هل جمس ( السييرا ) .. يصلح لتجهيز البر !

[بن مانع التميمي]

السييرا عباره عن جحش بالرمل ماينفع
اما بالطريق خذ موتر

اذا تبي مواتر عليها العلم الباترول او الشاص دفرنسات صلبه وعمليه ومجهزه للوعر أكثر من غيره
ودبلات لايمكن انك تقارنه بالامريكي لأنه كلش كهرب تقريبا اي عطل بسيط يوهقك
رح لم أقرب بر وجرب السييرا اول شي الحراره واول ماتطلع من البر تظهر اصوات وبعد أسبوع تجيك خرابات

???

اخوي الغالي هل جربت الموتر وعاشرته يوم تقول انه جحش !!!


تنسيم 17 لل 22 فقط على البوالين خلاص تملك النفود كلها وماتحتاج اي شي

انا اتحدى به الفتك والفكسار و والشاص بالمرقى والتمشي بالنفود ولا يقضبون معي جادة .. ويشهد الله لا تعصب ولا شي لكن هذا الحق لا جا الموتر مع سواق وفاهم له


الموتر كنشاط محد ينكره الا جاهل


اخوي راعي الموضوع

بالنسبة للسييرا الاتش دي 2500 ماعليه غبار وحقه تحميل ماينهد حيله وتله بين العروق تل


لكن زي مانت عارف يبي لك تشييكات كل فترة ( يعني على ما زان جوك )

يعني الموتر لازم تداريه وتتفقده و اذا انت عندك شوي خبره مكنيكيه واحساس مكنيكي خلاص بتتأقلم مع الجموس

انا معي واحد الحمدلله كارفه شوي وماشاء الله ماعمره غدر بي الا مره كنت راجع من النفود وفرد معي القير !! وشلته سطحا وبالاخير صار هلال الدبل ودع والضاهر انها عين الله يكفينا الشر لانه ابدع ذاك اليوم بالطعس قدام العالم ههههه


طبعا طلعاتي خفيفة ومامن بعد عن الديرة .. اقصاها 30 كيلو عن الخط


لكن اذا انت راعي جلد وراعي مقناص ومطارد وضلعان لا بالله ما ينفع بيتعبك نفسيا لانه ثقيل شوي


واي سؤال انا تحت امرك

[كم كيلو باقي]

الحقيقة كشتنا كذا مره على سييرا 2500 hd
مره غمارة ونص ومره غمارتين
الموتر فبطنه عزم مهب صاحي لكن فيه وطابه شوي والمطب القوي يدبل كبدك يرجف بالموتر رجف
يبي لك تتعود على سواقته وبيعجبك اهم شي ارفع وجهه ولا تشب عليه عشان مايحفر
سايسه مسايس وبيوصلك ان شاء الله
اذا ماتبي تشغل ربعك بالتغاريز ركب ونش ياطويل العمر وباذن الله ماراح تحتاج لاحد يجور على موتره ولا شي عشان يطلعك

[أطلال نجد]

ضبط موترك يا رجال و النفود يبي له كفرات زينه و تنسيم و رجل خفيفه و مسايس و أمورك طيبة إن شاء الله

[راعي الرود]

ان كانه 2500 HD تراه موتر طيب للكشتات
احرص على الصيانه الدوريه فقط

[اليامي قطر]

فديت الجمس

[ابو ساره العنقري]

لاحول ولاقوه الا بالله
فيه ناس تعيفك بموترك ولو بحلف ماعمره ساقه الجمس
موتري نيسان باترول واقولك السييرا بطل
جهزه واهم شي اضبط الكهرب لاتحوس واجد واطرب عمرك
يابعدي شف الافغان حفارين القلبان مواترهم جموس موديلاتها 80 و79 يكدونها ماقالت لا
دور لي نيسان ولا تويوتا موديله 80 وصاحي

[Abo_Faisal_506]

اذا تبيه موتر صح
ركب له مساعدات
وهوائيات وبرمجه
ومبرد قير كبير
موتر نشيييط

[ابوخالدم]

اخوي ماعليك من كلام الي ماجربو انا معي يوكون 2008 ادخلبه اماكن تغرزبها الاند بس يبيلك تكون سواق وعارف البر زين

[ابوخالدم]

وشيك على الموتر كل ماجاء وقت تشيكه ولاتحرص على الثقيل ان كانك ماتشيك