أستفسار : مكينة أرمادا على باترول

[الهاجري 4800]

ههههههههههههه والله يا أن حظ طير شلوى مدري وشهو قايل يوم رد بو حازم أختفى طير شلوى الحين لو شاف بو حازم بينبسط على هالمعلومات الي طرحها اخونا بو حازم

[Tyer_shalwa]

السلام عليكم أخواني

أنا أخوكم صاحب الموضوع الأجنبي، المكينة إلى الآن ما اشتغلت وأنا وراها وراها لين تشتغل، كل السنسرات الحمد لله اشتغلت باقي سنسر التشغيل الرئيسي عند الفلايويل.

المكينة معجب بها شخصيا ومخطط أركبها من 2009 قبلما أشتري النيسان حقي حتى، وحاليا متكلف ما يزيد عن 50 الف ريال سعودي ومستعد أستمر في الدفع لين تشتغل ويمكن تشتغل لو ربكم سهل خلال هالأسبوعين القادمين بإذن الله.

المكينة أقوى عزم وحصان من مكينة 6.2 خصوصا من 1000-4200 دورة في الدقيقة حسب قراءات الداينو وأفضل بكثير من LS1، وفي لها أغراض تزويد وستروكر وفي أمريكان كثير طلعوا منها فوق 1000 حصان بالراحة وفي واحد مخرج 2600 حصان للدراج ريس.

المكينة ارتفعت شعبيتها كثير في أمريكا كمحرك مثالي لسيارات الدرفت ويركبوها على جير الزد في الزد القديم والجديد وفي السيلفيا وحتى في السكايلاين للدرفت، وممكن تبحثوا في اليوتيوب Vk56 وتشوفوا الفيديوهات. وتمتاز عن مكاين الأمريكي إنها تقنية حديثة واستجابتها سريعة كونها 32 صمام مقابل 16 صمام في الشفر و4 كامات بدل 2 كام. وهي مستخدمة في نيسان جيتي آر GT1 لسباقات التحمل في Le Mans ونسخة مصغرة 5.0 لتر في ألتيما في سباقات أستراليا سوبركارز V8.

اللي ماعنده نية يخسر يبتعد عن المكينة ويشوف الخيارات الأسهل، أول من ركبها قطري في 2006 على نيسان 93 وضبطت في 2007 بس انقلبت وتكنسلت سيارته في حادث، كثير من اللي يشتغلوا عليها يحولوها إلى نظام الثروتل المستقل للبساتن ITB تقريبا كفكرة كاربريتر الكتروني ويطلعوا منها تنفس طبيعي مابين 600-790 حصان أو أكثر، وبعضهم مركبينها في قوارب وبوجي وغيرها.

طبعا الجراجات عندنا في الخليج لازالت تقليدية وتبحث عن الخيارات الأسهل والمجربة، مقارنة بالأمريكان والأوربيين خصوصا اللي استعملوا محركات BMW ومرسيدس وغيرها من المحركات المعقدة في التعديل.

باختصار شديد أنا مستحيل أركب مكينة خارج عائلة نيسان، وكانت مكينة انفينيتي VH45DE ضمن الخيارات.

تجليس المكينة بدون تشغيل في الإمارات يتراوح بين 50-65 ألف درهم، بس أنا جلستها في جراج ولد عمي والحمد لله في صلالة.

المكينة اللي عندي سنسر فلايويل لأنها من تايتن دفع خلفي، أرمادا وتايتن دفع رباعي مابين 2004-2006 السنسر يجي في الكرنك، الخلفي في الفلايويل، الموديلات اللاحقة كلها في الفلايويل. محركات 2007 فما فوق فيها نظام CVTCS نظام التحكم بتوقيت الصمامات المستمر والذي يعني تعقيدا إضافيا ولكن شغلوها الأمريكان أيضا وأمورهم طيبة.

بعد تشغيل السيارة راح تظل في مرحلة تجربة نشوف العيوب وغيرها، والله يجيب اللي فيه الخير. تحياتي لكم جميعا.

ياهلا وغلا باخونا ابو حازم .. كفيت ووفيت جعل مثواك الجنة ..

وأشكرك على ردك وننتظر جديدك أخونا الغالي والكل متشوق لتجاربك وأبداعاتك وانا بأذن الله تعالى بركبها وين تنصحني اشتغلها في اي كراج ؟

[بوحازم الشنفري]

أهلا أخوي وأهلا بالجميع.

أنصحك أخي العزيز تنتظر حتى تضبط معي السيارة، من تضبط ماراح تخسر مثلما خسرت بإذن الله لأننا جالسين نتعلم عليها ووصلنا المراحل الأخيرة وراح أفيدك بالطرق المختصرة اللي ما عرفناها من البداية.

طلبنا سنسر كرنك وكمبيوتر هالتك 1000 وظفيرة ثانية بعد التواصل مع شركة هالتك، وبإذن الله هذا بيكون آخر الحلول. يعني بنغير السنسر بدلما يكون في غرفة الجير (سنسر فلايويل) يكون في المقدمة عند بكرة (بولي) الكرنك.

الأغراض بتوصل تاريخ 10 أغسطس بإذن الله، وأتمنى تمشي البرمجة والأمور على ما هو مخطط له.

بخصوص الجراج اللي أنصحك فيه حقيقة ما عندي خلفية عن الجراجات في الخارج عندكم أو بالإمارات لأني شغال عليها في عمان.

تحياتي للجميع.

[Tyer_shalwa]

أهلا أخوي وأهلا بالجميع.

أنصحك أخي العزيز تنتظر حتى تضبط معي السيارة، من تضبط ماراح تخسر مثلما خسرت بإذن الله لأننا جالسين نتعلم عليها ووصلنا المراحل الأخيرة وراح أفيدك بالطرق المختصرة اللي ما عرفناها من البداية.

طلبنا سنسر كرنك وكمبيوتر هالتك 1000 وظفيرة ثانية بعد التواصل مع شركة هالتك، وبإذن الله هذا بيكون آخر الحلول. يعني بنغير السنسر بدلما يكون في غرفة الجير (سنسر فلايويل) يكون في المقدمة عند بكرة (بولي) الكرنك.

الأغراض بتوصل تاريخ 10 أغسطس بإذن الله، وأتمنى تمشي البرمجة والأمور على ما هو مخطط له.

بخصوص الجراج اللي أنصحك فيه حقيقة ما عندي خلفية عن الجراجات في الخارج عندكم أو بالإمارات لأني شغال عليها في عمان.

تحياتي للجميع.

الله يسهل دربك ويوفقك في مشروعك ويتممه على خير ..

بالانتظار يالغالي

[بوحازم الشنفري]

أول تشغيل للمحرك ولله الحمد، ولازال الشغل قائم:

[AL3OFI]

مبروك اخوي بوحازم

الله يعطيك خيرها ويكفيك شرها

[بوحازم الشنفري]

مبروك اخوي بوحازم

الله يعطيك خيرها ويكفيك شرها

الله يبارك فيك يالغالي، عالعين والراس

[المنيعي1]

ماشاء الله
الله يوفقك بس نبي تقرير كامل

[بوحازم الشنفري]

ماشاء الله
الله يوفقك بس نبي تقرير كامل

من تتم الأمور بإذن الله

[ابوزامل107]

ماشاءالله ننتظر تقريرك يابوحازم

[Tyer_shalwa]

أول تشغيل للمحرك ولله الحمد، ولازال الشغل قائم:

الف الف الف مبروووك ..

اللهم لك الحمد والشكر على التوفيق . فرحنا لك يالغالي والله يعطيك خيره ويكفيك شره ..

وتحيه لك ولأبن عمك وكل طاقم العمل الكفو الي خاطرو وجربو شيء جديد بدون جبن وخوف الله يوفقهم ويكثر من امثالهم ألأبطال ..

وبأنتضار تقريرك والاسعار أخونا الغالي محمد

تحياتي ...

[Bader-M]

تبي النصيحة من الاخر

الشغلة مكلفة و غير مجدية اقتصاديا
يعني راح تكلفك اقل شي 30 الف ريال

انت تحتاج مكينة و كمبيوتر و الدينمو و السلف و ظفيرة
هذا فقط تبي تكلفك على اقل تقدير 20 الف
غير شغل اليد و المشاكل

النصيحة
بع سيارتك و اشتر موديل جديد
افضل لك

موفق

[مدهوش]

من باب تجربة على ربع 1991 مكينه ارمادا :

1- المكينة عريضة ومكان روس الهدرز ضيق جدا جدا مع الرفارف ومتعب
2- القوه هي والفتك واحد (اقصد مكينه فتك على باترول قديم ومكينه ارمادا على باترول قديم) قاومنا اكثر من موتر وبشكل عام متقاربات جدآ جدآ اقدر اقول 51% للفتك و 49% ارمادا
3- التروك فيها عالي

هذا ما استطعت تلخيصة لك من واقع تجربة والله تعالى اعلم

[بوحازم الشنفري]

ماشاء الله
الله يوفقك بس نبي تقرير كامل

إن شاء الله من تخلص، لازال عندي نقطة تعديل الكرنكيس لتركيب الشفت الأمامي بدونما ينضرب.

ماشاءالله ننتظر تقريرك يابوحازم

إن شاء الله بيكون في تقرير، يا هلا وسهلا بك عزيزي.

الف الف الف مبروووك ..

اللهم لك الحمد والشكر على التوفيق . فرحنا لك يالغالي والله يعطيك خيره ويكفيك شره ..

وتحيه لك ولأبن عمك وكل طاقم العمل الكفو الي خاطرو وجربو شيء جديد بدون جبن وخوف الله يوفقهم ويكثر من امثالهم ألأبطال ..

وبأنتضار تقريرك والاسعار أخونا الغالي محمد

تحياتي ...

الله يبارك فيك يالغالي وإن شاء الله التفاصيل مع تمام المشروع.

تبي النصيحة من الاخر

الشغلة مكلفة و غير مجدية اقتصاديا
يعني راح تكلفك اقل شي 30 الف ريال

انت تحتاج مكينة و كمبيوتر و الدينمو و السلف و ظفيرة
هذا فقط تبي تكلفك على اقل تقدير 20 الف
غير شغل اليد و المشاكل

النصيحة
بع سيارتك و اشتر موديل جديد
افضل لك

موفق

من ناحية اقتصادية نعم، مكلفة جدا، تتراوح مابين 50-60 إجمالا مع تفصيل الأدابتر جير-مكينة والكلتشات رياضية وكمبيوتر هالتك وظفيرته وثروتل انفينيتي من الوكالة، طبعا ماشي مستعمل إلا المكينة والدينمو حق VK56 والباورستيرنج وكمبريسر مكيف حق التايتن/أرمادا وفلايويل الفتك، في تفاصيل كثيرة ما جمعتها لكن الشغلة ماهي سهلة أبدا. المكينة مصممة عشان ما تقدر تشغلها في خارج بوديها بعكس المحركات الأمريكية اللي أساسا مهيئة للعمل في أي مركبة من المصنع بدون حماية.

ولكن الموضوع متعلق بوضع محرك نيسان في موتر نيسان

من باب تجربة على ربع 1991 مكينه ارمادا :

1- المكينة عريضة ومكان روس الهدرز ضيق جدا جدا مع الرفارف ومتعب
2- القوه هي والفتك واحد (اقصد مكينه فتك على باترول قديم ومكينه ارمادا على باترول قديم) قاومنا اكثر من موتر وبشكل عام متقاربات جدآ جدآ اقدر اقول 51% للفتك و 49% ارمادا
3- التروك فيها عالي

هذا ما استطعت تلخيصة لك من واقع تجربة والله تعالى اعلم

هي والفتك واحد؟ قصدك فتك معدل ممكن، أما فتك وكالة فالفرق واضح جدا إلا إذا في هناك مشكلة في التركيب والتشغيل والبرمجة، يفضل تفحصها في الداينو وتشوف كم مطلعة.

هذا فيديو موترك؟

[الوسم]

في إنتظارك يا أبو حازم
وبالتوفيق مقدما
وشكرا لك يا صاحب الموضوع لتحفيزك له وشكرا لمن شارك أيضا