15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
بسم الله الرحمن الرحيم
السلام عليكم ورحمة الله وبركاته
أخواني أسعد الله أوقاتكم بكل خير
أنا شريت تاهو 2014 قبل اسبوعين تقريبا ولله الحمد والمنه
أذكروا الله
المهم أنا من طلعته من الوكاله وانا اعبيه بنزين 95
لاحظت حاجتين
الأولى: وأنا واقف أعبي بنزين الموتر تحس أنه شوي ويطفى عليك
وتنزل ريشة عداد الدوران إلى قرب الصفر تقريباً
الثانية: وأنا واقف في اي مكان أحس بالموتر فيه زي النفضه
وش الهرجه يا أخوان هل ضروري أوديه الوكاله خصوصا توه ماتعدى 3000 كم
مكشاتي متواصل
السلام عليكم
النفضة طبيعية بس مدتها ثانيتين بالكثير و ما توصل لدرجة اطفاء المحرك
Sent from my C6903 using Tapatalk
مكشاتي متواصل
أقول لك الله يحفظك ريشة دوران المحرك
توصل إلى مقربه من الصفر يعني الموتر تحسه انه بيطفي
هذا وقت تعبئة البنزين فقط
لكن وانا واقف عند اشاره او في مواقف العمل او البيت
تحس بنفضه في الموتر غريبه
مكشاتي متقدم
الوكاله يافؤاد مايبغا لها
مكشاتي متواصل
اخوي الهواوي كلامك صحيح ولكن
انا انتظر بقية الأعضاء والمختصين
يمكن الامر بسيط خصوصاً بأني توي شاري الموتر ولاني متعود عليه
مكشاتي
نفس الشي انا عندي يوكن توه ماشي 9000
وايضا احس ببعض الاحيان ان القير مثل اللي يمسك ويفلت
واذا جيت ابي اوقف احس فيه شي ماسك به يمشي ويوقف
مكشاتي
ننتظر الخبراء يفيدونا
مكشاتي متقدم
شكلك تعبي بنزين والموتر شغال !!!
مايجوز تعبي وهو شغال نهائيا
نزول الامبير وطلوعه هذا بسبب طرنبة البنزين
على فكرة
الجموس السعودية بنزينها ٩١
اما الامريكي يقبل الاثنين ماعنده مشكلة
ال ٩٥ دائما يعطي عزم افضل وانا اشوف انه اقتصادي والفرق ١٠ ريال
اللخبطة الي عندك تحتاج تشيك على السيارة بالوكالة دامها تحت الظمان عشان تسلم
مكشاتي متواصل
ياغالي انا عندي تاهو ٢٠١٢ مطلعه اصفار نفس الي صار معك صار معي بالضبط اذا جيت تعبي بنزين لازم تطفي السياره عشان فلتر البنزين وانا واقف احيانا تجيه نفضه كأنه بيطفا علما ان البنزين ٩٥ ولا وديته عند احد وسالكه اموره احسن مايكون لكن بغير بواجي ونا مدري كل كم تغير اذا عندكم خلفيه متى يغير البوجي وزيت قير الدبل كل كم يغير افيدونا
مكشاتي فضي
اخواني
انا عندي تاهو
وبالنسبة تحس السياره تدعس مع الوقوف مع المكيف فقط))
هذا عادي جدا
ومت تجربه لي في 3 سيارات تاهو
مكشاتي
السلام عليكم أخواني عندي استفسار بعد اذن صاحب الموضوع
ما قدرت اكتب موضوع جديد العضويه عندي فيها مشكله
عندي تاهو 2012 فاكه جديد وكاله من فتره طلع صوت تنسيم هوا من الجهه اليسرى تحسه زي صوت تنسيم في القزوز ويزيد مع الطلعات او اذا رفعت رجلي عن الدواسه ودعست مره ثانيه
وديته الوكاله قالوا طبيعي كل سيارات الجمس والتاهو فيها نفس الصوت وانا والله احسه ماهو طبيعي الي عنده خبره او صار له نفس المشكله يفيدني جزاكم الله خير
مكشاتي
حرام عليك يارجل تعبي بنزين والسياره شغاله لازم تعبي والسياره طافيه افضل
وللامانه الكثر من الناس الي يسوون هالطريقه تجيهم مشاكل ..
مكشاتي ذهبي
ماقصروا الاخوان اعطوك المفيد
اي سيارة طرمبة البنزين بالتانكي لاتعبيها وهي شغاله
وسيارتك طبيعيه مافيها شي
مكشاتي
السلام وعليكم يالربع بالنسبه لموضوعك فهو طبيعي ان شاء الله انا موتري له سنه معي ونفس الوضع انا كنت اعبي 95 وبعد ماقريت الكتالوج لقيت انه يفضل 91 والان اعبيه 91 لكن طبيعه هالنفضه هذي
بس ياجماعه ابي مساعدتكم عندي قير التاهو 2013 لاصرت ماشي 100 همن هديت ثم رجعت دعست ينتع نتعه وتجي النتعه كثير ارجو منكم الافادة وشكرا
مكشاتي
بسيطه ما تشلشي همالمشاركة الأصلية كتبت بواسطة فؤاد الزهراني
بسم الله الرحمن الرحيم
السلام عليكم ورحمة الله وبركاته
أخواني أسعد الله أوقاتكم بكل خير
أنا شريت تاهو 2014 قبل اسبوعين تقريبا ولله الحمد والمنه
أذكروا الله
المهم أنا من طلعته من الوكاله وانا اعبيه بنزين 95
لاحظت حاجتين
الأولى: وأنا واقف أعبي بنزين الموتر تحس أنه شوي ويطفى عليك
وتنزل ريشة عداد الدوران إلى قرب الصفر تقريباً
الثانية: وأنا واقف في اي مكان أحس بالموتر فيه زي النفضه
وش الهرجه يا أخوان هل ضروري أوديه الوكاله خصوصا توه ماتعدى 3000 كم
لابد من اطفاء المحرك عند تعبئة البنزين وانا عندي يوكن 2013 نفس الحالة وفي النهاية صرت اطفي المحرك قبل التعبئه
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس