افضل شجر للزراعه امام البيت

[bandar.sa]

السلام عليكم ورحمة الله وبركاتة
الكل عارف وقت الصيف عندنا بالرياض ودرجة الحرارة الداخلية بالسيارة خصوصآ الظهر, واكيد الكثير منكم في معاناهـ مع حرارة الصيف خصوصآ اثناء وقوف السيارة.
احد الخطط اللي كنت انوي ان اسويها قدام بيتي 1- مضلة 2- اشجار
المضله إحتمال تكون مكلفه نوعآ مآ, والشجر رخيص ولاكن يحتاج لعناية واغلب الناس يحط اشجار فيتحسف بعدها بفتره, فحسب خبراتكم ايش افضل شجر مايطيح اوراق ولا يسبب متاعب .؟

[uaest]

وعليكم السلام ورحمة الله وبركاته

كل الأشجار تجمع الطيور

و اعزك الله مخلفات الطيور تأكل الصبغ

انا أنصح انك تزرع بس لا توقف سيارة تحت الشجر

Sent from my C6903 using Tapatalk

[bandar.sa]

الغرض من الزراعه من الأساس عشان الظل

طيب هل يوجد مكان لبيع النخل؟

[مميز11111]

توجد مظلات ممكن تركبها على الجدار وتنفتح وتتسكر أوتوماتيكيا
يعني اذا تبي توقف سيارتك تفردها وإذا خلصت منها تطويها أوتوماتيكيا
أفضل من الشجر اللي بيجمع الطيور ويحتاج اهتمام

[شقاوي الديرة]

وعليكم السلام ورحمة الله وبركاته


حياك الله أخوي بندر

انصحك بشجرة النيم
ظل وخظار ورائحة طيبة خاصة عند الإزهار وسريعة في النمو وغير كذا النامس ما يقربها

عن تجربة شخصية

وهذه صور للشجرة للتعرف عليها من النت

[slagoro]

اخوي النيم تتساقط اوراقها في فصل معين من السنة وتسبب انسداد في ثلاجة المكيف في السيارة

[ابو شكاع]

بعض الأشجار مشكلتها أيضاً انها تخترق الصبات للوصول إلا خزانات الماء الأرضية
وهذي مشكلة أخرى

[FJ3230]

اهم شي ابعد عن البزرومي الشجر الي منتشر بالشوارع

ويسوون له قصات للزينة

هذاك يعدمك بالنامس ويدخل للمجاري اعزكم الله ويسدهاوينفخ الرصيف بسبب سرعة نمو جذوره

لكن بالظل مازين منه

[اسهيل]

عليك بالمظله الي قال الاخ

[راعي الرود]

انا دورت في المشاتل و كل صعيدي يعطيك كلام لقيت واحد يمدح بشجره التين او التينه على مايقول و طيرها لي بالسماء وانها زينه للظل وانا شبهت على اوراقها نفس شجره عند جاري و ظلها وافي احسبها بتجي نفسها و جابها لي شتله يمكن متر او متر ونص و لها اللحين اكثر من سنتين مازادت 1 سم مع اني اسقيها يومياً !!
لذلك شجره التين حطها بلاك لست
و كذلك الكرفس لي تجربه معها اول ماتركزها و تسمدها اول عشر ايام تسقيها يومي مرتين بعدين يوم ورا يوم تاخذ لها حول الشهر بعدين اتركها و تكبر من نفسها و نموها سريع لكن يوم من الايام فتحت الخزان و لقينا عروقها شاقه الصبه و اعتقد هذا سبب سرعه نموها .. على كل حال ما انصحك فيها خاصه لو كانت حول خزان او مواصير مجاري الله يكرمك

انا معك ابحث عن شجره مناسبه و ما تأثر بالخزان لانه قريب من الحوض الخارجي و نموها سريع و تنفع للظل

السؤال : هل شجره النيم تحتاج عنايه و تسقى يومياً ؟ او فقط في اول شهر بعدين على فترات ؟ هل فيها رائحه زي ريحه الفقس ؟ و اقصى طول ممكن توصل لك كم متر تقريباً ؟

[البرنس 1]

السلام عليكم ورحمة الله وبركاته ..
كل عام ونتم بخير الله يبلقنا وياكم شهرنا الحبيب رمضان
انصحك ونفسي بشجرة النيم وبعدها شجرة الفقس ( تطلع رائحة الفس ) .

[bandar.sa]

المشكله ان شجرة النيم تتساقط بشكل كبير يعني بكثره؟

[قنيص الفكر]

وعليكم السلام ورحمة الله وبركاته


حياك الله أخوي بندر

انصحك بشجرة النيم
ظل وخظار ورائحة طيبة خاصة عند الإزهار وسريعة في النمو وغير كذا النامس ما يقربها

عن تجربة شخصية

وهذه صور للشجرة للتعرف عليها من النت

والله كنت داخل الموضوع ابي انصحك فيها

نحنا في الامارات نقول عنها ( شيرشه )

شجرة ممتازة جدا

ولو تبي منها متوفره عندنا

[محمد ابن عيد]

..
و الله الشجر يذبحك
يوسخ البيت و يعدم الارضيه و الرصيف

[سقم المعادي 1]

واشنطونيا

صحيح ظلها مهب على ماتبي لكن ما يتساقط منها اوراق و تمليك و تحوس بيتك وسيارتك ولا تخاف انها تاصل خزان