والصور مرتبة توضح لكم ان شاء الله































هاللي انا مأشر علي باصبعي هذا فيش الشاشة
تلاحظون انه اكبر من فيش الساعة مشرطن ومثبت بالخلف
فكه واشبكه بالشاشة

يتبع

[أبو مسفر]

وهذه الصور تابعة للموضوع أعلاه






















وهذا فيش الحساس جاهز ومشرطن بين الشبك والاديتر
فك شطرطونه واشبك الحساس
ملاحظة حساسات جميع سيارات تويوتا نفس الشكل



وهذا مكانه الصحيح على الحديدة اللي بين الشبك والاديتر






وأخيراً : صراحة الشغلة ما ضبطت 100%
لأن جميع بيانات الشاشة لم تعمل فقط درجة الحرارة ضبطت وتعطي قراءة حقيقية جداً
ولكنها تومض باستمرار وهذا هو العيب
انا ما تهمني حميع البيانات مثل ما تهمني درجة الحرارة

ولعل الاخوان ان شاء الله يطورونها باكتشاف الخلل

واشكر جميع من مر على الموضوع وعلق عليه

[111 أبو ضيدان]

وعليكم السلام ورحمة الله وبركاته

ما شاء الله تبارك الله وش هالزين يا أبا مسفر الله يعطيك العافية شغل مرتب ومتعوب عليه وهذا موضوع كنت أبحث عنه وجابه الله جزاك الله خير والله يجعله في موازين حسناتك وبالنسبة أنها ما أشتغلت ١٠٠٪ هذا مو عيب يكفي أنك فتحت باب التجربة والأخوان ما يقصرون في إصلاح بعض الأخطاء وفي النهاية نخرج بنتيجة سليمه ١٠٠٪ وأشكرك أخي الفاضل على طرح الفكرة

تقبل مروري أخوك في الله / أبو ضيدان

[ابواحمد3]

شغل اكثر من رائع ومبدع ...للأسف مع ابوجميل الهايلوكس مجرده من كل المميزات.

[بدوي جنوبي]

تتغلى علينا يبو مسفر بالمواضيع
متى اخر موضوع نزلته الله يجزاك خير




لكن راح اقيم الموضوع وأميزة



كم عندنا ابو مسفر
مافى الا واحد

[أبو مسفر]

اخي ابو ضيدان
معظم الاعمال واحسنها هي التي لا تكون فردية
بل العكس اذا كان هناك عمل جماعي وكل فرد يسهم بجزئية يكتمل العمل ويكون متكامل
انا واثق ان شاء الله ان فيه بعض الاخوان سيكملون التجربة لتخرج بشكل مرضي جداً .

بالنسبة لسعر ساعة شاشة المعلومات ان كان مانيب واهم فهي بمية وخمسين

[أبو مسفر]

تسلم يابو احمد
سيارتي بريمي دبل
وما لابو جميل دخل في هالمواصفات هاذي سياسة الشركة جميع الهايلوكسات اللي دبل ما فيهن شاشة معلومات .
بل العكس الآن مواصفات ابو جميل اصبحت منافسة ما عدا مواصفات الكويت .

[أبو مسفر]

يا هلا ومرحبا في مشرفنا الغالي بدوي جنوبي
والله هالمنتدى الرائع استفدت منه الشيء الكثير وصحيح اني مبطي عنه لكن اول ما افتح الكمبيوتر مكشات من اول المواقع اللي اتابعها .
الان عقب هالجوالات الذكية صار استعمالنا للكمبيثوتر قليل .

الله يرفع مقدراك ياخوي يابدوي جنوبي ويوفقك وجميع الاعضاء مجرد مرورك وتعليقك هذا اكبر تقييم وتمييز .
اشكرك واشكر الاخوان جميعاً .

[ابونبيل]

ماشاء الله عليك

انا احسب السلك الي ورا الشبك حق بوري ثاني زين ما تهورت وركبت عليه بوري هههه

[أبو مسفر]

هلا ابو نبيل
سلك البوري الثاني هو نفس فيش البوري الموجود عندك وشغله سهل فقط اشتر بوري يسار وركبه انت
أما فيش الحساس يختلف عن البوري

[ابونبيل]

طيب كن قيمة حساس الحراره
وكم كلفتك الساعه من التشليح؟

[فارس العمور]

شغل ممتاز
اتوقع لو تركب كممبيوتر عاديه بيضبط كل شي والله اعلم

[alsagr]

السلام عليكم ورحمة الله وبركاته
انا سجلت في المنتدى خصوصاً لهذا الموضوع فشكراً لصاحبه
بعد السؤال والتجربة تبين أن الشغلة بحاجة لطبلون ليزر
حتى تضبط 100%

[بدران الدوسري]

أخوي ابو مسفر شاكر لك موضوع الجميل

سؤال شاطح شوي بالنسبة لليو أس بي مخرجين والولاعتين وين حصلتها فيه

لو ألقى مثلها بنفس لون الوكاله كان ياسلام

[ساحق البارود]

للاسف ماضبطت معي ماحصلت فيش حق الحساس عندي فيشين فقط فيش حق البوري الثاني وفيش ثاني صغير دخلته في الحساس وللاسف ماشتغلت عندي درجة الحراره ،،ياليت تفيدني ولك الشكر