تجربتي مع توكيلات الجزيره وخيبه الامل

[---ابو يوسف-]

كل الوكالات تعاملهم شين انا شريت من عبد اللطيف سياره ونا جاي اسال محد عطان وجه يوم قلت ابشري طبو علي
وسبق شريت من توكيلات الجزيره يوم جيت ابشري سالت السعودي الموظف قلت جب السياره اشوف قال لاتتعبنا نجيبه
همن ماتشري ولقيت موظف سوري حطن بعيونه قال اجيبلك كل المعرض واللي ولو ماتشري المهم يوم شريتمن السوري
كان الرقم السري اللي علي الباب مهب موجود دقيت علي قال اجيبه لك وسحب علي عاد طلعته انا بطريقه مذكوره بكتاب الشركه الزبده اذ تبي تشري خذ من المعارض خليجي ان لقيت تلقاه ارخص واحسن من الوكاله تعاملهم

[بندر بن سبيل]

للأسف __ هذا واقع اغلب موضفي الوكالات __ ولا أعلم ما السبب في ذلك .

[يزيد 999]

بالنسبة لتعاملي مع موظفي الوكالات فهي على حسب الموظف يعني تلقى بنفس الفرع الصالح والطالح لكنهم يشتركون بصفة واحدة عدم معرفتهم بأبسط الأمور عن السيارات وأخص بكلامي السعوديين للأسف أما الجنسيات الأخرى فما واجهت منهم أي مشكلة

وظاهرة التصريف تعتمد على شكلك يعني مرة دخلت الجميح وأنا مرسم وضابط أموري وكان ثلاثة موظفين يبتسمون لي لدرجة واحد منهم قام وسلم علي وماقصر فيني بصراحة وقبل فترة دخلت على العيسى وشكلي لك عليه أول مادخلت كل الموظفين رفعوا تليفوناتهم مرة واحدة وقعدت أحتريهم لمين واحد منهم تكرم علي وقالي وش عندك !!

[أبو راشد 33]

على طاري جهل موظفي الوكالات
قبل فترة مريت العيسى بفرعه الجديد على خريص
و أجي عند الموظف و أسأله عن سعر الباثفندر
و كعادتهم صرفني على موظف ثاني غير موجود بمكتبه أصلًا لأن حبيبنا الأول مايعرف كم سعر السيارة اللي واقفة
قدام مكتبه مباشرة

[Ababidoo]

صدقني أني عشت الجو معاك وحسيت بالقهر والغضب ، وتنفست الصعداء وحمدت الله أنك لم تشتري منهم ...
نصيحتي لك أشتر من الخليج وأترك الداب وشجرته...

[دواك عندي]

يمكن الله ردك عن شر
نصيحتي لك ابعد عن هاالموتر وخذ أكسبديشن

[مسير عليكم]

اذا تعاملهم ونت بتشتري كذا اجل كيف الصيانه ههههههههههه وكاله فاشله

[.أبوأحمد]

وهنا السبب اللي خلاني اكتب الموضوع / قبل الفطور بنص ساعه دق رقم رديت قال عبدالله قلت نعم قال معك فلان من توكيلات الجزيره - بيني وبين نفسي قلت اكيد بيعطيني عرض -

ولكن المفاجاه قال بالحرف الواحد مب عيب عليك تروح لموظف ثاني وتقول اني مسحب فيك ثلاث ايام وانا متكرم عليك ومخليك تجرب السياره ?

هنا انا فصلت عليه ومب لازم التفاصيل لان كلكم تعرفون وش الرد المناسب

اما هنا له وجه يكلمك بعد
هذا الي يقولك شين وقوي عين

[حبل الوريد]

رح لفرع القصيم ممتازين انا مطلع اكسبديشن من عندهم

[مسير عليكم]

على طاري جهل موظفي الوكالات
قبل فترة مريت العيسى بفرعه الجديد على خريص
و أجي عند الموظف و أسأله عن سعر الباثفندر
و كعادتهم صرفني على موظف ثاني غير موجود بمكتبه أصلًا لأن حبيبنا الأول مايعرف كم سعر السيارة اللي واقفة
قدام مكتبه مباشرة

ابوراشد والي سال عنه وكل واحد عطاني سعر وكل واحد مواصفاته تختلف عن الثاني

[hightech]

يا رجال خيره لك ان شاء الله واللي هذا أوله ينعاف تاليه ونصيحة لك دور لك اي بالميتين الف

دور لك اي سيارة دارجة مع الناس لأنك بكرة اذا احتجت قطع غيار ذاك الحين بتحس

صحيح بالغبن

انا خائف انك تروح من لينكون وتطيح في شركة دوج ان كان كذا خلك على الينكون

[بيك اب 4X4]

هذا اسمه تبلَد
اي موظف يقابل الجمهور يشوف العجب العجاب و يسير له مواقف كثير
و يبداء يتنازل و يلغي بعض الأشياء المفروض يسويها و يحط قواعد من رأسه
و اللوم على الشركة نفسها قبل الموظف لانهم لازم يسوون لهم دورات مستمره و تدوير موظفين
و تحفيز بحيث يشارك الزبون في تقييم الموظفين و من هذا الكلام
و الموظف مسؤول بحيث انه لازم يحلل راتبه و لا يعامل الناس معامله سيئة بسبب موقف او اثنين

[مميز11111]

ارفع فيهم شكوى للشركة الأم مباشرة وخطابك يكون بالانجليزي طبعاً
مشكلتنا يالسعوديين اذا لقينا مضايقات من اي شركة نسكت ونقول بكيفه يجيه من يأدبه وتمر الايام وتزيد وقاحتهم
((( المفروض أي واحد بيشتري سيارة يشتريها من الخليج ويخلي سيارات الوكالات هنا تصدي عندهم )))

[الهدد الاشهب]

انا قد توظفت في خدمه عملاء توكيلات الجزيرة تقريباً عام 1426هـ و تركتهم
ادارة سيئه بمعنى الكلمه الزلمات ماسكين جزء كبير من الادارة و فساد ومحسوبيات و سرق حقوق وصارت بيني وبينهم سالفه وصلت لمكتب العمل و ديوان المظالم
وشلون تبي الموظف ينتج عندهم في بيئه زي كذا؟؟

[خيال الغلبا]

انا ماشفت مثل تعامل وكالات البحرين ...............اما ربعنا مستحيل اشري منهم .......على قولة اخونا : اترك الداب وشجرته