اخوكم بطلبكم طلب

[حر سدير]

السلام عليكم ورحمة الله وبركاته

تكفا ترا تكفا تهز الرجاجيل لولا ضروف الوقت ماقلت تكفا

انا اول مرة اسال عن الساكتونات

ابي شوركم ابي رايكم

ابي افضل ساكتون ويكون رخييص

وخفييف وقوة ما تتعدا ال25 او20

وصور لة لاهنتم ولااذكرو اسمة وانا ادور بقوقل

[rolex_911]

خذ لك 27 ديانا وادعيلي
لها عندي 25 سنة

[omar salman]

بتوصل 1100
عندي لك ساكتون
تبيض الوجة
صغيرة وخفيفة
وقوتها معقولة

[بريداوي اصليm]

شف أخوي أنا أبقولك ساكتون مع شينه وزينه
ومنب كاذبن عليك
فايروخ 27 دورلك قديم لأن التاليات طايحين به اغلبه بلاستيك
القديم حديد×حديد
وزنيه ثابته وأسأل أهل الديانا يجاوبونك
قوة
خفيفه << لدرجة أني كد صدت بيد وحدة
الدراهم ما تعدا الـ 1000
صبوره إذا حافظة عليه << لاتستغرب إذا قعدت معك 30 سنه
بس غير سسته كل 3 _ 4 سنين احسلك
لدخل والصفار والقميري طرااحه
أعتقد أنك ماراح تحصل أحسن منه

أخوك/ بريداوي أصلي

[حر سدير]

مشكورين بس في موضوع لقية واحد يقول في ساكتون 600 ريال وش نوعة


ومشكورين يلي ردو بس الصور لا هنتو


اساف على الاطالة

[عرق المستوي]

لا تدور غير الديانا 27 اللوالد عنده 21سنه وانا عندي له6 شاريه 850 من الرميح قبل 6 سنين
وعلى ماضن انه مقطوعه من السوق الحين بس انت دور واذا لقيت كويس

[ابو محمد 50]

عند الرمايه سكتون اسباني مقاس 610 وسعره رخيص له اربع سنوات معي للدخل والطيور الصغيره ممتازه ووزنه خفيف جدا

[الكركي الملكي]

وعليكم السلام ورحمة الله

أخي العزيز حر سدير أنا من رأيي المتواضع أن تأخد فايروخ 35 خفيفة وقليلة الأعطال ودقيقة في التصويب وقوتها مناسبة وقيمتها فيها , وقد تختلف الأسعار من وكيل مورد إلى آخر .

صورة للفايروخ 35


للفائـــــــــــــــدة!

وهذا موقع لشركة فايروخ شوفه وإختار المناسب لك
http://www.weihrauch-sport.de/deutsc...te/d_index.htm

[ابوحسن ...]

ديانا وبس زي ماقالو الاخوان

[أبو نـآيف]

خذ اسبانيه 35 من الرمايه رخيصه وتطرح الدخل والصفارى والقميري
ولا احسن منها خفيفه وصبوره وسعره فالرمايه 850 ريال

[صقار مبتدئ]

ديانا وبس ..........شركة عريقة و القطع رخيصة

[الخااطف]

ديانا وبس
الله يرزقك البندق اللي تطيب خاطرك