استفسار عن شهر العسل بـ ابها والطرق الوعره

[طلال القنوعي]

السلام عليكم ورحمة الله وبركاته


يا اخواني انا ملكتي هذا الاسبوع و زواجي بيكون بعد سنه في العطله الكبيره لعام 1436 او في عيد الفطر .. المهم انا قد جيت الجنوب 3 مرات مرتين نجران مره ابها وكلها مع كداده ماكان معي سياره .. وانا من الرياض وامتلكت سياره من 3 شهور والاامور تمام .. اوقات افكر نفسي في ابها بس اشوف فيها طرق وعره وتخوف زي فالسوده والحبله مع انها اجمل الاماكن با ابها و الوالد دايم يحذرني من طرق الجنوب انها وعره بس انا في بالي اروح وحاط كلام الوالد ببالي لاني شفت طرق فعلا وعره .. انا ابي نصائحكم ودي تقولون البرنامج الافضل لشهر العسل مع العلم الزواج بيكون بالرياض؟









في ناس قالوا من الرياض لابها بالسياره وبشهر عسل صعبه بطياره افضل وانما افضل الطياره بس بتواجهني مشكلة السياره وش اسوي ؟؟؟










وابي تقولون لي اماكن حلوه داخل ابها تعوضني عن السوده والحبله لو الطرق المؤديه لها وعره ؟









وحاب اضيف شي انا ولاعمري سقت السياره بالسفر لان صار لي اسوقها 3 اشهر وبالرياض وسط زحمتها هل بعد سنه اقدر ومع التمرس اني اسافر مثلا من الرياض لابها ومن الرياض لمكه وزي كذا ؟







او احتاج اسافر اكثر من مره عشان لاجاء شهر العسل لما اسافر حاجز الخوف من قيادة السياره يروووح ؟؟








تكفووون لاتخلوووووني ساعدوووني وانصحوووني ونصائحكم بنفذها بحذافيرها الله يسعدكم يارب

[طلال القنوعي]

ارجو الرددددددددددددددددددد

[كــحــيــلان]

الله يوفقك و يجمع بينكم في خير

بحبحها شوي

معرس و تمسك خط ما تجي

عليك بالطيارة و أستأجر سيارة 70ريال أحجز أصغر و أرخص سيارة

و دلع نفسك يا حلو

أبها في الصيف ما تفوت

تحياتي،،،

[وليد الرشيدي]

اذا بتقعد شهر في ابها .....ترى تكاليف تطلع عليك غاليه مررررررره .....وانصحك ابعد عن السفر بلسياره لانك مبتدأ ولا تخاطر بروحك وروح حرمتك .....انا عن نفسي انصحك تاخذ رحلة سياحية من اي مكتب سياحه وبأسعار ممتازه ....مثال تطلع ماليزيا يوفرلك المكتب السكن والتماشي والسواق والفطور ....

انصحك نصيحة ابعد عن الطرق الطويله مافيها خير خاصتن انت توك معرس ......وتكاليف اسبوع في ابها تساوي تكاليف شهر في جاكرتا .


ابها مرحبا الف والشقه بألف ههههههه ......جاكرتا مناضر طبيعية شلالات رخيص السكن عندهم تاخذ فله ب 280 في اليوم وسائق تحت يدك من الصباح الى الليل تكلفته في اليوم 150ريال واجواء رائعة

[وليد الرشيدي]

السلام عليكم ورحمة الله وبركاته

حبيت اقدم لكم سائق و في نفس الوقت مرشد لرحلات في اندنوسيا من جاكرتا و الجبل بونشك
لأني من الناس إلى تعبت في البحث على سائق يفهم لغة و يكون شخص يعتمد عليه
و ما اخفي عليكم صارت لي مشكله مع أحد السائقين

المهم هذا السائق اسمه اندي مكاوي رقمه 006281318137582
بصراحة سائق ممتاز جداً و ممكن ينصحك و يشوف لك سواق في بالي و غيرها قمة في الادب والاخلاق والامان

[وليد الرشيدي]

منقول من اخونا الرحال والله يوفقك ومبروووووك مقدما

[طلال القنوعي]

انا باخذ 3 ايام تقريبا في ابها من الرياض الى ابها طائره وبستاجر سياره من المطار كذا افكر


انا افكر على شي بعيد يعني بعد سنه يمديني صرت طاره وغيرت رائيي بعد

[طلال القنوعي]

اذا بتقعد شهر في ابها .....ترى تكاليف تطلع عليك غاليه مررررررره .....وانصحك ابعد عن السفر بلسياره لانك مبتدأ ولا تخاطر بروحك وروح حرمتك .....انا عن نفسي انصحك تاخذ رحلة سياحية من اي مكتب سياحه وبأسعار ممتازه ....مثال تطلع ماليزيا يوفرلك المكتب السكن والتماشي والسواق والفطور ....

انصحك نصيحة ابعد عن الطرق الطويله مافيها خير خاصتن انت توك معرس ......وتكاليف اسبوع في ابها تساوي تكاليف شهر في جاكرتا .


ابها مرحبا الف والشقه بألف ههههههه ......جاكرتا مناضر طبيعية شلالات رخيص السكن عندهم تاخذ فله ب 280 في اليوم وسائق تحت يدك من الصباح الى الليل تكلفته في اليوم 150ريال واجواء رائعة

اخ وليد كلامك اني اخاطر بروحي وبحرمتي هذا فكرت فيه كثييييييييير وفكرت من ناحيه ثانيه وش ذنبي احرم نفسي واحرمها ؟ دامنا بشهر عسل




انا خلاص حددت اروح بالطائره من الرياض الى ابها لبعد المسافه وصعبه عرسان ويمسكون خط واذا جيت ابها بستأجر سياره .. صرت محتار اخليها تمشيه داخل منتزهات ابها يعني ما اطلع لسوده والحبله لان يقولون الطرق وعره وتخووف

[الوقيدي]

السلام عليكم أنا من أبها ماعندنا الا طلبه الله حجروصخور وبلك فقط فقط فقط فقط وطرق محفره وساهر ينتظرك في كل مكان . الخساره في ابها بتقضيها في جنه من جنات الله في دول اخرى . ادر البوصله نحو ماليزيا او اندونوسيا . معزم اتجه لتبوك والشمال . او مكه والمدينه .مرحبا الف والشقه بالف . زواج سعيده وحياه طيبه بعون الله .