أفضل برامج ملاحة للبر والصحراء للآيفون بلا مناازع واللي يقول غير هالكلام ماعنده سالفة

[فهد الظهيري]

السلام عليكم ورحمة الله وبركاته ،،

قد يغضب أحدكم من العنوان ولكن فعلاً فعلاً هذي هي الحقيقة .. ومثل ما قالت الحكمة (أسأل مجرب ولاتسأل خبير) ....

أخوكم راعي حلال (إبل) وكل منازل حلالنا في أماكن (ينعدم فيها الإرسال تماااااماً)
وأقرب (إشارة إرسال جوال تبعد أحياناً 40 كيلو صحراء إن لم تكن أكثر) عشان كذا برامج الملاحة اللي راح أذكرها لكم هي برامج تعتمد إعتماداً كلياً على الـ GPS (الأقمار الصناعية) ولا لها دخل بإشارة إرسال الجوال إطلاقاً ..

و راح أذكر لكم البرامج اللي جربتها و تأكدت تمااااااااااااااماً أنه لامثيل لها و أنها برامج (يعتمد عليها بعد الإعتماد على الله سبحانه وتعالى قبل كل شيء) وراح أعرض لكم سلبيات وإيجابيات كل برامج والمراكز والنجوم اللي تستحقها في آخر المووووضوع ...
نبدأ على بركة الله ::

أولاً /
نافيتيل navitel (مدمج معهاخرائط الصحراء):
بوجود أثر التتبع (أهم شيء) و سرعة إلتقاط الـ GPS (الأقمار الصناعية) وخيار إختيار مسارين (قطوعة أو مع الزفلت) وتحديد مكان بالخريطة وقياس بعده عن مكان آخر ... هذا البرنامج لامثيل له و حقق كل شيء أمتناه بجهازي ويعتمد عليه بعد الله سبحانه وتعالى .. وجوده في جهازك ضروري جداً جداً جداً جداً
"شكراً لأخونا y7ool على هذا الإبداع"

(صورة تبين أثر التتبع البارح في الدهناء بعد ضياع ناقة لنا والحمدلله عقلها الله لنا ولقيناها)



ثانياً/
برنامج maps.me ... يا حليل ذا البرنامج و هو برنامج سهل جداً جداً جداً ويصلح للشيبان الكبار لسهولته وعدم التعقيد فيه واللي أعجبني فيه وخذا عقلي وهو دددددددددقته في تحديد المكان بشكل يفوق الوصف (ما أقدر أعبر لكم عن دقته العجيبة)
برنامج maps.me يعتمد على سهم بأعلى الشاشة يوجهك للمكان اللي أخترته و الجميل أنه بإمكانك إرسال الإحداثيات وهذا مفقود في أغلب برامج الملاحة ..
*ملاحظة* هذا البرنامج فقط تحدد مكانك في البر أو تدخل إحداثيات مرسلة لك وهو بنفسه يوجهك بـ سهم وجوده ضروري جداً جداً جداً

(صورة تؤكد عدم وجود إرسال الجوال (لاتوجد خدمة) أثناء إستخدام البرنامج في البر ودقته في تحديد الموقع)
[IMG]http://i.imgur.com/JeG6J6S.jpeg[/url]


ثالثاً/
برنامج igo primo ... برنامج جميل ويصلح للبر ولكن أنا أعتبره يصلح للمدن أكثر من البر بسبب عدم وجود خرائط الصحراء و أيضاً بطيء إلتقاط الـ GPS و أيضاً كمية التعقيد اللي فيه .. ولكن إجمالاً برنامج جميل و يمشيك يالمزنوق ..

(صورة لبرنامج igo primo ويلاحظ عدم وجود إرسال (لاتوجد خدمة) يعيبه عدم وجود خرائط الصحراء)
[url]http://i.imgur.com/GCXy9XH.png[/IMG]


رابعاً/
برنامج garmin viago ... برنامج جميل وسهل ومدمج معه خرائط الصحراء (موجودة خرائط الصحراء لأخوناy7ool في منتدى مكشات في قسم الموضوع المثبت)
يعيبه فقط عدم التوجيه بالصحراء (فقط بالزفلت وعلى الخطوط السريعة والمدن) ولكن عندي حل له
وهو فقط اختر المكان اللي تبي و راع يعرض لك (علم) على المكان اللي حددته وبكذا أنت توجه للعلم وبدون توجيه .. ننتظر التحديث القادم له وعساهم يضيفون السهم المباشر(القطوعة) عشان نرتاح...


خامساً /
برنامج garmin الأصلي لأخونا بوووح ...
جميل ويمشي المزنوق .. ولكن عيوبه كثيرة جداً .. و ينقصه الأسماء بالخريطة ولازم تحدد مكان عشان يطلع الأسم و السواد في الخريطة كثير جداً و برضو راح يرتفع ضغطك بسبب التقطيع في الخريطة لكن مثل ماقلت ... المزنوق اللي ماعنده غير هذا البرنامج .. راح يمشيه


إجمالاً هذي هي البرامج اللي تصلح للبر وتعتمد إعتماد كلياً على الـ GPS .. وهي أعتبرها من أجمل البرامج المخصصة للبر .. وصراحة جربت برامج كثيرة جداً جداً للبر ولكن ماضبط معي إلا هالـ 5 برامج ..

وهذي المراكز والنجوم اللي تستحقها هذي البرامج (من وجهة نظري الشخصية) وبعد تجارب عددددة :

المركز الأول : نافيتيل (5 نجوم)
الركز الثاني : maps.me (برضو 5نجوم)
المركز الثالث : آي قو برايم ( 4 نجوم )
المركز الرابع : قارمن فياقو (3نجوم) لو وضعوا التوجيه (قطوعة) لأرتفع إلى (5نجوم)
المركز الخامس و الأخير : قارمن الأصلي لأخونا بوووح (1 نجمة واحدة)

في النهاية أتمنى أني قدمت لكم مايفيدكم بعد ما أستفدت حقيقة منكم .. وحبيت أعرض لكم تجربتي مع هذي البرامج

ولا أرجي منكم إلا الدعاء لي
بـ الرزق الحلال
وبـ الصلاح
وبـ بالذرية الصالحة

الله لايحرمكم جنته يارب

[القاائد.]

جزاك الله خير

[فهد الظهيري]

جزاك الله خير

و يجزاك خير

[ابو صالح 2]

ماشاء الله
الله ينفع فيها ويساعد ويقلل حالة الضياع في الايام المقبله


صار اكثر من بديل للقارمن

[فهد الظهيري]

ماشاء الله
الله ينفع فيها ويساعد ويقلل حالة الضياع في الايام المقبله


صار اكثر من بديل للقارمن

صحيح .. عسى الله ينفع بها المسلمين بعد كثرة حالات الضياع و إنشدنا حنا ياهل الحلال عن كثرة الناس الضايعة عندنا بسبب جهله عن الأجهزة اللي في يده و إن فيها برامج قد تنقذك بعد الله
وما وضعت الموضوع هذا إلا لهم
شكراً لمرورك

[moani]

الله يجزاك خير يافهد وياليتك تغير العنوان الى (أفضل برامج ملاحة للبر والصحراء للآيفون والأندرويد بلا مناازع) وتضيف عليهم برنامجين آخرين Offline Maps و Backcountry Navigator Pro .. البرنامجين الأخيرين يستخدمون خرائط الـ Open Street Maps وتحمل مسبقاً في الجهاز. نفس الخرائط المستخدمه في برنامج maps.me ...

[moani]

مكرر..........

[محمد_1]

بارك الله فيك ماقصرت برنامج ممتاز الثاني

[فهد الظهيري]

الله يجزاك خير يافهد وياليتك تغير العنوان الى (أفضل برامج ملاحة للبر والصحراء للآيفون والأندرويد بلا مناازع) وتضيف عليهم برنامجين آخرين Offline Maps و Backcountry Navigator Pro .. البرنامجين الأخيرين يستخدمون خرائط الـ Open Street Maps وتحمل مسبقاً في الجهاز.

العنوان كتبته بعد ماشفت أن فيه ناس تضع البرامج اللي تعجبها ويمدحها وهو ماجربها إلا في المدن .. ويعطي رأيه بأنها تصلح البر والصحراء .. وأكتشفت بعد تجربة أن بعضهم ماتصلح للبر .. عشان كذا وضعت العنوان عشان أخبر الناس والمسلمين بأن البرامج الموجودة في الموضوع (بعد تجرية) هي اللي لاغبار عليها وهي اللي تصلح للبر والصحراء وتنفعك بإذن الله

بالنسبة للبرنامجين اللي أشرت عليهم .. والله ماجربتهم و أنا أخوك. وبحثت في الـ آب ستور ولقيت عدة برامج لهم وماعرفت وش البرنامج اللي تقصده !!

[فهد الظهيري]

بارك الله فيك ماقصرت برنامج ممتاز الثاني

برنامج maps.me عز الله أنه مافيه كلام .. أشهد بالله أنه عطية الله .. سهل وخفيف وسريع إلتقاط الـ الأقمار الصناعية ودقته عجيبة ... هو البرنامج المفضل عندي بعد نافيتيل

[فهد الظهيري]

مكرر..........

وش المكرر ؟؟

[moani]

العنوان كتبته بعد ماشفت أن فيه ناس تضع البرامج اللي تعجبها ويمدحها وهو ماجربها إلا في المدن .. ويعطي رأيه بأنها تصلح البر والصحراء .. وأكتشفت بعد تجربة أن بعضهم ماتصلح للبر .. عشان كذا وضعت العنوان عشان أخبر الناس والمسلمين بأن البرامج الموجودة في الموضوع (بعد تجرية) هي اللي لاغبار عليها وهي اللي تصلح للبر والصحراء وتنفعك بإذن الله

بالنسبة للبرنامجين اللي أشرت عليهم .. والله ماجربتهم و أنا أخوك. وبحثت في الـ آب ستور ولقيت عدة برامج لهم وماعرفت وش البرنامج اللي تقصده !!

البرنامجين موجودة في الـ Google Play وممتازة لخارج الطريق خاصة الـ Backcountry Navigator Pro


https://play.google.com/store/apps/d...igator.license

https://play.google.com/store/apps/d...linemaps&hl=en

[فهد الظهيري]

البرنامجين موجودة في الـ Google Play وممتازة لخارج الطريق خاصة الـ Backcountry Navigator Pro


https://play.google.com/store/apps/d...igator.license

https://play.google.com/store/apps/d...linemaps&hl=en

والله أنا أتعامل مع جهاز الآيفون .. وما تعاملت مع الجالكسي و الأندرويد ولكن شيكت على البرنامجين اللي وضعتهم و أطلعت على ماتحوي و وجدتهم يفيان بالغرض وهم قريبين من maps.me ولكن والله ما أقدر أحكم عليهم بدون تجربة ..

[moani]

والله أنا أتعامل مع جهاز الآيفون .. وما تعاملت مع الجالكسي و الأندرويد ولكن شيكت على البرنامجين اللي وضعتهم و أطلعت على ماتحوي و وجدتهم يفيان بالغرض وهم قريبين من maps.me ولكن والله ما أقدر أحكم عليهم بدون تجربة ..

أنا جربتهم ثلاثتهم ومن ضمنهم الـ maps.me ... الـ Backcountry Navigator يتفوق عليهم بلا منازع.
لو حصلت لك فرصة جربهم وعطنا رائيك لأفادة أخوانك المسلمين وحمايتهم من أستغلال المنتديات من قبل بعض التسويقيين لتوجيه الناس لشراء أجهزة غالية الثمن مع وجود البديل لها ربما الأفضل في بعض الحالات.

[فهد الظهيري]

أنا جربتهم ثلاثتهم ومن ضمنهم الـ maps.me ... الـ Backcountry Navigator يتفوق عليهم بلا منازع.
لو حصلت لك فرصة جربهم وعطنا رائيك لأفادة أخوانك المسلمين وحمايتهم من أستغلال المنتديات من قبل بعض التسويقيين لتوجيه الناس لشراء أجهزة غالية الثمن مع وجود البديل لها ربما الأفضل في بعض الحالات.

[SIZE="5"]ليت معي جالكسي عشان أجربه ..
لكن حتى لو كان جالكسي معي .. البرنامج قيمته 44ريال