تركيب بطارية اضافية لشاص 2013

[هاوي عسير]

اول عمل تشتري دقمه جمس رقم القطعه D1793 هي الاجود والافضل .


ثانيا اقرب تشليح وتشتري قاعدة بطارية لجيب شاص او جيب ربع والافضل القواعد للموديل 2009 لان البطارية تجي في اليمين شد بلد تاخذ قاعدة البطارية مع المسامير الخاصة فيها سعر القاعدة بحدود 150 إلى 200 كامل.وتركب بالضبط فيه شغله لزوم تسويها قبل ماتركب القاعدة تجيك مجموعه ظفيرة بافياش رايحه للغمارة محل البطارية الاضافية بالرفرف الايمن عليك فك القاعدة وتقديمه مسافة 7 سنتي باتجاه الغمارة .و وتركب القاعدة على طول بدون مشاكل وتقدر تنضف قربه الهواء بدون أي مشاكل لوجود مساحاه للفك واضمن واقوى لتحمل المطبات واللي يبي يفصل عن اقرب حداد لزوم يحكم المسافة .
ثالثا تاخذ سلك كابرس اللي يوصل من البطارية لسلف تبع الكابرس لانه جيد بالتوصيل الكهرباء من اي محل قطع غيار والاصلي بحدود 75 ريال تاخذ 2 سلك او أي سلك 12 ملي وتوضعه داخل لي كهربائي للحماية من الاحتاك .
رابعا تاخذ اصبع صالون يجي معاه علبة فيوز مقاس 80 امبير وهذ للحماية لاقد الله من اي ماس هذا طبعاً اختياري الافيوز . وبالسبه لدقمه تقدر تسوي لها فاصل تشحن بالوقت اللي تبي وحال عدم الحاجه تقفل الفاصل . واغلب الشباب مركبينها بدون فاصل يعني تشحن على طول .
خامساً تقوم بالتوصيل ولكم صور سيارتي بعد التركيب بنفسي .



. ولكم تحياتي .

[هاوي الطرقة]

يعطيك العافية اخووي

[هاوي عسير]

الله يعافيك ويسلمك

[عاشق الهدد051]

السلام عليكم
ما شاء الله شغل مرتب و متكتك واللي ازين من هذا كله
انه شغل يدك وفقك الله

[هاوي عسير]

وعليكم السلام ورحمه الله وبركاته
جزاك الله خير والتوفيق للجميع يارب

[الفياض***]

نصيحه ركب منظم رفيق الدرب

[ابوسامي999]

شغل مضبوط بس ودي اسال الموجب تشبكه في الدينمو مباشر والا مع البطاريه الرئييسيه تقبل تحياتي

[هاوي عسير]

بالنسبه للموجب من البطاريه الاساسيه

[هاوي عسير]

انا مركب دقمه جمس لان مركب فاصل لدقمه اذا كنت طالع رحله اشحن البطاريه واذا ماكنت بحاجتها اغلق الفاصل لكي احافض على عدم ضغط على الدنمو من غير فائدة

[هاوي عسير]

نصيحتك على العين والراس ولاتهون ياغالي

[المميـز]

:

الله يعطيك العافيه على الموضوع المفيد

:

[LC2002010]

الله يعطيك العافيه

[ABO AZZAM 123]

الله يعطيك العافية ياهاوي عسير

معي موتر مثل موترك 2013 وابي اركب له بطارية اضافية وانت تعرف صناعية ابها ما فيهم احد يعرف يركبها قد حاولت من فترة لكن ماش مالقيت احد يشتغل ويضمن لك الشغل كل واحد يقول بجرب وبحط لك وبسوي واذا سألته يقول أول مرة يسويها ..

اخوي الغالي اذا انت في عسير دلني على واحد محترف يركبها لي الله يجعل والدينك بالجنة

بنتظارك هنا أو على الخاص


أسعدك ربي .

[هاوي عسير]

اعتذر على التاخير بالرد .
ثانياً اتوقع تحصل كهربائي بوادي بن هشبل يمكن يعرف او يدلك على واحد يعرف .اما انا مااعرف احد بالضبط . انا سيارتي سويتها بنفسي وطريقة جداً سهله .
والله انا حالياً بالباحة .

[ابن عكاش]

السلام عليكم
ما شاء الله شغل مرتب و متكتك واللي ازين من هذا كله
انه شغل يدك وفقك الله