انصحوني وش اشري اريل للسياره لجهاز 8000 ايكوم؟

[عدد وحدد]

السلام عليكم ورحمة الله وبركاته
بعد التحيه اخباركم ان شاء الله انكم بخير وعافيه مبروك عليكم العيد وكل عام وانتم بخير سؤالي كما في العنوان وش تنصحوني بأريل للسياره لجهاز 8000 ايكوم ابي اريل قصير مايبين في السياره ومداه بعيد ويكون قصير مايتعدى المتر حتى اطويه في السياره ولا يهم السعر انصحوني طالع للأمارات بعد اسبوع ان شاء الله

[سقم المعادي 1]

سيريو الايطالي لا تعداه

[عدد وحدد]

جعلك تسلم جربته ولا تعدى العشرين كيلو مدري هل الفتره ذي مافيه اجهزه او الاريل فيه مشكله انا اقول في الامارات شي افضل والله اعلم شاكر لك وننتضر باقي الاخوان

[سقم المعادي 1]

جعلك تسلم جربته ولا تعدى العشرين كيلو مدري هل الفتره ذي مافيه اجهزه او الاريل فيه مشكله انا اقول في الامارات شي افضل والله اعلم شاكر لك وننتضر باقي الاخوان

انا جربته في الرياض راسلت من النسيم شرق الرياض إلى حي العزيزية جنوب الرياض
و راسلت من النفود اللي حول التنهات مع واحد يقول انا في شويه يوم حسبتها طلع بيني وبينه حول 85 و الجو شبه مغيم
اشوف انه زين اذا استخدامك تتواصل مع ربعك في كشتات و فيه منه نوع وصلتين طوله مترين يقولون ازين لكن ماجربته

[taal0]

UOTE=سقم المعادي 1;10173379]سيريو الايطالي لا تعداه
[/QUOTE]

يعطيك العافية هذ وين يباع
بالتوفيق

[عدد وحدد]

جعلك تسلم ياسقم المعادي ماقصرت شاكر لك واذا مداه ياصل الخمسين فقط نعمه ولا ابي غيره مابين جهازين متحركين وليس سياره وستيشن

اخوي taal0 تلقاه في المرسلات مخرج 5 طريق الدمام تتجه جنوب وبعد ماتجيك وزارة العمل على يسار تفرق قبلها متجه شرق 500 متر تجيك المحلات على يمين اخر شيء هي محلات اجهزة المراسله

[عدد وحدد]

كما في الرابط على قوقل ماب
https://www.google.com/maps/dir/24.7...!1m0!3e0?hl=ar

[XRAY MAN]

السيريو الإيطالي القصير واحد من أفشل الآريالات في السوق عن تجربه والله صرت أستخدمه خيزران للبزارين مامنه فايده مره

وجربت قست الراجع فيه وحصلت مرتفع مره لأني لاحظت إن الجهاز يحتر جداً


جربت الكثير من الآريال ووجدتها كلها تتشابه الغالي والرخيص كلها واحده أعطتني نفس الإرسال ونفس القوه !

بالعكس وجدت إن الآيكوم إلي يبيعونه بـ ٥٠ ريال تقريباً إلي يجي من تحت لونه أبيض أقواها وأفضلها

[عدد وحدد]

جعلك تسلم اخوي XRAY MAN تجربه تأخذن في الحسبان واعتقد ان السوق مليان دعايات خادعه خصوصن للي ماعنده تجربه ياليت احد يفيدنا نبي نراسل على مدى معقول اكثر من 40 كيلو ولا اليدوي يفي في الغرض مداه 10 كيلو ماتفرق ...

[الهدد الاشهب]

انا 8 سنوات مجرب دايمند وصلتين اللي يعتبرونه مستخدمين الاجهزة التب في الاناتل و احلناه للتقاعد و شريت سيريو ايطالي وصلتين من العامه قيمته حروه 220 ريال ممتاز ماعليه كلام لكن ياللي تقول يرفع حراره الجهاز تأكد من القاعدة عندك و دائماً حاول تستخدم القاعده اللي تربط بجسم السيارة لطرد راجع الكهرباء و ابعد عن القواعد التجاريه خاصه التايواني المغناطيس لو تركب اطنخ انتل على قاعده مش حالك ماستفدت شي

[عدد وحدد]

جعلك تسلم اخوي الهدد الأشهب انا عندي القصير الي فيه زي الدائره في الوسط وقاعدتي اصليه مغناطيس صغيره ؟ فيه حل للراجع غير قاعده وتخريم

[الهدد الاشهب]

جعلك تسلم اخوي الهدد الأشهب انا عندي القصير الي فيه زي الدائره في الوسط وقاعدتي اصليه مغناطيس صغيره ؟ فيه حل للراجع غير قاعده وتخريم

تقصد هذا ولا تقصد الدايموند اللي فيه شكل حلزوني تقريبا بالوسط

والقاعده ماتحتاج تخريم انا كان عندي راجع كهرب ويسخن الجهاز وتفوح منه ريحه حراق وديته العامه فحصه طلع من القاعده سيئه و غيرت اي سي للجهاز ونصحني بقاعده زي هذي



تركب بدون تخريم

واحرص على السلك الزين خذ سلك امريكي المتر بريالين على ما اظن خبري فيه قديم

[عدد وحدد]

ماقصرت وبيض الله وجهك عزالله كفيت ووفيت

[yasser505]

شريت دايموند تجاري وشريت انتل مكتوب عليه ايطالي صغير وشريت ايكوم الابيض ابو 70 وشريت سيريو hp-2000 145

النتجية

الايكوم يصل لمسافات خيالية
اراسل الملقا وانا عند اسواق الشعلة

السيريو جودة فقطططط ولا مسافات للأسف الايكوم ابو 70 يتفوق عليه

لكن الصوت فيه صافي جداً جداً جداً استقبال وحسب محادثاتي مع الناس ابعد مسافة هي انا بكبري الفحص واحد الاخوان ثابت بالبديعة ويستقبلني 5 وفوق ترمش وانا كنت امشي بالسيارة "والله بدون مبالغة وهذا كلامه واذكروا الله وجهازي 8000 اصلي "

اما الانتل الصغير التجاري ابو 60 ريال الي يشبه الايكوم هو مجرد علاقة ملابس حتى استماع ما اسمع شي زين
اما الدايموند التجاري ابعد مسافة الشيخ جابر مع الامام مع واحد على الدائري عند الحكير لاند


اذا بر وتبي جودة " ماجربت بر لكن جودة بالمدينة " خذ السيريو

اذا تبي مسافة خذ الايكوم الرخيصص الي مستهينين فيه الناس والله انه قوووي ,, اراسل الاخ الي نداه جناح من الشرق الى السليمانية والعليا وكلنا دبل استقبال والارسال ..!!

[rossi 38]

سيريو الايطالي لا تعداه

قالها لك الذيب


ولاتنسئ خذ وصلتين افضل لك

سعره بالجوف 295 ريال