من أجل الراحة في الاكستيرا (ما العمل)

[Qassim Land]

السلام عليكم
مثل ما انتم عارفين يا اخوان الاكستيرا يعيبه انه قاسي وعضل وغير مريح بالدرجة الكافية

والسؤال باختصار يا اخوان ما المطلوب عمله وتغييره من مساعدات او غيره حتى يكون اريح وافضل علما انه استخدامي 80% خطوط
20% بر وطلعات

الموديل 2013 نص فل

[الوسم]

السلام عليكم 000 إسحب وحده من السست الخلفية ويفضل تكون الكبيرة جرب

[ابو فهد...]

مثل ماقال الرجال اسحب وحده ويبي يلين عليك

[ابوسند9]

وعليكم السلام
لا تغير مساعدات ولا تسحب سست وتخسر لن يتغير شي
معروفه مشكلته اذا انت ببريده مر على ورشة السيف ب 150 ريال يغير اللعاب الخلفي , وراح تدعي لي

[الوسم]

وعليكم السلام

لا تغير مساعدات ولا تسحب سست وتخسر لن يتغير شي
معروفه مشكلته اذا انت ببريده مر على ورشة السيف ب 150 ريال يغير اللعاب الخلفي , وراح تدعي لي

اتوقع من كلامك يا سند 9 إنك مجرب 00 لذلك يا صاحب الموضوع اللي جرب أثبت من غيرة وخذ رأيه

[Qassim Land]

اشكر جميع الأخوان الي ردو


بالنسبة لي سبق ومريت ورشة بدر التويجري في بريدة وغير لي اللعاب الخلفي واخذ علي 150 ريال والنتيجة صفر على الشمال الموتر كما هو قاسي

فهل من حلول أخرى يا أخوان

[ابو عبدالله21]

انا معي اكستيرا اوف رود 2014
ماعندي مشكله في المطبات بالعكس السياره جدا مريحه في المطبات
واتوقع السبب والله اعلم تركيب مساعد او ياي خلفي مع السست
اذا تبيني اصور الياي والسست وطريقة تركيبه ابشر الغريب ان الياي واحد مايل لمقدمة السياره واحد ميل لمؤخرة السياره واتوقع سعره الياي بالوكاله حوالي 200ريال

[ابوهيثم2008]

اخوي ركب سبرنق وتقدر ترفع وتنزل الموتر من ورى على كيفك بصاموله ويريحك مع المطبات وتخف الردحه
انا كنت مركبه بااكستيرا من قبل

[صمّّان]

نفس الوضع الموتر كنه ددسن

ناوي اركب بلستين طقم خلفي وامامي

اللي عنده ياليت يتواصل معي

[الذئب الاليف]

يعني المفروض الواحد يشري فل كامل ويرح راسه