أسعار الحوض النيسان

[آلضيغمي]

السلام عليكم ,

كيف حالكم جميعاً ,

مالكم بالطويلة انا رجال ناوي اشتري سيارة وكل فترة نازل السوق اسعّر
كان براسي الهايلوكس الدبل , والأكستيرا , والأف جي العادي ولكن الفتك الحوض تقريباً هو المسيطر
وقبل فترة بسيطة كانت اسعاره اقل من الميه بالنسبة للاستاندر ,

امس جزمت ورحت الوكالة ولقيته 116 استاندر والفل فوق الثلاثين ,
والله عجزت اصدق قبل فتره اقل بواجد ,
المهم وش شوركم آخذه ولا انتظر نزول الـ 15 يمكن يطيح سعر الـ 14
ولا تتوقعون ان الأسعار بزدياد ماراح تنقص ؟

[وااضح]

الوكاله غاليه اطلع للمعارض ارخص

[بن نويشر]

والله من باب النصيحة والإستشارة ..

ليش ما تأخذ فورد غمارة ونص F 150 2013 بتحصل جديد أو شبه جديد بـ 95 الف ريال ، مواصفات من إلى وتانكي بنزين ضخم ومحرك جبار وصندوق تركب عليه شد ويشيل عفشك زي الحلاوة .. وانت أبخص .

[مسير عليكم]

وارد الخليج هو الي رخيص اما العيسى غالي واذا تبي شف معارض الخرج ارخص من الرياض

[اليامي قطر]

ان كانك راعي مكاشيت وبران فعليك بالنيسان مطرب الانسان

خذ لك شاص نيسان قير عادي

والنيسان سيف مجرب

وبالتوفيق

[المميـز]

:

المعارض ارخص من الوكاله

:

[تميم2222]

اننننننننتبه ف من المعارض ترا فيها شي مصدر من العراق وما يدخل في الضمان حتئ لو تراسل الشركه الام .....لذلك تاكد برقم الشاص ... وخير ما اخترت عسئ الله يوفقك

[الفهيد بدر]

المعارض ارخص ومبروك مقدما واشهد انه شيخ

[دواك عندي]

اننننننننتبه ف من المعارض ترا فيها شي مصدر من العراق وما يدخل في الضمان حتئ لو تراسل الشركه الام .....لذلك تاكد برقم الشاص ... وخير ما اخترت عسئ الله يوفقك

بعد أذن اخوي الضيغمي

ياليت تعطينا معلومات أكثر عن هذه النقطه وأن شئت تفرد لها موضوع خاص فضلا لا امر

[المميـز]

اننننننننتبه ف من المعارض ترا فيها شي مصدر من العراق وما يدخل في الضمان حتئ لو تراسل الشركه الام .....لذلك تاكد برقم الشاص ... وخير ما اخترت عسئ الله يوفقك

شلون تفرق بينهم ؟!!

[سفاري959]

لا تشتري من الوكيل غالي

اخبره قبل فتره بالمعارض فل كامل قير عادي ب 107

منقول بسمك جاهز

بالتوفيق

[الهواوي_1]

عند معرض نجد قبل البارح فل قير عادي 107 وخمس منقول باسمك بدون ضمان...فيه تغييرات..لون الصدام فضي ومزودين تمثال على الكبوت ولايوجد ستاندر....وحسب كلام العيسى الاستاندر بدون دف لوك 114 وغير متوفر...متوفر عندهم ابو 134....الفرق كثير لكن الضمان مشكله في اللي بالمعارض...سمعت ان فيه 2012 مخزن ورخيص اذا مايفرق معك الموديل

[تميم2222]

بعد أذن اخوي الضيغمي

ياليت تعطينا معلومات أكثر عن هذه النقطه وأن شئت تفرد لها موضوع خاص فضلا لا امر

شلون تفرق بينهم ؟!!

اابشرو يالربع فيه سيارات تدخل عن طريق العراق طبعا الموتر مايعيبه شي ولا فيه اي مشكله اوفرق وهذي قصه حصلت لواحد من ربعنا ورجال ثقه وشرواكم ... خذه من الصالات ويوم راح يدخله الضمان رفض الوكيل بحجه ان رقمه غير مسجل عندهم طبعا خوينا كالعاده راسل الشركه بالطريقه المعروفه لدى اي وكيل وتفاجاء بعدم ادراج سيارته لضمان ورفضهم ايضا علما بانه حاول بكل الطرق لكن دون فائده انا حبيت افيدكم بهالشي وصراحه الرجال كان ماخذه بسعر صيده وفيه طريقه تضمن بها بانك قبل ماتاخذ السياره تروح وتشيك عليها عن الوكاله اذا رقمها موجود فتوكل علئ فانت في بحر الامان هذا للفائده وشكرا

[دواك عندي]

اابشرو يالربع فيه سيارات تدخل عن طريق العراق طبعا الموتر مايعيبه شي ولا فيه اي مشكله اوفرق وهذي قصه حصلت لواحد من ربعنا ورجال ثقه وشرواكم ... خذه من الصالات ويوم راح يدخله الضمان رفض الوكيل بحجه ان رقمه غير مسجل عندهم طبعا خوينا كالعاده راسل الشركه بالطريقه المعروفه لدى اي وكيل وتفاجاء بعدم ادراج سيارته لضمان ورفضهم ايضا علما بانه حاول بكل الطرق لكن دون فائده انا حبيت افيدكم بهالشي وصراحه الرجال كان ماخذه بسعر صيده وفيه طريقه تضمن بها بانك قبل ماتاخذ السياره تروح وتشيك عليها عن الوكاله اذا رقمها موجود فتوكل علئ فانت في بحر الامان هذا للفائده وشكرا

اشكرك ياولد العم على التوضيح