استطلاع رأي حول الجمس (( اليوكن )) و(( التاهو )) 2015

[ابوناصر1431]

مساء الخير
ثقة مني في رأي أعضاء منتدى مكشات وخبرتهم الطويلة أود آخذ رأيكم في شراء سياره يوكن 2014 XL الموديل الحالي
او الانتظار حتى نزول الموديل الجديد علماً أن سعر القديم 146،500 الف ريال
بينما الجديد حول 185،000 الف ريال
علماً ان نزوله في منتصف رمضان تقريباً

نقاط القوة بالنسبة للموديل القديم 2014 :
1- خلوه من العيوب ب‘عتباره آخر موديل
2- رخص السعر مقارنة بالجديد
3- توفر قطع الغيار الاصلي والتجاري والتشليح
4- معرفة مراكز الصيانة بالسيارة وسهولة صيانتها

العيوب او نقاط الضعف :
1- شكل مستهلك جداً لمدة 8 موديلات
2- بعد نزول الموديل الجديد واستمراره كم سنة سيصبح الموديل قديم


نقاط القوة للموديل الجديد 2015 :

1- موديل جديد بالكامل وتغيير شامل بالسيارة للشكل المربع
2- جودة المواد المصنعة منها الأكسسسوارات والداخلية

نقاط الضعف :
1- يدخل في تصنيع بعض اجزاء السيارة - الكبوت - - الشنطة - - المقصات - معدن الألمنويوم
لخفة السيارة ، ولكن بالمقابل سيكون ارتفاع في قيمة القطعة وضعف تحملها .
2- عيوب التصنيع التي تظهر عادة مع اي تغيير في الموديل ولا يتم تلافي العيوب من قبل الشركة المصنعة الا بعد مرور موديلين على الأقل .
3- ارتفاع سعره جداً
4- عدم توافر اكسسوارت وقطع وما شابه كونه موديل جديد


هذي بعض الفيديوهات والصور للموديل الجديد 2015
(( 1))


((2))


((3))


(( 4))


((5))

http://gmc.montada.haraj.com.sa/3368...F%D9%8A%D8%AF/


أتمنى من الاخوة إثراء الموضوع كل بما يملك من معرفة أو رأي

[ابو عطر]

السلام عليكم

أختر الجديد وانت مغمض .. المثل يقول لا تلحق المقفي .
يعيش معك مدة لنفس الشكل للمديل القادم
جيل جديد افضل من سابقه
اما بالنسبة للسعر بعد الاستعمال اعتقد متقارب عند البيع .
اخيرا... ألبس جديد و عش حميد و مت شهيد .

[ابوناصر1431]

السلام عليكم

أختر الجديد وانت مغمض .. المثل يقول لا تلحق المقفي .
يعيش معك مدة لنفس الشكل للمديل القادم
جيل جديد افضل من سابقه
اما بالنسبة للسعر بعد الاستعمال اعتقد متقارب عند البيع .
اخيرا... ألبس جديد و عش حميد و مت شهيد .

وعليكم السلام ..

كلامك صحيح .. بالنسبة لجدة الموديل وحداثة السيارة ..

انما كلامي كان عن السعر عند شراء السيارة جديدة سيكون باهظ !

[ابوناصر1431]

مشاهدة (( 65 ))

ورد (( 1 )) !!

[اتجاه السحاب]

الموديل الجديد أفضل بلا شك فخمامة وشكل ممميز،،أما من ناحية السعر طبيعي أول ماينزل الموديل الجديد سيكون غالي لكن بعد مرور شهرين وتوفر السيارة بشكل كثير ينزل سعرة لامحالة،،
الله يوفقك للي فيه الخير..

[ابوناصر1431]

الموديل الجديد أفضل بلا شك فخمامة وشكل ممميز،،أما من ناحية السعر طبيعي أول ماينزل الموديل الجديد سيكون غالي لكن بعد مرور شهرين وتوفر السيارة بشكل كثير ينزل سعرة لامحالة،،
الله يوفقك للي فيه الخير..

من ناحية التميز صحيح ..
اما بالنسبة للسعر اعتقد يطول عشان ينزل بسعر معقول ..



في كل حال مشاركتك ذكية وجديرة بالتفكير ..

[فرفور بريده]

السعر يبي ينزل ع طول
السييرا فل غماره كان ب 160 الحين ب 142 بالكثير
عموما الجديد افضل بكثير
القير انسى عيوب فيه
لانه 6 نمر من عام 2009
والمكينه كذلك فقط اضافو بعض الانظمه

[ابوناصر1431]

السعر يبي ينزل ع طول
السييرا فل غماره كان ب 160 الحين ب 142 بالكثير
عموما الجديد افضل بكثير
القير انسى عيوب فيه
لانه 6 نمر من عام 2009
والمكينه كذلك فقط اضافو بعض الانظمه

بالنسبة لنزول السعر هذا ما اتمناه وان كنت اشك انهم ينزلوه بسرعة لمبلغ كبير .
ومن ناحية السيارات عموماً و الامريكية بالذات فأول ما يتغير موديل سيارة لشكل جديد عادة تظهر في السيارة عيوب مصنعية
على سبيل المثال في الجمس موديل 2007 ظهرت عيوب بالكرمبروسر وفي موديل 2005 ظهرت مشكلة اصوات بعمود الدريكسون .
وفي الكابريس 2001 الجربكس يفرط .!
والسيارة وان كانت تحت الضمان الا ان العيب المصنعي مزعج، ويفسد متعة السيارة .

[ابوناصر1431]

بما ان الموضوع نقل لقسم ملاك الجمس والشفر فسنحضى بالرأي الناصح والشور السديد
او هكذا يفترض !

[ابوناصر1431]

في هذا المكان يسود الصمت .. الصمت ولا شيء آخر غيره !

[ابوناصر1431]

وش فيكم ياعرب ...

مفترض هنا رابطة ملاك الجمس وعدد المشاهدات لا بأس به ولكن التفاعل شبه معدوم !!

[- أبو رنيم -]

اسمع ابو ناصر سمعت فيه مشكله بطى استجابة الدعسه في التاهو واليوكن اكس ال الحجم الكبير لاكن القصير ماعليه غبار
لذالك هذي مقطعين للي جربوها وفعلا قالو ان هالمشكه وارده في هذه السياره للحجم الكبير ..


و


حبيت انكـ تعلم بالمشكله قبل اتخاذ اي قرار ..

[مغلي]

المشكله السعر مبالغ فيه جدا ... الواجب انه يكون نفس سعر ال 2014

145000 لليوكن الدبل نصف فل

[الحربي 591]

اخوي مغلي
يعني وين راحت سيارات تايوتا
الربع 2015وصل 200الف
والجيوب مافيه نص مواصفات الوحوش الاثنين ذولا

وسعره مقبول لكن مرتفع بعد شوي هههههههههه

[tevo]

السلام عليكم
حبيت استفسر ايش الفرق بالتفصيل بين اليوكن الفل والتاهو الفل وايش ييفرق الدينالي عنهم .
الى اعرفه ان التاهو يجي لون كاكاو من الداخل واليوكن يجي على الدينالي بس
والدينالي يجي فيه برجكتر على القزاز الامامي و شاشه في الطبلون .
ياليت احد يقارن بينهم بالتفصيل للي عندهم خلفيه.