الأخبار والتوقعات ليوم الإربعـــــاء 8/11/27هـ

[مطر الشتاء]

أبو محمد من أمس وأنا أنشدك عن توقعاتك للغربية

[عقله]

ياجماعه الخير وش المكان الزين للعاثله وقريب منشمال الرياض.. العيال ودهم يكشتون بكره الخميس

[مطر جدة]

اجواء جدة لهذا اليوم
الاربعاء
08 ذو القعدة 1427
الموافق
29 نوفمبر 2006

الساعة " 12:08 pm

اجواء صافيه وخاليه من السحب
الرياح شمالية غربية بسرعه 12 / 36 كلم
الرطوبة : 75%
الحرارة العظمى 32 والصغرى 20

الاسبوع القادم ( اي الاربعاء القادم 15 ذو القعدة ) هو آآآآآآآآآآآآآخر ايــــــــاااام الــوســـــم

ودخول المربعانية ..
والله يرزقنا جميعاً الخير والغيث ..

مطر جدة

[مطر الشتاء]

تنبيه رقم (1) ليوم الاربعاء 8 ذوالقعدة 1427هـ من الساعة11.30 صباحا الى الساعة 3.30 ظهرا بمشيئة الله تعالى نتوقع تكون سحب متوسطة كثيفة ممطرة يتخللها سحب منخفضة مصحوبة أحيانا بنشاط في سرعة الرياح السطحية مما يؤدي الى تدني مدى الرؤيا الافقية ويتوقع بمشيئة الله تعالي تكون ضباب كثيف مما يؤدي الى تدني مدي الرؤيا الافقية الى اقل من 3 كم في منطقة الرياض لذا يجب اخذ الحيطة والحذر... .


ماشاء الله عليكم ياأهل الرياض عيني عليكم باردة الله يرزقنا

[راعي طويق]

مساكم الله بالخير

اليوم الأمطار على ضرماء طيبة بالحيل من الفجر الى الآن حدود 6 مخايل طيبة وتاصل الى القوية

لكن سبحان الله ماسيلت

ومن تطلع من ضرماء الى مفرق البرة والقيعان رويانه ولاجا جروة سيل

لكن واطيها مطر طيب

[blink]الحمد لله [/blink]

[هب ريح]

شمال الرياض الآن الجو مشمس....الحمدلله على كل حال

[خالد العوض]

أبو محمد من أمس وأنا أنشدك عن توقعاتك للغربية

المعذره مانتبهت والظاهر اني كبرت
اللي اسماء عيالهم محمد واجد في المنتدى حدد
وبالنسبه لتوقعات الغربيه الله اعلم ان الغالب عليه هو الاستقرار
والله اعلم

[خالد العوض]

التوقعات تشير الى بارد قارس خلال العشرة ايام القادمه
والله اعلم

[مطر الشتاء]

البرد اللي تطرية علينا ولا عليكم

[أبــوريـــان]

مساكم الله بالخير

التوقعات تقول بررررررررد شديد يوم السبت والاحد وفرصة الامطار يوم الخميس والجمعة على الرياض

واحتمال ضعيف على القصيم

واكد ذلك الخبير عيسى رمضان صباح هذا اليوم

الله يرزقنا بدفوة لنها مهمة جداً للعشب قبل المربعانية

[جبل دامغ]

ياجماعه الخير وش المكان الزين للعاثله وقريب منشمال الرياض.. العيال ودهم يكشتون بكره الخميس

حياك الله أخوي عقله ...
اذا بغيت الشور ... عندك العيينه قريبه وفيها اماكن صاده لك ولعيالك ان بغيت الطعوس فيها وان بغيت الشعبان بتلقاها وحولك الديره قريبه وأي سياره عندك بتقدر تستخدمها ...
اذا تعديت العيينه بكم متر ادخل على اليسار جهت الجنوب هناك بتلقى اللي ذكرته لك ...
وعندك هالرابط وتفرج على شعبانها ....

http://www.mekshat.com/vb/showthread.php?t=64359

[زخة مطر]

التوقعات تشير الى بارد قارس خلال العشرة ايام القادمه
والله اعلم

سألت عن الثلوج وافيدك بانه اخر مره تساقطت الثلوج على نجد في 7/7/1413 وتحديدا" في محافظة الدوادمي واستمر حوالى 9 ساعات

[عقله]

الاخ خالد العوض مارديت علي عن رايك بتلقيح السحب هل هو صحيح ام لا؟

الربوه مازالت الغيوم فوق الراس وما طلعت الشمس وشكله فيه حيا قادم باذن لله .

[أبــوريـــان]

ابومحمد تشير بعض التوقعات إلى عودة المنخفضات على شمال المملكة بداية شهر ديسمبر والله اعلم
وش رايك ؟؟؟؟

[خالد العوض]

الاخ خالد العوض مارديت علي عن رايك بتلقيح السحب هل هو صحيح ام لا؟

الربوه مازالت الغيوم فوق الراس وما طلعت الشمس وشكله فيه حيا قادم باذن لله .

الا رديت عليك ارجع وراء وتلقى ردي