كل واحد يقول وش اكثر شيء يخوفه في البر

[صاروخ الغطغط]

الخوف لاضيعت الطريق في البر ليلا وتعطلت او انقطع بانزين والخوف الثاني لا رقت في البر جنب اشجار او جبال وقمت تسمع اصوات غريبه لتحتري متى تطلع الشمس

[وضاح القمر]

ولله الحمد العقارب والقوارص بشكل عام ماعندي توجس منهن .. لكن مايخيفني دائما ((الغراز))

طبعا ممكن بعضكم يضحك .. لكن أنا أتكلم إذا طحت لك ((بسبخة)) أو طين أو رباضة .. خصوصا لا صار موتر واحد

عاد يقولون: "طلعتوا للبر؟؟ قال صحيح. قال غرزتوا؟؟ قال لا. قال أجل ما طلعتوا للبر"

عسى مابر وعسى ماكشتة .. وشوله أطلع وأغرز .. منيب ملزوم أطلع وأغرز وأتكسف وأضيع يومي

طبعا أنا أتكلم عن الغراز اللي بطين أو سبخة أو رباضة .. مايطلع الموتر بسرعة ويضيع يومكم ولا معكم موتر ثاني

[RainCloud]

اطلع واستانس ولا تنتظر الخوف مدامك متوكل على الله وفاعل الأسباب ، عش اللحظة

[yukon99]

البر يختلف بتضاريسه .. صحرا ونفود واوديه وجبال ..

بالنسبه للجبال اخاف منها بشكل عام ولااحب اقرب لها لابليل ونهار واكثر شي يخوفني منها السباع والثعابين . لان هذا موطنها

الصحرا والنفود عادي ممااخف من شي ولله الحمد ماعدا السوام وهذي غالبا تكون حول الاشجار والاماكن المنخفظه حاول دائما يكون موقع النوم بمكان مرتفع وبعيد عن الاشجار والاوديه والحافظ الله

لكن الضياع في البر قليل ولله الحمد وبالعكس لاضعت انبسط واعتبرها كشته وتفرجه

بالنسبه للغراز او التغريز تخاف منه لاصار موترك مافيه دبل لكن لو دبل لاتخاف لان الدبل يطلع مع السواق يطلع .. قلل الهواء قبل التغريز ولو غرزت نسم الهوا وخل فيه خمسة فقط او اقل حتى تتطلع وعبه بالماطور

حتى لو تضطر تنسم هواء الكفرات على الصفر فك الابر لين يصفر وبرح للكفرات ويطلع لو متعلق ويطلع لو طايح في اصعب تغريزه وعلى فكره التنسيم للكفرات الاربع حتى لو الموتر ماهو دبل

[الاشهب 507]

للرفع سلام عليكم ورحمة الله وبركاته

[قوافي ( أم نهار )]

للرفع سلام عليكم ورحمة الله وبركاته

وعليكم السلام ورحمة الله وبركاته
موضوع جميل يستحق الاشاده اشكرك على هذه البادره
،،،،،،
سبحان من خلق وابدع في كونه في ارضه وفضاءه

تخيفني الحشرات الصغيره فقط لا غير (الخنافس واشباهها )
تحياتي وتقديري واحترامي