الأخبار والتوقعات ليوم السبت 4 ذو القعدة

[راعي الحزم]

امطار غزيرة على مركز حرمة بسديرمعها شبوب
قبل نصف ساعة تقريباً

ليت ابو عبد المجيد نايم بغرفة شينكو من دون عازل كان يمديه قام وعطانا علوم السيل
الله يهنيكم بالسيل الليلة وبكرة وبعده وشكرا لك يالحقيل على الخبر

[صوت المطر]

السلام عليكم ورحمة الله وبركاته
أسف للتأخر بكتابة الخبر بسبب صعوبة الدخول على النت عموما
اليوم الجمعة 3/11/ 1427 ولله الحمد أمطار مابين المتوسطة وشبه الغزيرة
بدايه من بعد صلاة المغرب ضربت سحابه الجهه الشماليه من الدوادمي على المعارض
وشمال كثرت الماء شعيب الحسيني مشى مشي جيد بعد مازلت السحابة بدت البروق ماتفصل جهة
الجنوب والجنوب الغربي على جنوب الشعراء بعد صلاة العشاء ضربت جنوب
على طريق ماسل ولله الحمد العبارات مشت والغدران كبيرة على جوانب الطريق شعيب حمرور
قطع الخط خفيف وزل الخيال والبروق نشوفه الى الساعة 11 مساء لنفس السحاب
والأن الساعة 12 مساء البروق ماتفصل جنوب وجنوب غرب وشمال شرق والله كريم .
صورة السحابة قبل المغرب .




صورة لسحابة عقب العصر شمال الدوادمي

صوووووووور في غاية الروعه وينك يا شيخ فاقدينك أنت وصورك الزينة ..


عموما نتظر تقريرك المصور عن الأمطار ..


الآن الأجواء مسطكة بالنفيض جاي من جنوب شرق مع وجود سحب منخفضة فوق النفيض وهي بشارة خير

حرر الساعة الواحدة وعشر دقائق من صباح السبت 4 / 11

[ديم نجد]

ماشاء الله يالحقيل اجل تهقا الكلبي سال

ماعندي علم والله يابعد حيي

[عاشق البران99]

لا والله ماعندي علم :d

لكن بماأن حرمه جاها شبوب فمعناته ان السحابه الي شمال مطرها قوي والله اعلم وان شاء الله حطابه واطيها مطر طيب

أجل بمان الله بروح أسوي جولة تفقدية ،،،

[حد الشمال]

هذي صور الساعه الواحده قبل شوي وياريت احد يجيب لنا اخبار السحب اللي على الوسطى والشماليه الغربيه 0

[خط الأستواء]

الأخ راعي الحزم الصورة لسحابة قريبة على خط البيب تقريبا رعدت مع صلاة العصر وخلبت
وشعبان المطار ماوصلته إنشغلت بمتابعة سحابة الجنوب لكن باكر إن شاء الله أجيب لك العلم .

أخوي صوت المطر هلا بك والله أنا موجود لكن اليوم رابع ننشغل بمطارد الخيال ويروح الوقت
وسبحان الله الامطارماتجينا إلا بليل ومتأخره وتعرف تصوير الليل مايشجع ولكن إن شاء الله
قريباإنزل تقريرشامل مع الصور .

[راعي الحزم]

صوت المطر وينك ترانا اليوم استلمناك انا والمريوس ذكرت علينا يوم سمعنا صوت المطر الله كانت جلسة رائعة قبل قليل

جالسين على الضو ونسمع ذاك الصوت القوي ويقول المريوس جاك صوت المطر وتطري على بالنا والله ذكرناك بالخير يالغالي يكفي ان اسمك صوت المطر

[مطر الشتاء]

وش توقعاتكم علي المدينة المنورة يالربع

[مطر الشتاء]

ابشرك يا(جدة غغغغغغغغغغغغغغغغغغغغغغغغغير مشي الحال) مشكككككككككككككككككككككككككككككور

[جدة غير]

حياك الله يامطر الشتاء
"""""""""
جدة ظهور تشكيلات من السحب المنخفضة تتحرك من حهة الجنوب الغربية إلى الشمال الشرقي

[مطر الشتاء]

أيش اللي صار يا جدة

[مطر الشتاء]

تكفون يا شباب توقعاتكم علي المدينة بسرعة

[العذق]

السلام عليكم ورحمة الله وبركاته

آلان بريدة السبت الساعة 01:33 ص السماء ملبدة بالغيوم

يالله يارب تغيثنا

استغفر الله
استغفر الله
استغفر الله

نستغفرك اللهم ونستمطرك

يالله يارب مانقوم من النوم ألا الأرض رويانه يالله يارب

والسلام عليكم ورحمة الله وبركاته

[الغرش]

السلام عليكم ..

صباحكم خير ان شاء الله
1:00 ليلاً رش جيد شرق الرياض الروابي
عسى الله يتبع له بخير ..

[باب مي]

السلام عليكم

جانا سيل عند الساعه 12/30 جلس ربع ساعه وهي تحلب يالله لك الحمد عرض السحابه 15 كيلو تقريبآ وسالت شعبان طريق المستوي الخليف -- المظلم-- الوعراء--القلت-- الساكني-- المنحنى الادنى--
احتمال يمتلي السد الصباح

الموقع اشيقر