محتار في الباجيرو وطالب مشورتكم

[شفاف الشفاف]

السلام عليكم ورحمة الله وبركاته

محتار بين الباجيرو & راف فور
ادري فيه فرق بين السيارتين لكن ابي أتكلم من حيث الميزانية ( المبلغ ) المتوفر عندي
الراف فور 2014 4 سلندر فل تقريبا 112
الباجيرو 2014 6 سلندر فل نفس السعر 112 خليجي

كيف الباجيرو مع المطب ؟؟ وصرفية البنزين ؟؟
لأني متعود على صرفية ال 4 سلندر
وش بنزينه 91 لو 95 ؟؟
وكيف عزل الصوت ؟؟ والسيارة بشكل عام ؟؟

[الذئب الاليف]

وعليكم السلام ورحمة الله وبركاته

الباجيرو اطيب من الرافور

واذا دراهمك نقد عندك البرادو او الكستيرا

والاحسن دورك جي اكس نضيف لك ولزمن

واخيرا باترول 2009 نظيف تلقاه بهالقيمة

اذا بتحيروه خيره ....ههههههه

الله يرزقك من حيث لاتحتسب

[شفاف الشفاف]

حياك الله يخوي ( الذئب الأليف )
البرادو موتر لكنه غالي اقل فئة بـ ١١٥٩٠٠
وقير عادي مكينة هايلكس ٤ سلندر ٢٧٠٠ سي سي
وبدون اكسسوارات

والجي اكس آر موتر لكن ٢٠٠٩ اشوي قديم

ولا رغبة لي بالنسيان
وشارك لك الرد ��

[سحابة غائمة]

اذا تبي نصيخة اخو اشتر باجيرو سيارة قوية وماتطلب قطع كثير وصرفية البنزين معقولة ومواصفات افضل وفيه الباجيرو السبورت افضل وافضل واي استفسار انا حاضر

[hadaj]

انحش من الاثنين مثل ماتنحاش من الاسد
دور لك موتر يطربك ان كانك راعي بر واذا راعي بلد فكله واحد

[مفضخ الشري]

الباجيرو ممتاز وسعر مناسب لكن اتوقع قريب يتغير شكله من 2008 وهو نفس الشكل
و الوكيل حق ميتسوبيشي العيسائي سيئ بمعنى الكلمه

[DAWRD]

وانا أخوك أنا معي الباجيرو وإذا قارنتها بالراف فور أو الإكستيرا كأنك تقارن همر بددسن غمارة قديم
الباجيرو موجود فيه دفلوك
تراكشن
Abs
الفل كامل 3.8 حوالي 270 حصان وقيمتة 112 الف ولو تروح الامارات ممكن تلقاه ب 105
عيب الباجيرو من وجهة نظري إرتفاع أسعار قطع غيار البدي وقساوة مطبة ولا أقدر أحدد هل الكلام هذا واقعي او لا لأني شاريه مركب له مالكة السابق يايات استرالية لكن مشتهر انه قاسي .
إذا يسر الله لك تشتريه تراه أفضل من البرادو والسعر فرق السماء 105 وين و195 أنا اتكلم عن الفل كامل
البنزيم حقة 95 وصرفيتة معقولة جدا وتعبية فاضي ب50 ريال
العزل لك عليه لكن مقابل اللي راح تحصل عليه بهالسعر أعتقد مغري جدا جدا المرتبة الاخيرة فيه رائعة تختفي تماما تحت في الشنطة
واحد من عيوبة القليلة مقارنة في السعر الباب الخلفي يفتح من جهة واحدة بشكل كامل