ترهيم فلين حافظ الثلج على ثلاجة الشفاء بالصور والنتيجه ممتازه

[مطر وسم]

السلام عليكم ورحمة الله وبركاته

مبارك عليكم العشر الاواخر من شهر رمضان والله يتقبل منا ومنكم صالح الاعمال

اخواني جبت لكم عمل بسيط ومفيد جدا يغني عن بعض الخساير للأهل البر وخاصه اهل الصيد وهو ترهيم فلين حافظ الثلج على ثلاجة الشفاء مايكلف 50 ريال
المطلوب بالترهيم فلين حافظ الثلج ب 25 ريال وعدد 3 غراء سيلكون ابيض ومشرط
الطريقه اخذ مقاس قاع الثلاجه (ارضيتها) والجوانب الاربع ويكون اخذ القياس دقيق بالمللي وبعد تركيبها جميعا يتم تغريتها بالسيلكون من الارضيه والجوانب والزوايا وتسكير اي فتحه صغيره لكي لا يتسرب الماء اسفل وتركه يوم لينشف الغراء واخر شي نسويه غطاء من نفس الفلين بعد اخذ المقاس على الفلين الاول كما تشاهدونه في الصور
تم تجربة الثلاجه بعد وضع الثلج فيها وتسكير الغطائيين في مكان شبيه تماما لاجواء البر في الصيف الحار والنتيجه ممتازه والحمدالله الثلج استمر فيها ثلاثه ايام ونص وبقي ماء بارد جدا يكفي ليوم اخر من التبريد يعني الواحد يروح يصيد ويرجع ولازال الثلج موجود

ان شاء الله تعجبكم الفكره وتستفيدون منها جميعا

واعتذر منكم على ردائة الصور





سماكة الفلين واضحه بالخط ^^^^ الاسود مع سماكة الثلاجه تعطي حفظ اكثر للبروده

\
بعد تسكيره بالفلين



وهذي حافظة الشفاء بعد تسكيرها وبداخله حافظه اخرى تغني عن خساير الوف



واخيرا تقبلو تحياتي

[waheedqatar]

الله يعطيك العافية وفكرة حلوة اخوي

[4200]

ماشاء الله تبارك الله
عندي سؤال الفلين المستخدم كم مقاسه اذا حافظة الشفاء 40 لتر, وبعدين الله يسلمك هل يتم تنزيله مباشره بالحافظه وقص الجزء العلوي من الفلين؟
اتمنى تشرح اكثر الفكره اعجبتني

[مطر وسم]

ماشاء الله تبارك الله
عندي سؤال الفلين المستخدم كم مقاسه اذا حافظة الشفاء 40 لتر, وبعدين الله يسلمك هل يتم تنزيله مباشره بالحافظه وقص الجزء العلوي من الفلين؟
اتمنى تشرح اكثر الفكره اعجبتني

حياك الله اخوي
بالنسبه لمقاس الفلين والله مدري ماسئلت عن المقاس حصلت اصغر منه بس مهب مناسب لحافظة الشفاء اخذت المقاس الوسط ويوجد مقاس كبير
الفلين ماينزل مباشره وتقدر تركب الفلين مقاس الوسط في حافظه كبيره بس بيصير فراغات على الجوانب صعب تسكيرها
الطريقه تاخذ مقاس حافظة الشفاء من الاسفل اللي هو قاع الحافظه وتقيسه بالمللي بعدين تقص الفلين وتركبه بالقاع ارضية الحافظه وترجع تاخذ مقاس الجوانب الاربع حقت الحافظه وتقص الفلين على المقاس وتركبهم على جوانب الحافظه كل جهه لحالها منفصله يفضل يكون القص بمشرط حاد ليكون القص سليم وتجيب غراء السيلكون ابيض وتغري الفلين مع بعض الارضيه والجوانب والزوايا وماتترك اي فتحه حتى ولو كانت صغيره عشان الماء ماينزل تحت اتركه يوم لين ينشف الغراء وبعدين قص غطاء للحافظه من الفلين المتبقي على نفس مقاس اللفلين اللي ركبته اول
اهم شي في الشغل ان غطاء الحافظه يتسكر لا تزود قص الفلين شفه واضح بالصور

تحياتي لك

[فهد88]

الفكره ممتازه
لاكن ماذكرت كم كان ياخذ فيها الثلج قبل تحط الفلين

[procession]

ما شاء الله تبارك الله

والله لي الشرف اني ارد عليك

[adnanmgh]

الله يعطيك العافية

[MNH]

هل الفلين يزيد وقت حفظ الثلج او الحافظات افضل من الفلين انا اعتقد ان الحافظه تكفي بالعكس كنك ضيقت عليها شوي بالفلين

[مطر وسم]

الفكره ممتازه
لاكن ماذكرت كم كان ياخذ فيها الثلج قبل تحط الفلين

حياك الله اخوي

الثلج كان يجلس تقريبا 30 ساعه يعني يوم وربع قبل ما احط الفلين

تحياتي لك

[مطر وسم]

ما شاء الله تبارك الله

والله لي الشرف اني ارد عليك

حياك الله اخوي الشرف لي تسلم الله يحفظك

شرفني مروك العطر

تحياتي لك

[Lover Albatru]

مشكور على الفكره الطيبه

[مطر وسم]

هل الفلين يزيد وقت حفظ الثلج او الحافظات افضل من الفلين انا اعتقد ان الحافظه تكفي بالعكس كنك ضيقت عليها شوي بالفلين

ياهلا بك اخوي
اكيد الفلين مع الحافظه بيزود وقت حفظ الثلج كان الثلج يجلس معي بالحافظه لوحدها اول تقريبا 30 ساعه في عز الحر ويوم حطيت الفلين بوسط الحافظه جلس الثلج في اجواءشبيهه مره لجو البر 3 ايام ونص حصلته ذايب كل الثلج والماء بارد مره احسبها وش كم زيادت الوقت في حفظ الثلج ولو تجرب حافظه بدون فلين وبعد ماتركب الفلين بتعرف كل شي

بالنسبه للضيق نقدر نحلها في حافظه وفلين اكبر مقاس اللي سويته انا مجرد تجربه وتنفع لحفظ الطيور وقليل من علب الماء

شرفني مرورك --- تقبل تحياتي

[مطر وسم]

ارجو من المشرفين الكرام تنسيق الصور

[kshtat999]

الله يعطيك العافيه فكره حلوه ومجهود تشكرعليه

[قناص الصحرآء]

الله يعطيك العافية فكرة رائعة