القصبة او عصا السنارة وين احصلة بالرياض للضروره

[((ابو عبدالله الدوسري))]

سلام عليكم

انا ابي عصا سنارة مب للصيد احتاجه في غرض اخر يعني مايهمني الجودة مره

بدون المكينه بدون اي شي عصا فقط
وحبذ يكون محل يبيع جملة


وين تحصلهم في الرياض

[Supurban]

في الرياض ماتوقع تحصل لانه مافيها بحر

[((ابو عبدالله الدوسري))]

الا فيها وادي حنيفة *_- هههههه

[أبوحافظ]

عليكم السلام و رحمة الله
1 - تلقاهم بمحلات الرياضة اللي بعد فندق العروبه في البطحاء

2 - اتوقع وماني متاكد تلقاهم بساكو و محلات الرياضة المشهورة مثل الفالح و غرناطة لاني شفتها بفروع بعيده عن البحر

3- بالنسبة للجملة افضل شي تشتري عن طريق المحلات في الخبر او الدمام او جده تكون ارخص بكثير لان اللي شفتها بالبطحاء اسعار مبالغ فيها وانواع ماهي بذيك الزود

[ABOKHALID1]

وعليكم السلام
انا متاكد انها موجوده في عالم ساكو في الدائري الشمالي(تلسكوبيه زي الانتل تدخل في بعض)
سعرها من 100 الى 170 حسب الطول .
و كذالك شاهدتها من فتره طويله عند بعض محلات الصيد البري الكبيره مثل ( الرمايه و السنيدي )
تحياتي لك

[العمدة 66]

سوق الراجحي (أبو قبة) بجوار البريد المركزي
ويسمى أحيانا سوق الأجهزة الكهربائية للفلبينية
الدور الثاني

[((ابو عبدالله الدوسري))]

الله لا يحرمكم الاجر اشكركم على تفاعلكم
واللي عنده مشاركه او معلومه يضعها
كتب الله اجر الجميع