اخوي قتال والله انك سيلت لعابي
والله يعطيك الف عافيه على هالمشوي بكرة من صباح الله خير ابي اجرب وشكل الضحيةكلها بتروح تجارب
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اخوي قتال والله انك سيلت لعابي
والله يعطيك الف عافيه على هالمشوي بكرة من صباح الله خير ابي اجرب وشكل الضحيةكلها بتروح تجارب
كل عام وانت بخير
السلام عليكم ورحمة الله وبركاته
الاخ الغالى قتال
يرحم والديك بسك ياقتال
محبك اخيك
حـــــــــــــد الســــــــــــــــــــــيف
انا ما انصح انك تحط اي شي على اللحم عشان تشويه
حتى الملح !!!!!
لأن الملح بالذات يخلي الماي اللي بين انسجة اللحم يطلع بسرعه
ويصير اللحم ناشف اكثر ويفقد لذة طعمه
افضل طريقه انك تحط الملح في مرحله متأخره من الشوي
او تخلط الملح مع البهارات اللي تريدها والخل وغيره وتطبخهن شوي او تسوي منهن سوس خفيف وتدهن به اللحم في نص مرحلة الشوي
وبالهني والعافيه
افضل اشي مع الملح بس لاغير
والله الموفق
الله يعطيك الف عافية يا قتال على هذه المشاركة وبارك الله فيك
جزاكم الله خير هذا مشروع تسمين
اللحوم الوطنية لا تتبلها الا بملح لتبقى نكهة الشواء واللحم ولا تطغى عليها البهارات
واذا كان اللحم مستورد وغير معروف ما كان بأكله يتبل حتى لا تفاجأ بزفارة مستوردة !!!!!!!!!!!
والملح يكون بعد نضوج الشواء حتى لا يجف اللحم ويحتفض بطراوته
يعطيكم العافية على هيك شغلات
اخوي قتال عز الله انك وفيت وكفيت وشرحك واضح ومكتمل
ننتظر بشغف مشاركاتك بنكهة المشاوي
الأخ سماوي اذا تبغي تستفيد قتال خله على البال موضوعه بالحيل ما يحتاج سئول
تسلم يا قتال موضوع جدا جدا رهيب يعطيك العافيه
النصائح كثيره
والبعض قد يكون له وجهة نظر ثانية
لكن فالغالب احرص على التالي
أولا اللحم يكون هبر من الفخذ أو الخصر لأنها الأفضل بالشوي وقليل الدهون
تتبيل اللحم بالكاري والبهارات المخلطة يغير طعم اللحم ويطغى طعم البهارات على طعم اللحم المطلوب
حاول تتبل اللحم بفلفل أسود مطحون أثناء وقت التتبيل مباشرة (يكون أطيب ومحتفظ بالزيت الطيار اللذيذ)
مع دهن اللحم بسائل الليمون والخل الأبيض أو خل التفاح دهن فقط بالفرشة يكفي
واتركهم مصفوفين في صينيه كل قطعة بجنب أختها ( دللهم أخوي دللهم )
غطهم كويس بتغليفة بلاستيك وامنع هواء الثلاجة عنهم
وأتركهم من نص ساعة كذا تزيد أو تنقص شي بسيط مايفرق
سبب صف اللحم بالصينية بهالطريقة عشان تحتفظ قطع اللحم بسوائلها
بعض الشباب يتبل اللحم ويحطه فوق بعض ويضغطه بيده أثناء اللتبيل
وأثناء الشوي تلقى كمية ماء كبيرة طلعت من اللحم وبعد الشوي يكون اللحم يابس ولاهو طري
قبل وضع اللحم على النار تأكد من خلال جس النار بيدك هل هي جاهزة وحرارتها مناسبة (لاقوية تحرقه ولاضعيفه ماتسويه)
لازم تبعد النار عن شبك الشواء من 15 إلى 20 سنتميتر
قبل وضع اللحم على النار ادهنها بزيت زيتون (لاتسكب الزيت أدهن دهن فقط)
تقدر تستعمل غير زيت الزيتون (زبدة أو زيت سمسم أو غيره لك الحرية في ذلك)
دهن الزيت يساعد على احتفاظ اللحم بسوائله
لاتستعمل السكين لمعرفة استواء اللحم بواسطة القطع
استعمل الضغط الخفيف بالأصبع
حط عليهم ملح ناعم بعد إخراجهم من النار (أترك ساسا ركز على الأمريكي الأحمر تراه أطيب والأفضل ملح القصب لو حصل)
وبعد استواء اللحم
احرص على تغطيته لمدة 3 إلى 5 دقائق قبل التقديم
عشان يكون أطيب وطري
أتمنى لك عيد سعيد
وكل عام وأنت وجميع الأعضاء بخير
لحمة طازجة مع ملح ناعم وبعد وضعها على الجمر لعدة دقائق رش عليها الملح وكثر التقليب على الجمر وسم الله وكل مما يليك.
ماشاء الله عاد الموضوع للحياة بعد عشر سنوات
عيد مبارك وتقبل الله من الجميع صالح القول والعمل
الملح فقط وجربوا بكره على الضحايا
أفضل طريقة للشوي ..
اولاً استخدام أفران الشوي الأمريكية أم غطاء
ثانياً جعل المسافة بين الجمر و صاج الشوي حوالي الـ نصف شبر اذا الجمر متوسط ، واذا الجمر قوي شبر كامل !
ثالثاً تجهيز اللحم ..
يفضل للي يبي يشوي ستيك لحم ان قطعة الستيك ما يتجاوز سمكها الـ ثلاثة أصابع جنب بعض !
وتتبيلتها : أول شي تغرقها بزيت الزيتون ، وترش رشة ملح وفلفل أسود .. من الطرفين
بعدها ارمها عالصاج وغطه وخلها حوالي العشر دقايق او ربع ساعه ، بعدين اقلبها ..
واذا تبيها تكون مدخنه ، خذ كسر خشب ، حطب او غيره .. ونقعها بمويه لنص ساعه ، بعدين طلعها منا لمويه وارمها مع الجمر ..
واذا تبي تعرف متى تكون اللحمة ناضجة ، المسها ، وتكون ناضجه اذا كان ملمسها مثل ملمس عضلة أصبع الابهام إذا لامسته مع الاصبع الوسطى !
هذي استفدتها من مقاطع شوي عاليوتيوب لامريكان ، ولولا الموسيقى اضفتها
الذين يشاهدون الموضوع الآن: 1 (0 من الأعضاء و 1 زائر)