فزعتكم يا أهل الجيوب والمقنااص

[العنزي سالم]

السلام عليكم ورحمة الله وبركاته

مبارك عليكم الشعر وكل عام وانتو بألف خير

بالمختصر مابغى اطول عليكم
ياجماعة الخير انا شريت سفاري موديل 1999
حجمه 4500
قير عادي

والصراحه عزر فيني
خرباته تهبا ، والحمدلله تداركت الخرابات وعدلتها جميع

الوكاد .. انا رجال ماخذ هالجيب ابيه حق البر
لقنص الطيور فقط ...

ومادري وش يلزمني احط عليه
من تانكي ماء وسله وعزبه و ... إلخ
ابي اغراض كامله بالتفصيل
وهل تنصحوني بهالجيب ذا ولالا


وادري طولة عليكم بالحتسي ، بس تحملونا

[العنزي سالم]

افا !! 14 مشاهده ولا رد واحد ..

[محمد ابن عيد]

..
حياك الله ي الغالي
مبـروك عليك المبـروك
انا اتمنيت انك اخذت اكستيـرا
عز الله انه موتـر ماشاء الله
و بخصوص المستلزمات /
ان كنت راعي صيد يوم واحد خذلك دبه ماء
و الاكل و العـزبه و توكل ع الله
و ان كنت مثلنا يومين ع ثلاث اسبوع
فخذلك ثلاجه و انصحك بحقه الـرمايه ممتازه
و مدله اسلاك و بطاريه اظافيه ولمبات الخ
و ان بغيت تانكي شي يـرجعلك
و الله ييسـر امرك
انا عطيتك اللي عندي و اخواني مايقصرون

[العنزي سالم]

ابيض وجه وماتقصر

[ابوناشي511]

انشد مجرب والله كان عندي 2001 ان الطير يمديه يصيد ويتعشا ويدرج عشاه وانا للحين ماجيته لأن كلهن مافيهن عزم هههههههه بس من ناحية القوه قوي

[العنزي سالم]

لا والله عزمه قوي اللي معي
، بس ابي اكمل فيه اغراض
للقنص وتمديد ليوت خارجيه وكذا ، وابي اركب فيه
بطاريه ثانيه ، مع العلم ان الكبوت مافيه مكان فاضي
وين تنصحوني احطهاا ؟!

[قايد النيسان]

اولا السلام عليكم وعلى البركة الجيب
وهاذي التجيهزات اللي عندي وانصحك فيها

1- طبق لشنطة لترتيب العفش + شراع تنزاني
2- تانكي مويه
3- يايات استرالية قدام وورا اذا كنت راعي تحميل وازين للموتر عشان مايحك بطنه
4- اذا كنت راعي مقناص طويل مهم ثلاجة ولا تركب ثلاجة الا اذا كنت مركب بطارية اضافية
5- لمبة ليد على الجنب او في الكبوت
وهذا اللي يحضرني

[منصورالشمري]

اولا السلام عليكم وعلى البركة الجيب
وهاذي التجيهزات اللي عندي وانصحك فيها

1- طبق لشنطة لترتيب العفش + شراع تنزاني
2- تانكي مويه
3- يايات استرالية قدام وورا اذا كنت راعي تحميل وازين للموتر عشان مايحك بطنه
4- اذا كنت راعي مقناص طويل مهم ثلاجة ولا تركب ثلاجة الا اذا كنت مركب بطارية اضافية
5- لمبة ليد على الجنب او في الكبوت
وهذا اللي يحضرني

[sgl2002]

الموتر القديم لازم يطلب هذي خلها قاعده عندك

وانا معي اخو موترك عليك بنظام تبريده بس رديتر وليات

والباقي اسحب عليه واسالني عنه تراه مايخرب وان خرب امش عليه مايضره


بالنسبه للتجهيزات ركب يايات ايترالية اهم شي وتانكي ماء وتسليك لمبات بالجوانب والكبوت

والبطاريه الاضافيه مابتحصل لها مكان لذلك ركب الاوبتيما الجافه تقوم مقامها

وثلاجة ثبتها صح ورا وطبق ترى الطبق زين يرتب لك الاغراض

[العنزي سالم]

بيض الله وجيهكم جميع والله يعطيكم العافيه

وياجماعه مثل منتو عارفين
لافتحت كبوت السفاري مافيه مكان فاضي
ماشاءالله اغراض المكينه ماخذه المكان كله
وين تنصحوني اركب بطاريه اضافيه
وهل اقدر امدد للها على الدينمو وتكون لها
دقمه فصل وصل
اذا مشيت بالسياره اشغل البطاريه الثانيه واخليها تشحن
على الدينمو ، واذا وصلت للمكان الي ابيه استعملتها

هل ينفع كذا؟! واذا فيه غير هالطريقه افيدوني

[منصورالشمري]

بيض الله وجيهكم جميع والله يعطيكم العافيه

وياجماعه مثل منتو عارفين
لافتحت كبوت السفاري مافيه مكان فاضي
ماشاءالله اغراض المكينه ماخذه المكان كله
وين تنصحوني اركب بطاريه اضافيه
وهل اقدر امدد للها على الدينمو وتكون لها
دقمه فصل وصل
اذا مشيت بالسياره اشغل البطاريه الثانيه واخليها تشحن
على الدينمو ، واذا وصلت للمكان الي ابيه استعملتها

هل ينفع كذا؟! واذا فيه غير هالطريقه افيدوني

باي مدينه انت ويعلمونك الشباب وين تروح تزبطها