طريقة الصيد بالبوبر

[netbeans]

السلام عليكم ورحمة الله وبركاته
ممكن طريقة الصيد بالبوبر بالتحديد طريقة السحب وطريقة ربطها بالخيط هل يركب معها ثقاله ام مثل الجينجر

[أبوحافظ]

اقتباس من موضوع اخونا مهند راح يفيدك ان شاء الله

- البوبينج:
من امتع الطرق لصيد الدواهيييييييييييييييي خصوصا مع التونة والجرم..
البوبينج هو استخدام طعوم صناعية خشبية أو مصنوعة من مواد تحافظ على الطفو..
يعني الشغل كلو على وش الموية.
فين استخدم هذه الطريقة وكيف وايش يعني؟
طيب نقدر نستخدم هذه الطريقة في العواري وعلى الجدرة..كيف؟
تقرب من الجدرة بقدر كافي (خلي بينك وبينها من 50 الى 100 متر) وباستخدام القصبة والماكينة ترمي البوبر على الجدرة في مكان كسرة الموجة يعني على اولها ولاتخاف مافي لحاج لأنها تطفو.. طبعا الجروم والدواهي دايما تكون على حروف الجدرة تنتظر اكلها من الاسماك الصغيرة فلما تشوف البوبر تتجن وتلاقيها جاية طاااايرة على البوبر لأن البوبر رأسه مقعرة لما تشدها تعطي صوت يستفز ويجذب الاسماك وتسوي طرطشة وفقاقيع مو طبيعية فيدخل عليها الدواهي بمجرد انك تسحبها وتعديها من حرف الجدرة (الفيديوهات حتوضح طريقة الصيد اكتررررررر) ونصيحة حتلاقي عند الجدرات يوجد اماكن فيها مدود (تلاقي حركة الماء في منطقة كأنها دوامات غير باقي البحر) ارمي في هذه المناطق لأنها اكتر مكان فيه اللعف والاسماك الصغيرة وطبعااااااا تحتها يكون الوحوش.
انا استخدم بوبر احجام من 60 جرام الى 150 جرام وماليها الوان مفضلة بس حاول انك تغير كل شوية لون حتى يجيك رزقك وجرب اكتر شي الالوان الغامقة..
ممكن تستخدم هذه الطريقة في الغزير لما تلاقي الطيور متجمعة في منطقة والحوت على وش الموية ارمي في وسط الحوت وان شاء الله في المليان..
الاسماك المستهدفة كتير.. اكتر شي البياااض بأنواعه والعقام والثمدان والتونة والبهار والناااجل والترباني..
*ملحوظة مهمممة: عدم المجازفة لو الامواج مرتفعة وتقرب من الجدرة لخطوووورة ذلك
نستخدم على الماكينة الخيوط الحرير لعدة اسباب وهي:
*الخيط الحرير أقوى في التحمل من النايلون وأصغر في السمك بمراحل(يعني تحط على المكينة كمية كبيرة عشان الحوتة لو كبيرة تاخد براحتها).
*امكانية الرمي لمسافات أبعد عند استخدام الخيوط الحرير.
*الخيط الحرير غير قابل للمط يعني يعطي الطعم الحركة المثالية.
*طبعا بين الخيط النايلون والطعم نضع توصيلة (2متر) فقط بخيط نايلون (مقاس 100) هي اللي نربط فيها البوبر لامتصاص أول صدمة لما السمكة تخش عليك
* أفضل مقاسات للخيوط الحرير لطريقة البوبينج في بحرنا من 60 ليبرة الى 80 ليبرة
من افضل البوبارات اللي استخدمتها:
river2sea
halco
heru
وهذه صورة لألوان واشكال البوبارات اللي اتكلمت عليها والشركات التي ذكرت اسمها..



من أفضل الشركات لتصنيع عدة البوبينج:
shimano-daiwa

بالنسبة للقصبات:
دايما تجي قطعتين وطولها يكون من مترين الى 3 امتار لأسباب:
1-القدرة على الرمي لمسافات بعيدة.
2-ارتفاع القصبة يساعد على تعويض الارتفاع عن الماء عند الرمي لأنه يجب ان تحافظ على انك تخلي مقدمة القصبة للأسفل امامك عشان تخلي رأس البوبر غاطس في الماء وبذلك تصدر الاصوات المطلوبة لاستفزاز السمكة وتستطيع بذلك اخراج اكبر كمية فقاقيع لتغطية الطعم.
وتتميز قصبات البوبينج بقوووووتها وخفة وزنها..
نحتاج لقصبات تستحمل خيوط من 60 ليبرة الى 100 ليبرة.
وكذلك تكون القصبات تستحمل بوبارات بأوزان من 100 الى 200 جرام
أما الماكينة:
اهم شيء في الصيد بهذه الطرق ان تكون المكينة أصلية ومن شركة معروفة عشان تتحمل معاك وتتحمل الاسماك الكبيرة بدون أي معاناه او صيانة وتغيير قطع.
*وفي البوبينج نحتاج لماكينة سريعة في اللم (gear ratio) من 5:1 الى 6:1
والمقصود بها عدد لفات بكرة المكينة مقارنة بلفة ذراع الماكينة (كيف يعني؟؟)
مثلا مكينة سرعتها 5:1 معنى ذلك انك لما تلف ذراع المكينة مرة واحدة يصاحب ذلك 5 لفات للبكرة الملفوف عليها الخيط.
طيب ليش في البوبينج نحتاج السرعة هذه؟
ج- 1-عشان نقلل من الارهاق والجهد
2- عشان مانعطي السمكة فرصة للتعرف على الطعم الصناعي
3- عشان نحرك الطعم بسرعة لنحصل على اكبر قدر من الاصوات الجاذبة للاسماك والحصول ايضا على اكبر قدر من الفقاقيع اللي تغطي البوبر وتجعل من الصعب التعرف على الطعم الصناعي
*من المهم ان تكون المكينة خفيفة في وزنها عشان مانتعب بسرعة ونقدر نتحكم في حركة الطعم بسهولة
*ان يكون (max. drag) وهي قوة تحمل الماكينة لاتقل عن 15 كيلو أو 32 ليبرة لتحمل الاسماك الكبيرة
* ان يكون في الماكينة عدد كافي من ال(ball bearing) وهي اجزاء داخل المكينة تحافظ على نعومتها عند عملية اللم وايضا تحس بهذه النعومة لما السمكة تسحب خيط وتجري ويكون بالقليل وجود 6 في الماكينة .
*ان المكينة تاخد كمية خيط مناسبة أقل شي 250 متر عشان الحوتة لو كبيرة وتبغى تاخد خيط وقتها خليها تاخد وانت مرتاح ان الخيط مايخلص .

طبعا في تساؤلات كتير فأرجو عدم التردد بالسؤال عشان نجمع اكبر معلومات ممكنة والكل يستفيد وانتظر ردي على طول ان شاء الله..
ندخل على الفيديوهات وان شاء الله توضح اشياء كتير ويارب تعجبكم.

أول فيديو لماجد رضوان وتسحيب بياض كسرر ومحدثكم مهند وجررررم


ومعاكم سامح غزال وتسحيب جرم من أول ماضرب



احمد فهيم وبياض كسررررر


واخيرا محدثكم مرة اخرى وجرم وححححححححشششششش 16 كيلو بهدلني عشان يطلع





الرجااااء عدم الرد حتى يكتمل الموضوع

[netbeans]

معليش ما فهمت ايش هيه حروف الجدرة وما هي منطقة الحوت

[netbeans]

ممكن كمان هل الخيط فيه ثقالة

[أبوحافظ]

البوبر بدون ثقالة اساسا هو يطفو على سطح البحر وله وزن
ومع السحب يصدر فقاعات وطرطشة في الموية وايضا اصوات اضافة
لوجود رمانات بالداخل تعطي اصوات لجذب الاسماك

[SIZE=5]
===
تفسير المصطلحات حسب اجتهادي
الجدرة : الحرف .. حرف الشعب .
الخضرة : خضار البحر يعني العمق اللي يكون لون البحر فيه أخضر ( في حدود 15م وما دون )
المشكاك : هي المشكات ( شك الحوت بالمشك بالليل مع الأتاريك )
محبك
أبو محمد

[netbeans]

تقصد بالحرف الكسارة يعني المنطقة الي تكون فيها هاوية هوه يقول على الجدرة في مكان كسرة الموجة يعني على اولها ولاتخاف مافي لحاج لأنها تطفو اتوقع المكان الي تتكون فيه الموجه سؤال كمان هل للصيد في الصباح فقط لاني رحت بالليل ما حسيت انه ينفع ثاني شئ بدون ثقالة ما ترمي بعيد

[أبوحافظ]

ممكن البوبر اللي معاك وزنة صغير جرب تحط ثقل كروي من ناحية راس البوبر
او الخيط يكون حرير مقاس صغير 0.30 mm ويكون يتحمل وزن 60 lb على الاقل

اما الصيد في النهار عموما في السقالات او مداخل الاخوار

والافضل لما تشوف ضرب السردين في البحر ارمي عليه والنتيجة افضل

اما الليل صيدة يكون قليل وفيه جريرة خاصه بالليل تنباع

بالنت لكن بشكل عام الصيد في فترة النهار وحتى قبل المغرب افضل شي

هذا ما عندي من معلومات

واتمنى اشوف اضافات من الاعضاء

[أبوحافظ]

شوف الجريرة والادوات المستخدمه في هذا الموضوعين

http://www.mekshat.com/vb/showthread.php?t=587026

http://www.mekshat.com/vb/showthread.php?t=598760

[netbeans]

كم تتوقع سعر الواحدة