مغرز واكتب لكم من قلب الحدث

[طير ابابيل]

السلام عليكم

اسعد الله صباحكم

اكتب لكم الان من موقع الحدث �� مغرز في سبخه من اول الليل وفي مكاني الى الحين وشكلي ريض بعد .. السيارة هايلكس دبل

هذه صورة السيارة والمعذرة ما قدرت اصورها كاملة لكن جميع الكفرات نفس الصورة.. الموقع طريق الدمام الرياض السريع 50 كيلو من الدمام.. جنب الشبك

تتوقعون بتطلع السيارة بدون سحب ؟ وهل اذا طلعت الشمس بينزل الماء وتقوى الارض ؟ وبماذا تنصحوني جزاكم الله خير

الصورة في الرد التالي لانها كانت كبيرة وقام بتعديلها الاخ dhoomi مشكوراً

[dhoomi]

عليكم السلام وصباح الفُل والرواقه اللي انت به ههههههههه
الله يكون بعــونك! عسى بس مانت لحالك..؟
صبخه وتبيها تنشف ماظنتي يبيلها وقت والحقيقه الكفر غاطس كثير أكثر من نصفه لازم تساعد الموتر بالسحب

ومعذرة منك تم تصغير الصوره ورفعها من جديد :

[طير ابابيل]

شكراً يا دحومي واسعدتني مشاركتك وتعديلك للصورة لان حجمها مزعج صراحه.. لا زلت في الموقع مقابل سيارتي بجوالي على حالي من 5 ساعات والله يفررررجها

[أبوسعد111]

يا أخي
لازم تحط تحت الكفر شئ يستند عليه
حتى لو قطع فرش السيارة (الدعاسات)

والافضل
إتصل على أمن الطرق 996

الله يفرج كربتك

[مفضخ الشري]

لحالك ولا معك احد ؟

لا تحفر ولا تجهد عمرك دق على امن الطرق 996 الطين اقشر لا قعد الموتر قعد

لا دقيت على امن الطرق قل لهم معي عايله تراي مجربهم قبلك قال معك احد قلت لحالي و سحبو علي الظاهر قالو دامه لحاله يخارج روحه

الله يعيننا وياك

[الدوسري2010]

ياليل الليل اعلومك عساك طلعت ههههههه

[moad3]

الله يكون في عونك يارب

ويسهلها عليك

لكن بشرنا عنك هل طلعت ولا لا

نتمنا لك السلامه يارب

[ahmedok]

السلام عليكم اخوي طلعت او اجيك حدد موقعك وابشر بسعدك

[مطر وسم]

السلام عليكم اخوي طلعت او اجيك حدد موقعك وابشر بسعدك

هذي افعال تميم ونعم

[ahmedok]

هذي افعال تميم ونعم

نعم بحالك اخوي ماعليك زود

[عادل adil]

السلام عليكم اخوي طلعت او اجيك حدد موقعك وابشر بسعدك

اخوي انت اول من عرض مساعدته للأخ طير ابابيل .ويشهد الله اني دعيتلك ووالله اني تحمست يومن قريت كلامك .كلام رجل بماتعنيه الكلمه وليس غريب عليك ياتميمي الفزعه

[ahmedok]

اخوي انت اول من عرض مساعدته للأخ طير ابابيل .ويشهد الله اني دعيتلك ووالله اني تحمست يومن قريت كلامك .كلام رجل بماتعنيه الكلمه وليس غريب عليك ياتميمي الفزعه

جزاك الله خير وماعليك زود اخوي

[ابوهايلكس]

االله يعينك ليش المغامرة هذي ما كفتك الطعوس تطب بصبخه ههع الله يعينك بس

[طحنون]

اقول وش صار طلعت او باقي
قريب من اذا انت قبل كبري صلاصل او عند ابوالدفوف او لمعه

[الشرقيه 03]

توني اشوف موضوعك والامور سهالات ان شاء الله

يالغالي واحد عجمي من ربعنا طالع من عين دار موجة اتجاة الدمام الحين
اذا باقي موترك مغرز
اتمنى ترد علي يا خوي

بانتظارك